對上一次去NY係因為要去觀禮, 新人就擺西式, 而佢地既父母始終都想做番少少傳統禮儀, 所以結婚前兩日就係Flushing請番自己親戚, 做番晒斟茶既傳統禮儀.
其實當晚就唔係咩正式中式擺酒, 都係訂左幾圍檯,  雖然係粵菜, 但始終都夾雜左少少外國口味, 有D菜色都幾得意, 香港食唔到的, 而且裡而裝修仲有一對龍鳳, 而家香港應該都絕晒跡!
Big Apple果然係Big Apple, 果碟中式牛柳大碟到呢, 每塊牛柳都手掌甘大塊, 基本上食2塊已經好飽! 最得意係有個佢地叫"Canton Lobster", 呢味一定係香港食唔到, 因為佢係肉碎炒龍蝦, 果D肉碎索晒D龍蝦汁, 撈飯係十分滋味!
呢間都係傳統既粵菜, 鑊氣夠, 好味過香港D酒樓!