好新奇!無車匙、無波棍、無手製,哈哈!差啲唔識揸。仲要有畫面有虛線轉彎導航、後波導航、泊車導航,睇黎好快連軚盤都無埋喇!轉眼到左越南河粉開飯,快快快。
越南啤酒 33,其實沒什麼特別,只是啤酒味濃,甘味較重。越南春卷,自從有次放入口即刻時反胃後,一直都有陰影唔敢再試。因為我食唔到蔥、芫茜、韮黃、芹菜,總之有草青味的都會反胃囉。可能捲左薄荷葉及九層塔既關係。
火車頭生滾牛肉河加底走蔥,其實就算加底都唔夠我飽,要加底再加底先緊緊夠架乍,經過一整天的辛勞,而且 lunch 又無點食過野囉。
除左瘦猛猛帶鞋既生滾牛肉片外,還有較為美味的牛丸、牛柏葉、牛展、牛筋、爽腩,滿意啊。所有生配菜及香料都唔適合我,淨係大量辣椒及青檸就夠喇。香甜濃郁又真材實料既牛骨湯沾上酸辣就更醒腦醒神,食慾大增。
連湯帶河掃入口,美味絕倫,食到停唔到手 ﹗再沾上士拉差辣椒醬使到酸辣味更突出,整碗湯河完全消滅,一滴不漏。越式炒雜菜,越式調味都偏向甜,醬汁非常之味呢 ﹗配上充滿水份的爽嫩時蔬, 都還算可口。