Day2 (21 May 2010)

一張舒服嘅床，令我哋瞓醒後精神飽滿！今日去聖淘沙環球影城玩，所以我哋七點半就起咗身！梳洗過後，就搭的士去牛車水亞坤食早餐～

亞坤咖央多

我地叫咗兩個set，新加坡人喜歡食生熟蛋做早餐，佢地鍾意加豉油攪拌，然後用咖央多點嚟食。我哋有樣學樣，不過豉油落得太多，令到蛋汁有啲鹹…咖央多真係幾好味，不過點解凍冰冰嘅？如果熱辣辣會更好味！飲埋杯南洋奶茶同咖啡，我哋就出發去環球影城lu～

行過地鐵站途中，發現Hong Lim 熟食中心搬咗！旅遊書有介紹過架，好彩我哋冇諗住嚟食早餐，如果唔係食白果又唔開心。


新加坡環球影城

前往聖淘沙的其中一個方法是在Harbour Front站Vivo City內搭sentosa express，入島費SG3，第一個站就喺環球影城喇！去到影城，九點半，天書明明話九點就開門，原來十點先開＠＠諗住問下有冇得加錢upgrade做快證，點知連買飛counter都未開呀！嚟早咗都好，可以周圍影下相！

因為我哋一早買咗飛嘅關係，可以提早入場。其他冇飛嘅人，就只有恨的份兒。入到場，功夫熊貓已經在大街上迎接我哋。因為園內的遊戲還未開放，所以我哋都排隊影相。

樂園地圖同迪迪尼好似，都係中間入，然後向左／向右兜圈行，我哋趁有時間，劃咗個攻略圖，先主攻一些受歡迎遊戲！最後果然成功，頭一個鐘玩所有野都唔洗排隊，中午時份開始多人入園，所有遊戲都要排半個鐘以上，所以後半截好多嘢我哋都冇玩。米芝蓮有個食店評分，等我都整返個「AABB影城評分先」！

一粒星：不玩也沒有損失
二粒星：冇人排隊可以玩下
三粒星：值得排隊玩

古埃及 (Ancient Egypt)

 

木乃伊復仇記Revenge of the Mummy ☆☆☆

真係好似迪迪尼飛越太空山嘅室內過山車，不過這個更刺激！光是步行入去那段路已經夠驚嚇！過山車在漆黑一片的環境穿梭，並加入了許多意想不到的效果，係幾好玩的。Locker只有半小時免費，其後要收錢

 

尋寶奇兵Treasure Hunters ☆

類似迪迪尼的揸車，不過依個慢好多。冇人排隊咪玩下囉，否則唔玩都冇咩損失。

 

失落的世界 (The Lost World)

 

侏羅紀河流探險Jurassic Park Rapids Adventure ☆☆☆

坐在圓形橡皮艇上漂流，最後直衝落水，不過我地唔敢玩，所以評論唔到，哈哈。

 

天幕飛行Canopy Flyer ☆☆

坐在雙腳懸空的坐椅上，在高空飛行，繞過「失落的世界」一周。整個過程30秒左右，工作人員話唔快，只係欣賞風景，但係衝落去果下同返去果下都有少少離心力，有少少嚇親架。

 

恐龍騎士Dino-Soarin ☆

似迪迪尼的小飛象，不過佢換咗隻龍。因為玩過類似嘅嘢，所以冇玩到。

 

琥珀攀岩牆Amber Rock Climb ☆

即係攀石，不過此項目要另外收費的。

 

未來水世界WaterWorld ☆☆☆

在水世界內，高難度特技表演，令人嘆為觀止的爆炸特效，驚險萬分。每日只上演３場，分別係：1300﹑1500﹑1700，一定要睇！

遙遠王國 (Far Far Away)

 

史瑞克４-Ｄ影院Shrek 4-D Adventure ☆☆☆

好似迪迪尼個４-Ｄ影院，不過我覺得依個仲刺激。哈哈，好睇！

 

