因為family friends係華人, 而且住係Queens, 佢地好多時都會落去Queens既China Town - Flushing搵食, 每次佢地都會帶我地去食鹿鳴春.
傳統上海菜係香港都已經賣少見少, 要食, 真係要去上海先搵到, 不過有時去到外國, 反而搵到好野, 因為老一輩既師傅可能當年移民左去外國, 佢地去到當地就繼續開餐館, 手藝得以承傳, 介紹呢間鹿鳴春,必係正宗上海菜, 不過食物質素唔差, 而且有一道菜, 我估係迎合外國人口味而創 - 左宗雞, 其實係咕嚕雞, 不過又無咕嚕肉甘酸, 我係香港係搵唔到呢個菜, 所以每次去都係必食! 至於小籠包都係必食, 因為佢都做得皮薄, 雖然同上海的比較, 一定無上海的肉汁甘香, 但都比香港的好.
不過去食, 記得要預時間等位, 每次去食, 我都要等一粒鐘!