一落機, 落著毛毛細雨, 加上天氣比預期中凍, 有少少失望, 幸好我倆第一站編排了去outlet shopping. 從機場出發, 車程大約二十分鐘. (100 yen既巴士, 真係幾抵搭, 所以建議第一日或最後一日去掃貨喔! ^^ ) 一落車, 眼前比好多牌子吸引住. 可惜日元略貴, 最後都不是買了很多東西.

但行呢個outlet的好處係呢度的確幾大, 有一百五十多間商店, 各式各樣, 幾唔喜歡shopping的都會找到合心水的東東. 建議先在門口拿一張outlet地圖, 方便搵心儀店鋪shopping. 如果只係盲摸摸去行的話, 半日應該都不夠時間.

我和男友仔只花了大約兩小時就離開, 一來我倆較遲到達, 到達已五點多, 二來我倆只選了心儀的店鋪來逛, 所以好快就完成任務.

去完outlet後先到酒店check in, 由於我倆所住的酒店只在心齋橋旁, 所以順理成章第一晚晚餐o係心齋橋覓食!

見到王道居酒屋大字標明all 290 yen, 所以決定一試. 由侍應推介下, 點了幾款東東.
雖然我倆都不懂日文, 但有位中國女侍應可以幫到我倆, 點知雞翼, 咖哩烏冬, 炸豆腐同豚肉飯. 雖然全部都細細碟, 但味道不錯. 尤其豚肉飯, 鋪上一層半生熟的雞旦, 非常嫩滑且惹味!! 雞翼炸得香口, 汁已全部滲透雞翼入面. 所以咬落去時有種食爆醬牛丸的感覺. 可惜略為喊了點. 烏冬咖哩味夠但沒什驚喜. 最後來的炸豆腐外脆內滑, 都非常不錯!

最後埋單發現多了630 yen, 細問下才發現係兩小碟蕃薯. 雖然其餘290 yen係好抵食, 但315 yen的兩小舊蕃薯實在貴得過份!

食到飽飽又唔想咁早返酒店休息, 決定先摸熟酒店附一帶方黎緊幾天行程.

先同男友仔行下心齋橋, 大部份商店都已經閂門, 所以都只係當熟習一下環境, 方便下次再黎shopping. 行過心齋橋後, 途中見到固力果必影廣告, 停低影下相再往道頓堀進發.

沿途經過105 yen店, 我倆都無放過掃貨機會, 掃了很多零食. 之後再到game center 夾公仔, 可惜無功而回. 其實道頓堀都幾多食店, 我倆己鎖定了必到蟹樂道擦餐勁蟹宴! ^v^