多話驢耍寶秀Donkey LIVE ☆

冇玩到，不過估係似迪迪尼個「會面史迪仔」，驢友會出來同大家玩互動talk show。

 

小龍飛行學校Enchanted Airways ☆☆

好似西九龍果部飛龍過山車咁，適合大人小朋友玩的過山車。

 

魔法轉輪Magic Potion Spin ☆

超迷李版摩天倫，似海洋公園兒童王國果個，不過果個室外，依個室內，都是屬於啱小朋友玩的玩意。

 

馬達加斯加 (Madagascar)

 

馬達加斯加木廂漂流記 Madagascar : A Crate Adventure ☆☆☆

未開，冇得玩。

 

朱利安國王旋轉舞會 King Julien’s Beach Party-Go-Round ☆☆

即係旋轉木馬，不過依個「木馬」好得意，全部都係荒失失奇兵的主角扮演，好特別。

 

紐約 (New York)

 

斯匹堡大導演主持的電影特效片場 Lights, Camera, Action! Hosted by Steven Spielberg ☆☆☆

現場上演一場特效表演，一個空蕩蕩的片場，頓時化身成五級颶風的紐約城，滿目瘡痍觸目驚心。電影特效讓遊客置身現場感受，彷似身歷其景。觀景台有三排，記得站在最前排，更刺激呢。

 

28號片場 Stage 28 (唔知點評分)

一個嶄新的電影製片廠，讓你走進幕後體驗第八藝術的魅力。冇開到，冇得玩>_<

 

科幻城市 (Sci-Fi City)

 

太空堡壘機械戰隊 (藍色軌道) Battlestar Galactica CYLON (唔知點評分)

太空堡壘人類戰隊 (紅色軌道) Battlestar Galactica HUMAN (唔知點評分)

大名鼎鼎的雙軌過山車，樂園未開已經出晒名，人人爭相報導。不過由於先前發生了一些故障而暫停開放，直至另行通知為止。喜歡刺激的人可能會覺得好可惜。

 

旋轉飛盤 Accelerator ☆☆

似海洋公園激流隔離果個飛盤。AABB一向不愛刺激，所以冇玩到。

 

好萊塢 (Hollywood)

 

好萊塢劇院Pantages Hollywood Theater ☆☆

環球影城一班怪獸的Rock-n-Roll歌舞SHOW，東方人可能會覺得悶d，好多人中途離場。表演員好投入，喜歡搖滾樂嘅朋友應該鍾意。

    
    
    
     買個獎送俾伴侶，一定tum得佢好歡喜♥

AABB遊園小tips

．園內嘅飲品偏貴，且選擇唔多，建議自行帶飲料。
．食物價錢較公道，例如一碗喇沙麵$43hkd，都未算好離譜，大家可以自擕食物入場，或者在園內吃都可以。
．建議預先買定飛，透過官網或TravelAgent訂購均可。
．建議在平日時間遊樂園，並且早到半小時以上。
．入場後先攻喜歡的遊戲，這樣不用花太多時間排隊。
．到場執生！如果太多人，買fast pass較化算。



因為早入場嘅關係，所以玩到３點我哋就離開環球影城，前往聖淘沙其他玩樂景點。烈日當空，太熱了，依個時候去玩簡直係折磨自己，所以我哋去左Toast Box坐低飲杯野抖下先，叉足電，又再出發！第一個玩樂區就係期待已久嘅MegaZip。

