因為family friends係華人, 而且住係Queens, 佢地好多時都會落去Queens既China Town - Flushing搵食, 每次佢地都會帶我地去食鹿鳴春.
傳統上海菜係香港都已經賣少見少, 要食, 真係要去上海先搵到, 不過有時去到外國, 反而搵到好野, 因為老一輩既師傅可能當年移民左去外國, 佢地去到當地就繼續開餐館, 手藝得以承傳, 介紹呢間鹿鳴春,必係正宗上海菜, 不過食物質素唔差, 而且有一道菜, 我估係迎合外國人口味而創 - 左宗雞, 其實係咕嚕雞, 不過又無咕嚕肉甘酸, 我係香港係搵唔到呢個菜, 所以每次去都係必食! 至於小籠包都係必食, 因為佢都做得皮薄, 雖然同上海的比較, 一定無上海的肉汁甘香, 但都比香港的好.
不過去食, 記得要預時間等位, 每次去食, 我都要等一粒鐘! 

對上一次去NY係因為要去觀禮, 新人就擺西式, 而佢地既父母始終都想做番少少傳統禮儀, 所以結婚前兩日就係Flushing請番自己親戚, 做番晒斟茶既傳統禮儀.
其實當晚就唔係咩正式中式擺酒, 都係訂左幾圍檯,  雖然係粵菜, 但始終都夾雜左少少外國口味, 有D菜色都幾得意, 香港食唔到的, 而且裡而裝修仲有一對龍鳳, 而家香港應該都絕晒跡!
Big Apple果然係Big Apple, 果碟中式牛柳大碟到呢, 每塊牛柳都手掌甘大塊, 基本上食2塊已經好飽! 最得意係有個佢地叫"Canton Lobster", 呢味一定係香港食唔到, 因為佢係肉碎炒龍蝦, 果D肉碎索晒D龍蝦汁, 撈飯係十分滋味!
呢間都係傳統既粵菜, 鑊氣夠, 好味過香港D酒樓!

 

隊長去到美國係會喪食龍蝦, 原因係美國龍蝦係好多肉, 同埋抵食!
今次介紹番Manhattan果邊既美食, 我每次都會去Chelsea Market, 因為入面有間食海鮮好抵的, 而且又有多種選擇, 連壽司, 熱湯都有, 帶住老人家, 要有飯同熱野食係好緊要的..........
龍蝦佢有唔同重量揀, 其實佢地係白烚, 不過啖啖肉, 岩晒隊長呢D懶"lur"骨既人. 除左龍蝦, 仲有長腳蟹, 生蠔, 魚生等海鮮揀, 不過真心推介蟹包.........附送果包蟹味薯片, 無得散賣架, 打開已經好香蟹味, 雖然都知只係蟹味既味粉, 不過好少機會食到, 食到有點停唔到既感覺!
Lobster Place係外賣店, 不過成個Chelsea Market走廊都有檯可以買出去坐低食, 你仲可以貪心D去買埋其他舖頭既野食!