今日，我同朋友一齊去新加坡動物園。聽講入面有好多動物，除左有獅子老虎外，仲有袋鼠、北極熊等。我滿心期待，點知裏面大部份動物都係被困在籠裏，而且好有距離感，很難影到佢地。可能天氣又熱，動物都唔想點郁，實在令我有點失望。

行動物園行左大半日，跟住我地搭車出返黎烏節路，朋友終於試到佢一直好想食o既麵包夾雪糕，佢仲一連食左兩件！行完烏節路，我地就搭車去魚尾獅像。

晚上，我地喺克拉碼頭河岸食海鮮。由於我同朋友對去邊度食蟹達唔到共識，因此，我地喺河岸求其揀左一間海鮮店，結果都令我喜出望外！

老實講，自從中學畢業之後，我地都好少坐低傾偈傾左咁耐，由黃昏河景傾到夜景，又欣賞埋金沙燈光show (局部)。今次能夠同朋友一齊去玩，實在好難得！食完晚飯，我地分別返去自己o既酒店，去到地鐵站要分別時，實在好唔捨得！

今晚返到酒店後，就執好行李，因為明天要晨咁早去到機場搭飛機。