MegaZip 極速下山 ☆☆☆

先前的文章已經介紹過，MegaZip是看似超激的索道滑行，單靠穿在身上的一個扣和一組滑輪，從山頂越過樹林頂一躍而下，不消45秒便滑到400米外的小島上！先前一直好期待，但當上到山頂，買埋飛之後，我開始「拗底」。望住個高台，越諗越驚，驚到想縮沙。猶豫咗好耐，我走埋櫃位同姐姐講：「I feel scared and nervous, can I refund my money?」跟住佢話唔洗驚，唔會好快，just 50km/h，初時可能會驚，但落到去之後，you feel nothing。仲補多句:”You Must Try it!” Really? ? 我懷著半信半疑的心情再次踏足這條路，但我真係好緊張，幾乎同每一個工作人員都講一次「我好驚」。因為兩個人體重不超過150kg可以一齊玩，所以我就要求同Ａ先生一齊。上到去高台，因為我好緊張，非常唔合作，擾攘咗好耐終於出發！頭幾秒真係好驚，有離心力，但係正如姐姐話齋，跟住就free falling，好free好爽好正！玩完的確想翻啅！但係太貴了，玩完都唔洗30秒。下次有機會，我要一個人飛落去，嘿！

   

玩完MegaZip，我地沿著沙灘步行去另一邊玩Luge & Skyride。當時天氣好到不得之了，看著比堅尼女郎曬太陽，肌肉男在玩滑浪，令到整個人都不禁懶洋洋起來！聖淘沙果真是一個渡假聖地～

   

Luge & Skyride 斜坡滑車 ☆☆☆

斜坡滑車(Luge)是從新西蘭引入的玩意，駕駛者從樓高12層的山坡上，沿著650公尺的跑道迅速滑下，拐過一彎又一彎，完全自主控制車速加倍刺激！旅程5分鐘，玩完想再玩？可以乘坐吊車(Skyride)經過320米的索道返回山頂，全程懸著雙腳，腳下是綠林，遠眺是美麗港灣。

這又是另一非常期待之玩意，玩完之後都冇令我地失望，真係非常之好玩！Ａ先生直頭愛上這玩意，回來後一直排念著呢～早知咁好玩就買多幾次啦，哈哈！提提大家：跑道有兩條架，一條曲折d，一條正較直，建議大家玩曲折果條，刺激好玩好多架^^

   

玩完滑車都已經六點，原本plan咗睇Song of the Sea，但係因為類似嘅表演已經睇得太多，突然失去興趣，所以決定提早走，出去市區食好嘢！嘻嘻。

 

今日係我B小姐生日，唔買返個蛋糕慶祝下點得？據我所知Vivo City內有間Secret Recipe，芝士蛋糕好出名，橫掂順路梗係要買嚟試下啦！款款都好吸引，最後揀咗oreo cheese cake & marble cheese cake。買完就去新海山。

 

惹味招牌黑胡椒蟹 - 新海山

新海山是一間出名的海鮮餐館，招牌菜是辣椒炒蟹同黑胡椒炒蟹！不過搵依間新海山就辛苦了，本書話由Outram Park 或者 Tiong Bahru行過去10分鐘，但係又唔講邊個地鐵站出口，個地圖大到呢……真係唔好再放大d？我真係冇可能確定到我究竟方向啱唔啱，結果，行完一次又一次冤枉路，最後問人，佢話距離好遠架，起碼行半個鐘。跟住佢教我地搭巴士，33號﹑63號﹑851號。

上左巴士過咗幾個站，順利去到新海山！一坐低，侍應強烈向我哋推介冰涼蘆薈，話自家制好清甜。唔知係乜嚟，叫左一碗試下先，唔飲由至可，一飲停唔到。味道清甜又冰涼，有啲似檸蜜味道，不過清新版，蘆薈又好好味。不消一會，就俾我哋飲晒！本來想叫多碗，但係太貴了，成六蚊坡紙，都係叫壺茶算了。點咗隻黑胡椒蟹，同埋椒鹽蝦。椒鹽蝦炸得好脆好入味，蝦好新鮮，蝦頭好多膏！食咗一陣，隻黑胡椒蟹都上埋，聞落香噴噴，已經流晒口水，急不及待搶隻蟹鉗嚟食，黑胡椒好香，d汁好惹味，蟹肉非常鮮甜，好食到停唔到口，Ａ先生話好食過無招牌！隻蟹好快就俾我地食完，好唔捨得呢>_< 今餐好和味，價錢仲和味呀，足足食左SG104，差唔多六百蚊港幣！

