黑白小雙煞
我是黑白小雙煞。
留言  留言給此旅遊家
  遊記數目 6
  上載相片 213
  上載影片 1
最近分享過的旅程
日本東北紅葉之旅
國家/地點: 日本
旅程日期: 2009-11-01 至 2009-11-07
日本東北紅葉之旅 (日本)
(旅程日期: 2009-11-01 至 2009-11-07 ,  旅程性質: 背包旅遊, 觀光攝影, 飲食購物, 消閒度假)
 整個旅程  (共6篇遊記)
 分享至Facebook 
發表日期: 2011-05-16
前言: 看到OpenRice攪分享遊記有獎活動,有機票有酒店送,我當然毫不吝嗇地將個人遊記上載於此,此行已是年多前,遊歷了日本東北數縣,行程多以大自然風光為主,亦能配合主題森呼吸體驗之旅。

自從2007遊歷過北海道+東北冰雪之旅後,對東北既樸實和美景美食總係念念不忘,所以係十一月頭秋高氣爽、滿山紅葉既日子,到了日本東北7日,走訪了幾個賞紅葉既名勝,親近一下大自然,同時滿足一下口腹之慾。今次日本東北紅葉之旅一行八人,為免失誤,加上要用盡JR east 3days pass呢個大優惠,所以係計劃行程上花了很多時間,不過當中既趣味無窮,如果大家有編排過自由行旅程都有同感。


第一日 天晴->天陰->寒冷 香港->東京->八戶->弘前

日本東北紅葉旅行團今日出發,今回第一次乘搭ANA既凌晨機,一行8人十點半就到達香港國際機場。機場人頭湧湧,完全沒有其他網友所講冷清既感覺。ANA既起飛時間係00:35,真係準時起飛。不過係機上真係幾難睡覺,半睡半醒了半個鐘,就俾人叫醒食早餐,時間係日本時間4點多。

凌晨4點食早餐,胃口當然不太好,不過機內已經燈光大開,完全沒有睡意了。

有人話坐凌晨機,坐左邊可以看日出,右邊可以看富士山。不過到降落都係漆黑一片,睇來要坐JAL先有呢d景色了。

早上5:20,飛機已經降落東京羽田機場,比正常差不多早了半小時。因為同一時間只有一班機到埗,入境亦不用等待很久。出了海關,需要乘搭免費接駁巴士到Terminal 1,再轉乘單軌電車Monorail出東京。由機場乘Monorail到濱松町,轉乘山手線到任何一個站,只需要500円,十分抵搭。

濱松町下車後,只需跟隨指示標誌,輕鬆就可轉乘山手線。

早上7點還未到,我地已經身處東京站內,不過原來JR pass換證處早上七點半先開始辦公,唯有係門外等候。JR pass換證處準時七點半開始辦公,因為團友眾多關係(8人),都花了好一段時間先辦理好手續。今次買了JR east 3days pass特別優惠,只要10000円就可以任用3日。經計算後,這3日行程共搭了接近50000円既車費,兩折車資,非常抵搭。

第一程車就是由東京直上八戶,8:30開車,車程3個鐘頭。
八食市場
八食市場
七厘村
七厘村
外面買海鮮
外面買海鮮
外面買海鮮
外面買海鮮
青森蘋果汁
青森蘋果汁
超大隻扇貝
超大隻扇貝
超大隻扇貝
超大隻扇貝
大蝦
大蝦
到達八戶後,先將行李寄存在第三晚入住既酒店內。然後先去醫肚,地點當然係八食市場啦。

由八戶站乘巴士到八食市場,只需100円,班次不太密,要留意時間表。

八食市場有locker俾遊人寄存行李,只需入100円,之後可以退回,即是免費。

市場內人頭湧湧,食肆都要排隊。來到八食市場,指定動作當然係食海鮮燒烤大餐,不過我總覺得,八戶既壽司應該更值得品嘗。

係八食市場內食海鮮燒烤,要先係場內買想食既海鮮,再到七厘村,每人付200円,就會有炭火燒烤了。今日七厘村內人山人海,需要等候1個鐘,只好買支青森蘋果汁飲住先,真係香甜好飲。

好不容易才等到位子,立即去買海鮮材料。大蝦、巨型帶子等立即放係炭爐上燒烤,海鮮既鮮味已是天然既調味料,三陸地區出產既帶子繼續令人回味無窮。


推介菜式: 海鮮燒烤
評分: 味道5   服務4   環境3   衛生4   抵食5
八食市場壽司
八食市場壽司
好人多,要等一陣先有位
好人多,要等一陣先有位
靚女師傅
靚女師傅
海膽壽司,超級鮮甜
海膽壽司,超級鮮甜
鯨魚肉壽司
鯨魚肉壽司
吞拿魚壽司
吞拿魚壽司
食完海鮮燒烤後,有點意猶未盡的感覺,心想八戶為日本東北地區中既最大漁港之一,應當有各類不同既漁獲,所以打算去試一試市場內既壽司店,睇下有咩好野食。

選了近八食市場正門既迴轉壽司店,因為此店最多人排隊,應該都唔錯嘛。

等候了好一陣,終於有位了。佢地只得日文menu,我又睇唔明。幸好係迴轉壽司,自己攞都得嘛。

試了幾碟壽司,其中海膽壽司最好,海膽新鮮甜美,令人回味無窮。眼見海膽壽司都分兩種,一種海膽比較橙色,另一種海膽接近淺黃色,兩種都同樣鮮甜,唔知有冇人分別出有咩唔同?

紅色呢碟佢寫住係鯨魚肉壽司,其味道好像生牛肉般。日本人捉鯨魚來科學研究,結果就是發現鯨魚係可食用的!!

食多碟吞拿魚壽司,今次既海鮮燒烤+迴轉壽司就圓滿完成。

離開八食市場,乘搭特急白鳥到青森,再轉車到弘前
推介菜式: 海膽壽司
評分: 味道5   服務4   環境5   衛生5   抵食4
笑笑居酒屋 笑臉2011-05-16
蘋果之鄉 - 弘前市車站
蘋果之鄉 - 弘前市車站
沙律
沙律
冷面
冷面
Pizza
Pizza
到達了弘前,今晚會住宿弘前東橫inn,因為佢同車站極為接近,唔駛行兩分鐘就到達。

安頓了行李後,出外食晚飯。弘前市既晚上,街道冷冷清清,店舖大都關了門。晚餐選了全日本都有分店既笑笑居酒屋。日本人去居酒屋,通常係以飲酒為主,食物份量都比較細少,不過味道都不錯。

入夜後,天氣逐漸轉冷,氣溫大約只有幾度,冬季漸漸接近了。
評分: 味道4   服務4   環境5   衛生4   抵食2
  0 個留言    |  加入你的留言
此遊記的留言
加入留言
如要加入留言, 請先登入