每次黎西門町,都一定會黎飲楊桃冰或湯。兩者都試過。但本人就覺得楊桃湯較好飲。第一,就係唔洗咁凍,又唔洗食咁多冰落肚。第二,味道會比較濃,原汁原味。第三,又平又抵飲,唔洗HKD$10就己經大大杯。楊桃湯味道濃,酸酸甜甜同咸咸,飲完喉嚨好舒服~
行程第一天去神戶行吓。去了神戶港附近個商場行吓,除咗有百貨之外,仲有個類似outlet嘅露天mall。去咗食明石燒牛肉飯。明石燒也許係第一次聽。其實同日式章魚丸差唔多,不過唔係用粉漿,而係用蛋漿。蛋漿包住一粒八爪魚,外層嘅蛋漿很香蛋味,也很滑。八爪魚唔韌,有咬口。
牛肉飯大大碗,飯上鋪上牛肉,再加紫菜絲同紅薑絲。牛肉很淋滑,也不像肥牛咁肥,牛味也很濃。飯上加上少許牛肉汁,很好吃!
個餐仲有蘿蔔頭同味噌湯。兩者也不得不讚。蘿蔔頭不像香港那些一味只有咸,這個不太咸,很爽脆。味噌湯也一流,有昆布同豆腐。除咗咸之外,還有很香嘅味噌味。
旅程去到最後一天,總是較趕忙,因為有很多要帶回港的東西都要在這天買。計劃兩點多去拿雞蛋布甸。原本想去點水樓食小籠包,點知上到去,要等位。還要等20分鐘之久,怕趕唔切,所以就無等。在行去拿egg pudding 的途中,見到呢間日本店。人流也不少,於是就入去試一下。入都去先知係食讚岐烏冬。我叫了一個豚肉湯烏冬 (小), NT250。阿媽就叫咗吉列豬扒飯。
豚肉湯烏冬用熱鍋盛著,好夠熱。豬骨湯底味道不過不失,未稱得上是十分的濃郁。烏冬很彈牙,也很滑。豬肉片味道很好,很入味,也有肉味。還有半隻半熟蛋同椰菜,不錯。相反阿媽嘅豬扒飯就唔多掂,炸漿同豬扒完全分離,勁!豬扒也不是厚厚的那種,還附上大量洋蔥。
環境幾有日本feel, 唯冷氣跟日本一樣不夠!