 
走嘅時候，我哋都係搭巴士，已忘記幾多號，去到Clarke Quay MRT之後就慢慢行返酒店，仲食多咗次「阿伯雪糕」呢^^



   

Day1 (20 May 2010)

話咁快就完左5日o既新加坡勁食生日之旅，今次旅程玩得豪食得豪，搞到我地唱完一次又一次錢，完全Out晒Budget﹗

不過唔緊要啦，開心嘛~等我慢慢寫下依5日玩左d乜啦~

今次係第一次乘搭虎航Tiger Airways，在T2客運大樓。班機都幾準時，seat位都唔錯啦。廉航是沒有飛機餐供應的，機上有小食售賣，不過價錢貴到嘔！相比起來，AirAsia同埋Cebu Pacific就抵食好多喇﹗

差不多4小時機程之後，就降落於新加坡機場。由樓梯步行落機場那一刻，我拿出相機想紀錄這一刻，可是工作 人員話唔俾影。真係各處鄉村各處例，我在其他國家機場拍照都冇人阻止的。

原來新加坡有一個Budget Terminal，廉航專用的，但是這個Budget Terminal卻自成一角，去到無雷公咁遠，要坐Shuttle Bus先可以去其他Terminal或者MRT Station，這不知叫歧視還是尊重。

一到步，我哋立即唱咗錢先，因為百年只提供大額紙幣，所以冇喺香港唱。機場匯率：1兌5.68，同香港差唔多，先唱左$3500。唱完錢，然後我想申請新加坡全國免費Wi-fi服務， 根據官網資料尋找Customer Service Counters不果，去information centre問人，佢竟然話機場冇得申請，要去唔知乜乜centre。官網明明寫得好清楚:

如果你是外國遊客, 請在以下地方申請:
1. Customer Service Counters at Singapore Changi Airport
2. M1Net Reception at 10 International Business Park Singapore 609928 . From Monday to Friday (9am to 6pm)

可惜我沒有printout個網頁果版，想即時Wi-fi上去我個Blog搵資料俾佢睇但係又connect唔到……唉﹗搞左大半粒鐘都係得個吉，浪費我時間。後來我諗…個Customer Service Counters係咪响其他Terminal呢？

跟住我地搭Shuttle去MRT station， 轉MRT出市區。由Airport去Clarke Quay，需要轉4次車，因為我地唔熟悉地鐵路線圖，所以miss咗幾班車，眼白白睇住部車同我地刷身而過…特別要注意Tenah Merah這個站，佢會好似彩虹地鐵站咁有3個月台並排，轉車的時候要望清楚，唔好上錯車。Dhoby Ghaut這個站是一個很大的中轉站，好似中環站咁，轉車要行好多 路，要有心理準備啊！

幾經波折，我們終於來到了Clarke Quay站，一早知道Studio M Hotel離地鐵站好遠，所以決定搭的士。果然沒錯，很多司機都冇聽 過Studio M Hotel，所以我 地講咗Gallery Hotel，喺正 隔離。停車望下個標：4.6，好彩~ 點知個司機按咗個制，突然變咗9.2??? 咩事??? 原來，新加坡搭地鐵係有peak hour surcharge的，時間：5:00pm-8:00pm。好慘，我地剛剛在五點幾，咁就唔見50蚊，真係唔敢亂搭的士。

安頓一切後, 離開酒店時還未過peak hour，所以我地選擇行去地鐵站
由酒店步行至Clarke Quay站需要15mins，沿途經過Clarke Quay同Boat Quay，風景明媚

夜晚去動物園，要去Ang Mo Kio轉巴士，本來諗住順路去someset 新開商場313嘅food court食野，發現d野唔啱食，兜兜轉轉，結果都係買麵包。d旅遊書好食x，d資料寫到唔清唔楚，特別係紅色閃閃果本，搭138巴士，咁巴士站喺邊至得架？為免走冤枉路，都係問清楚好d。

