之前幫襯過同樣在西門町嘅老天祿，唔好食。
於是對上一次2010年去嘅時候就試試呢間，兩間嘅質素真係差成條街！
呢間好食好多，款式又多。鴨心、冬菇蒟蒻丸、脆腸、鴨舌等。
鴨心食完一串唔夠喉，要encore。鴨心超大粒，好好肉，又入味喎！香港食唔到當然要食夠為止。
冬菇蒟蒻丸又爽又彈牙，有d冬菇粒，好味。
脆腸可不試，因為好韌又辣。
鴨舌必食啦，雖然係貴，但真係好食，仲要連埋下巴同氣管。
當天買完即日食，走嗰日都要去買d帶番HK慢慢嘆。
四日嘅行程，總會幫襯2次或以上。