今日一早要去新宿轉小田急去箱根, 所以一早起身食早餐嘞~

因為今日早左, 早餐亦多左選擇呢~ 原來有多拉a夢好鐘意既豆沙餅食, 都幾好味呀!
先checkout酒店, d行李可寄放o向酒店lobby度, 因為我地仲有一晚會返去住呢~

8點由酒店出發, 先去新宿西口, 之前已經check 左塔9:04分/9:19分既車, 好容易就搵到小田急電鐵既counter小田急旅遊服務中心(辦公時間 8:00am~6:00pm), 一入去買左個2 day pass (5000yen, 去到箱根任塔交通工具), 唔駛點搵呢~ 所以趕到塔9:04分既車, yeah!

上到車當然係zzzz啦! o甘早起身wor! 留返bf睇住d袋啦!好彩總站上車有位坐...車程大約1小時15分, 去到小田原(總站) 過對面月台轉登山電車去箱根湯本, 大概15分鐘就到箱根湯本嘞!! 因為我地之後個日會再去箱根湯本, 所以冇停留就直接轉巴士呢~

巴士站o向對面馬路, 要用行人隧道過到對面馬路, 我地塔既係3號巴士去元箱根港, 巴士既時間同車程都可以o向website搵到, 真係好方便預時間呢~

同預計既時間一樣, 大約12點就到元箱根港嘞! 個度好多人落車, 唔怕搵唔到呢~
落車過馬路就係碼頭, 不過有2個碼頭O架! 我地影左一陣相就有船, 見到架船唔係去緊我地等既碼頭, 即刻跑去另一個碼頭呢! 好彩2個碼頭好近, 都追到班船~