巴士總站在地鐵站對面的商場內，沿途有指示，當你開始見到類似巴士站的物體， 直行到最尾就是138號了。巴士都搭幾 耐，大概40mins，動物園真是很偏僻呢～

去到動物園，已經晚上8:15pm了，我們趕去睇8:30pm那場動物表演，去到已經差不多坐滿了。場show做半個鐘，因為太黑，d動物又不太聽話，講真，其實有點失望。我以為會有猴子踩波波之類的雜技表演，點知冇，同大陸動物 園d動物表演相差太遠。

睇完表演，跟住就乘坐小火車觀賞動物，全程45mins，看見好多動物，獅子﹑老虎﹑河馬﹑四不象﹑長頸鹿﹑大象﹑犀牛﹑水牛﹑各式各樣小鹿等，沿途有 導遊講解，不過全英文。可能我本身期望太大，我曾經去過長隆香江野生動物世界，我覺得兩者差唔多，「香江」仲多嘢睇d添，所以有少少覺得咁貴入嚟唔值得。 坐完小火車，都差不多10點幾，我地食咗 碗13蚊坡紙嘅喇沙，參觀完紀念品店，然後就搭車回程。

夜晚我地又由地鐵站行返去酒店，順便欣賞一下Clarke Quay河畔的夜景




以上遊記由AABB快樂旅遊提供, 更多精彩遊記, 請往:
http://hk.myblog.yahoo.com/AABB-happyTravel

4天3日華欣Aleenta懶洋洋之旅終於完滿結束
依幾日真係玩得好開心，好寫意，叉足電!!!

Day 1 (28Jun08)

Aleenta係一個好隔涉o既地方，之前我地搜集左好多交通資料。
但是，為免轉來轉去浪費時間，最終我地決定包的士入去。

的士司機叫阿Yo，係泰友營營友介紹的，由機場至Aleenta，THB2500，格過最抵架哪！問過另一間要THB3200！因為Aleenta距離市中心好遠，平時call的入Aleenta，通常都會加THB600-800的！
司機手車好好，2.5hr，已經到達華欣Aleenta Resoort!!! 比預期中快左好多^o^

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_1/blog/ap_20080706124709778.jpg.jpg?ib_____D150LLuss]
去到Aleenta，已經晚上7時，一落車，迎接我地既酒店職員已經知道我地係邊個，態度亦都好nice好親切，感覺好好。每人有一個花圈，仲有一杯welcome drink，一種地道的貼心。

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_1/blog/ap_20080706124803247.jpg.jpg?ib_____DynjNbRhW]
入到房間...嘩...不得了！真的和官網的照片一樣~~

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_1/blog/ap_20080706015248512.jpg.jpg?ib_____DmNRS.yIZ]
加埋出面個Jacuzzi同埋吊床，心情已被調較得好relax~v~

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_1/blog/ap_20080706015334751.jpg.jpg?ib_____DLfHs32sc]

這裡沒有電視，但有一部ipod播放著柔和的音樂。這個環境在音樂的伴奏下，甚麼煩惱都忘記了。我們都很愛那部ipod。

房間佈置都幾精緻，無論燈飾還是擺設，都增添浪漫氣氛。
[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_1/blog/ap_20080706125136361.jpg.jpg?ib_____DNoRItoge]

小A話：「點算...留左係度５分鐘，我已經覺得我會唔捨得走...」

整頓好行李後，我們便到餐廳用膳。
餐廳的燈光好幽暗，頗有情調～
[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_1/blog/ap_20080706125056633.jpg.jpg?ib_____Dl5qPwRvG]

menu會有箋LED小燈照著，好細心。
星期六晚有Seafood BBQ night（後來才知是星期六晚先有）
可選擇在沙灘上用餐，非常浪漫。
[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_1/blog/ap_20080706124837831.jpg.jpg?ib_____Dm6M6fKq4]

