到達機場後，先到check in counter辦理好登機手續，然後跟地勤職員講要Tax refund，職員就將登機證同行李俾番我地。我地跟住去D/J Counter，讓關員在退稅單上蓋印作實。蓋好印後，連隨將行李拖過隔籬counter托運上機，好方便！

過左海關後，再去到28號閘口的Tax Refund Counter辦理其餘手續。職員檢查完已蓋印的退稅單後，便即時退番現金，整個過程只係幾分鐘，我合共退番5,500韓元（40港元左右，夠吃一個雞排炒飯架！朋友就退左成100,000韓元，真係唔簡單！）。提提大家，記得來機場前先將整個行程的退稅單填好晒個人資料，以免來到呢個櫃位時臨急臨忙先逐張單係咁填，搞到手忙腳亂。

退完稅，仲有成三個鐘頭先登機！百無聊賴之際，經過韓國傳統文化體驗館，看到有免費手工藝做，最啱用來打發時間。今次的手工藝係雀仔木板繪畫，大家可以自由發揮，又或跟住佢地提供的鳳凰，慢慢在木板上用鉛筆勾出線條，然後再著色。結果，用左半小時的時間，我的製成品居然係一隻雞，但總算七彩繽紛啦！職員之後仲幫我的小鳥加上小繩，然後送番俾我做紀念。

五日四之首爾冬遊記終於畫上一個句號，好期待下次再遊首爾啊！