沿住馬路邊向前行，直至見到GS25便利店就轉左就到，由地鐵出口行到第二個街口就應該到達，很容易就搵到
這間就係大名鼎鼎的土俗村，點解咁多間賣人參雞既食店中，偏偏土俗村會人氣特別高呢？原來係因為有某韓國前任總統鐘情於這店既人參雞，加上本身亦有一定既歷史，這店早上十點才開門營業，我們黎到時就見唔到很多遊客
我們坐低後，職員快快手地送上人參酒，每人一杯，但唔知係咪無限添飲的
我們這間房唔算好大，但就好適合我們邊食邊嘻嘻哈哈，又唔怕嘈到別人
有中文餐牌架，不過我唔記得影，我們要點既只是人參雞，每兩人一窩，即係X5、燒雞X1，埋單$15萬4千WON
人參酒:我自已就無試到，有些人會倒落雞窩裡面食，但我喜歡原汁原味喇
泡菜:這店既味道好濃，但亦比較辣，我喜歡這味道，因唔酸的
醃蘿蔔:口感非常好，咬落很爽脆架
我們點既係烏雞山參窩，價錢亦係最貴的($2萬7千WON)，其實烏雞比普通雞貴些小，但雞的肉質會嫩滑很多
把山參倒入雞湯裡面，然後撈一撈，再浸一陣先飲湯，糯米藏在烏雞裡面，吸收雞既精華，口感軟糯，唔會很黐牙，飯裡面一定會藏一根小人參的，食得唔好浪費啊，湯頭味道比較清，有些人會落少許鹽，但我覺得夠味，非常好飲
燒雞:始終唔係這店強項，雞既肉質比較粗糙，所以失望係正常的
推介菜式: 山參烏雞人參湯
每人消費: 約12000韓圓 (早餐)
評分:
味道5
服務3
環境4
衛生4
抵食4
班團友在門口圍觀，原來在討論左邊圖中既物體，見大家咁想試，又行了咁大段路，所以一於拉大隊入去品嘗下，麵包店裡面都幾大下，感覺上很安靜，但經我們成班人入內，可能會破壞小許氣氛heehee，因為各團友都被些好美觀既食物吸引著，但呢些唔係我既獵物，主角係這些馬卡龍(Macaron)才真，但到底貴唔貴架？我有些擔心！，咁多款式點揀好呢？所以每個人可以選擇一款，然後再商議選多三款，我們點了一打，價錢係$2萬2千WON)，這裡分別有朱古力味、黑加倫子味、玫瑰味、開心果味、咖啡味、雜莓味、柿味、曲奇味、香蕉朱古力等等，老婆點的黑加倫子味，咬落d餡比較黏，但味道超級濃啊，我就一定揀朱古力，實在太美味喇，同這店相遇都係緣份之一，好開心啊，不過雜莓味很普通！
推介菜式: 馬卡龍
每人消費: 約10000韓圓 (早餐)
評分:
味道5
服務5
環境4
衛生5
抵食3
終於都行到我們既目的地喇，我們正正就在安國站2號出口 對面，1號出口那條路就係去三清洞，然2號出口這條路就係去北村韓屋的，其實大家唔需要怕會迷路，我會簡單講解一下個路程，我們首要就係要行去地圖上十字 路口那個(！)符號既地方，那個會有北村韓屋既中、英、日地圖拿，還有職員在裡面解答遊客問題的，向前行到十字路口的圖片，如果一路直係就到韓屋八景，左邊係4至8景、右邊係1至3，其中1號韓屋就在(！)符號觀光所右邊馬路北村路4街行入去就係，我們在觀光所拿了中文地圖，今次重點行5至8景，亦係較靚同順路，其實睇既野都差唔多，無必要行晒全程，除非你時間多啦！
我們先由大馬路向上行去3號景點，然後行過對面藥店(DONMI)轉入去，然後行5至8景，然後行到北村5街路，這裡風景好靚，特別有紅葉既襯托，加上景觀開揚，如果有層樓在這裡就好了！嘻嘻
其實行一陣就到達8景，這條就係石階路行返落去就到三清洞的
推介項目: 北村5至8景
參觀時段: 早上
評分:
值得去4
遊記數目 
上載相片 
上載影片 
2012-11-16
0 個留言
| 加入你的留言此遊記的留言加入留言