食物價錢都幾貴，比香港再貴多少少的價錢！
我們點了一個冬蔭公，一個麥跑（椰青），一個青咖哩雞配白飯，一碟泰式菜，一條泰式蒸魚，埋單要４百幾蚊！因為佢加一又加Tax。

不過呢，我地要強烈推介個冬蔭公，超級正！
細細煲，竟然有４隻鮮蝦，令到ｄ湯充滿著蝦的鮮味，又香又濃。佢係我生平以來飲過最好飲ｏ既冬蔭公！我同小Ａ都讚不絕口！THB220，超值～
[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_1/blog/ap_20080706124933873.jpg.jpg?ib_____DHA06a5WM]

食完晚飯，我們都帶著幸福的心情離開。
準備心情迎接第二天的活動^^

By 小B


以上遊記，由AABB快樂旅遊提供
http://hk.myblog.yahoo.com/AABB-happyTravel/

Day1 (2009-9-18)

我們出發了!

話 咁快就o黎到出發的日子^_^
放工之後book左的士在公司接我地, 勁快, 半個鐘就到達香港國際機場。
check-in過後, 我地就去左大快活醫肚。
8:35pm, 準時起飛!

Cebu Pacific同AirAsia都係廉航, 不過Cebu Pacific的坐位就比較殘舊。
唔知係心理作用定點, 間唔中背後傳來陣陣廁所味。
不過張機票$450咁平, 將就下啦~~

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_14/blog/ap_20091001030718125.jpg?ib_____DTd9G6Yve]
在 機上要填的表格有3份, 好似查家宅咁=.=

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_14/blog/ap_20091001030810164.jpg?ib_____DavFbyhMx]
Cebu Pacific的食物選擇都唔夠Air Asia多

在飛機上訓覺o既訓覺, 食野o既食野, 兩個半鐘好快就過。
11:10pm, 準時降落宿霧國際機場。
[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_14/blog/ap_20091001030839201.jpg?ib_____D.lt1TndQ]

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_14/blog/ap_20091001030918957.jpg?ib_____DF9Fnodj4]
架 機好細, 得兩排, 每排得3個位

落機第一時間梗係過境, 估唔到夜晚都幾多人, 條條隊都勁長!
我精明眼揀中一條最快o既, 半個鐘左右, 就過關了~
[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_14/blog/ap_20091001031000372.jpg?ib_____DPPJCgkId]

依 度o既行李一早就在行李輸送帶等我地, 完全唔洗等!
比起泰國機場, 依度有效率好多!
不過點解...東一忽, 西一忽o既?
[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_14/blog/ap_20091001031102789.jpg?ib_____DyxhT1i8Q]

拎 完行李, 已經12點鐘, 跟住梗係搭的士啦~
我地住果間酒店推介我地搭Airport Taxi, 是新的服務。
[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001031153981.jpg?ib_____DbiPOtakC]
又 幾好喎, 完全冇出現之前網友話搶行李﹑濫收費用o既情況,
個司機好老實, 半個鐘左右就到達當晚的旅館 - PALAZZO PENSIONNE
by meter 只係 230P($40都唔洗~~)

講真, 依度位置真係幾偏僻, 夜晚o黎到周圍黑mun mun, 都真係有d驚~
不過入到去, 同相片一樣, 雖然唔算得上咩大酒店, 但係乾淨企理,
是留宿一晚的 廉價選擇。

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001031304634.jpg?ib_____DwARPPZ8T]

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001031345729.jpg?ib_____DjjSvGMfs]

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001031437525.jpg?ib_____DshaEvrGq]

