因為餐廳位於酒店附近關係, 所以經過了呢間餐廳幾次, 今次終於決定一試.

坐低後, 侍應先遞上menu, 雖然不懂日文, 但睇圖都明白, 大致知道呢間係一間食炸豬扒的專門店. 我倆點了一份炸豬扒定食同一份炸豬扒/炸蠔定食. 之後侍應送上一個碗, 裡面有些芝麻另外有一條支木條. 大鄉理的我倆跟本不知有什麼用途, 唯有偷偷觀察旁邊的日本人點做! 最後發現原來大家會將芝麻磨爛, 之後淋上豉油再點豬扒一齊食的. 當然我倆都有樣學樣啦~

炸豬扒定食先送上, 眼前的炸豬扒真的很吸引. 炸得金黃色而且香氣十足! 豬扒沒多餘肥膏, 咬落非

常香脆. 肉質好淋, 我自己應為唔需要配上醬汁已夠味美! 男友仔的炸豬扒并炸蠔一樣出色!

日本人真的好有禮貌, 雖然溝通上有點障礙, 但他們都落力表逹! 真的佩服!

到大阪, 除了shopping, 都可以去大阪城欣賞風景, 亦可以參觀一下城堡.

經過城牆風景不錯. 有點點傳統文化色彩. 跨過城牆, 終於到達主城, 第一個感覺好宏偉! 所以影左好多靚相呢! 再往城堡內走走, 先坐電梯到六樓再走樓梯到八樓欣賞城外風景. 雖然城堡不算好高, 但都可以飽覽大阪風景. 實在不錯! 欣賞完風景後, 再向下每層逛逛. 三樓同四樓不準影相, 主要係介紹大阪城既歷史. 其實對一d從未到過大阪既人黎講, 大阪城都幾值得一遊! ^^

第一晚曾經路經呢間餐廳已鎖定必食. 見今日行程安排到心齋橋shopping, 所以無論如何都要食一餐全蟹宴!

聽朋友講, 下午黎食會較抵食. 可惜我倆已過了lunch時間, 所以都並不是特別平. 不過食全蟹宴黎講不算貴喔!!

坐低後經理介紹我倆點一個5985 yen的set, 足夠我倆食. 我倆又不懂日文, 所以都唔太清楚個set有咩食. 侍應拎乜東東俾我倆我倆就食乜啦

先送上蟹腳. 雖然唔太清楚點整, 但口咬一流, 而且清甜!好有蟹味!! 絕對一流! 之後侍應送上一個吉既蟹型鍋, 原來係打邊爐呢! 有蟹腳, 同一d配菜. 等湯底熱前, 蟹刺身都送到, 第一次試蟹刺身, 感覺麻麻, 雖然食得出好新鮮而且幾鮮甜, 但個人對生蟹感覺麻麻, 不太喜歡一pat pat的感覺. 之後上的燒蟹腳亦很出色! 燒得幾乾身, 好香口而且夠味!! 接落黎係蟹蓋加蟹膏, 非常有蟹味的蟹膏, 胆固醇應該都亦同少何, 但偶爾一次放肆都ok吧 食得咁上下, 湯亦熱了, 開始將蟹腳/配菜一并放入煱. 食得飽飽時, 侍應送上一兜飯, 雞旦同蔥等等既配料. 原來佢整飯俾我地喔. 其實本來呢個飯幾好味的, 可惜個湯喊左少少, 令到個飯失左色呢! 結果飯係食唔哂呢!

到我倆想埋單時, 原來仲有甜品呢! 估唔到一個普普通通的雲呢拿雪糕都可以香滑美味得很!

最後我倆得出結論係, 呢餐雖然只係tea, 但食得好抵, 好開心!! 下次一定會再幫襯!!

心齋橋係shopping必到的景點. 不過本人較喜歡逛梅田, 可能較多shopping mall, 不過心齋橋都不錯. 無論係大牌子的店鋪或者係小商店都可以係呢度搵到!
呢日行程安排不多時間shopping, 因為打算預留時間於最後幾日行程再shop! 要留彈葯

男友仔話道頓堀有兩間出名的拉麵, 一間係四天王, 另一間係金龍. 原來兩間拉麵只係一鋪之隔, 結果我倆選了金龍.

雖然唔識日文, 但買食券機有中文提供. 幾易理解, 加上只有兩款選擇. 一款係600 yen, 一款係900 yen, 其實分別在於大碗同細碗. 大家都係叉燒拉麵. 我唔太肚餓, 所以要了細, 男友仔要了大. 原來大真係幾多呢!! 叉燒分量多一倍喔! 細的都夠食! 拉麵幾有咬口, 湯底味濃, 叉燒好香. 整體感覺不錯! 可以返叮喔!