我 地住2D, 入到房間之後已經好夜, 因為太累同太懶(A先生又怕污糟), 所以我地冇沖涼就訓覺。不過其實果度唔污糟架, 至少周圍冇小昆蟲, 同埋廁所都幾乾淨丫~~
百幾蚊想點喎, 已經好好架哪。
[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001031616312.jpg?ib_____DpjwEWhA1]
[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001031523434.jpg?ib_____DzyLrUadH]
[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001031657165.jpg?ib_____DFdFyRk08][IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001031748516.jpg?ib_____D_DLqkTRj][IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001031836679.jpg?ib_____D2oJXccbl]

少 少住後感: 張被太薄, 夜晚訓覺有d凍。

Day2 (2009-9-19)

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001031930579.jpg?ib_____DnwlmK234]
訓 一覺後, 向保和島出發!!!

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001032017842.jpg?ib_____DVg3Cq5ZZ]
第 二朝6點半食早餐, 成間餐廳得我地兩個乍

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001032112597.jpg?ib_____D2Ic2_36D]

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001032152959.jpg?ib_____D2he0eKwf]
住 客comment話依度o既早餐好好食, 我又覺得唔係特別好食, 不過不失咁啦。

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001032239668.jpg?ib_____DxIww5q1y]
食 剩左o既麵包滅碎左入樽, 留番大後日餵魚^^

食完早餐, 旅館幫我地call左的士去碼頭。等待o既時間我就出去左影相。

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001032450347.jpg?ib_____DFO.gDKjq]
日 光日白, 終於可以看清楚旅館的外貌

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001032348436.jpg?ib_____DjJtbZhAp]
旅 館對出的街道, 講真, 夜晚依度真係幾陰深恐怖...

[IMG http://f20.yahoofs.com/hkblog/HtHYcoOTHBJSp2wsSVwM36HKLjg-_15/blog/ap_20091001032540650.jpg?ib_____DG6qwsKTl]
旅 館的正門

下一站Pier4

待續......



菲律賓對於香港人比較冷門, 但係其實菲律賓都有好多地方值得去。今次揀來宿霧o既保和島, 絕對是陽光與海灘o既地方! 好多人都聽過宿霧, 卻對保和島這個名字感到陌生。其實保和島是宿霧島隔離的一個大島! 也是屬於宿霧的城市之一。以前唔知, 以為宿霧好靚, 但係後來才知道, 宿霧同保和島相比, 如果宿霧叫做靚, 保和島係10個靚。所以好多識玩o既香港人都會選擇大部份時間留在保和島。

選擇廉航慳更多
我地依d窮風流旅行方式, 會專哮宿霧太平洋航空(Cebu Pacific)特價時候先去。佢每隔幾個月就會做一次promo, 平起上o黎真係好平, 幾百蚊來回, 不過通常每次promo都係幾日, 所以要經常留意住。最好o既方法就係subscribe左佢地個e-mail news, 咁樣就可以第一時間知道最新優惠。

前往保和島的方法
以 宿霧太平洋航空為例, 你可以選擇先搭去馬尼拉(Manila), 再由馬尼拉轉機去保和島(Tagbilaran)。又或者先搭去宿霧(Cebu), 再由宿霧搭船去保和島(Tagbilaran)。
幾個方法都可以, 不過以我地今次o既玩法, 就搭去宿霧再轉船抵d。
因為香港去宿霧每 日得一班機8:35pm (以前仲多一班00:10am, 好似遲d又開番) 去保和島通常有兩個方法, 1)在宿霧住一晚然後第二朝去碼頭搭船, 2)在機場hea幾個鐘, 第二朝一早搭6點早船, 咁入到保和島都係8點半。 兩個方法都有人揀, 睇你鐘意邊種。我同A先生都唔挨得, 所以就算訓幾粒鐘, 都要訓床, 所以在市區中揀左一間廉價的旅館。想知更多有關宿霧的平價住宿, 請到http://hk.myblog.yahoo.com/AABB-happyTravel/article?mid=3570


以上遊記，由AABB快樂旅遊提供
http://hk.myblog.yahoo.com/AABB-happyTravel/