列車來到陸奥湊，一出車站就會看到朝市既代表-肥婆嬸嬸，她手中既魷魚亦係八戶既特產。陸奥湊朝市係八戶市內比較大既朝市，早上5至7點係繁忙時間，不過人流比我想像中少。車站對面有兩個室內魚市場，販賣著不少八戶海產，有批發有零售，有餐廳買手於這邊入貨，不過就沒有築地般熱鬧。

陸奥湊朝市雖然規模不太大，不過卻充滿著日本既地道市場風味，你可以感受到東北人既熱情和友善。室內市場內有間食店，售賣早餐給於市場內工作的人，賣的是炸豬排、雞蛋等。你亦可以於市場買些刺身、壽司、燒魚等。攤販多數是上了年紀的婆婆嬸嬸，雖然言語不通，但可以從佢地友善既笑容感受到日本東北人既好客熱情。

原本今日既行程安排了到秋田縣既角館賞紅葉，不過連日來既天氣報告都表示角館會下雨，所以我們決定改變行程，不去角館了，改為係上午八戶附近逛逛，下午直接前往鳴子温泉。(殘念，始終和秋田縣緣慳一面)

離開陸奥湊，往蕪島出發。蕪島位於八戶市東北角，係黑尾鷗既繁殖地，每年三月都有大量黑尾鷗到來築巢繁殖，夏季時會漫天海鷗，路過都要打傘。可惜當日已經係秋季，蕪島只有海鷗三兩隻，沒有漫天海鷗既場面。蕪島並非島嶼，有道路前往，乘搭JR八戶線係鮫站下車，步行15分鐘便到。蕪島既小山崗上建有神社，上面既風景都不錯。據說係神社許願後，圍繞神社行三個圈，就會帶來好運了，有興趣去試試。

返回八戶站取回行李，立即乘新幹線離開青森縣，往南進發。今晚會入往鳴子温泉既酒店，路途遙遠，中午先到岩手縣盛岡市午餐。因為有大量行李跟身，所以只在盛岡車站內找間餐廳算了，不過味道都不錯。飯後離開到此一遊既盛岡市，出發往宮城縣既鳴子温泉。

由盛岡前往鳴子温泉，需要係古川站下車，再轉乘陸羽東線，往新庄方向搭45分鐘左右便到達。這是我第二次到訪鳴子温泉，上次既時間係寒冷既冬季，今次既紅葉季節，亦係鳴子温泉既旅遊高峰期，酒店大都漲了價，有些比平時貴了一倍。不過細心尋找後，又俾我找到間10000yen左右既溫泉酒店，而且有露天風呂，只是距離車站遠一點，不過有迎送車接送，都沒有所謂了。

經過漫長既鐵路旅程，終於到達鳴子温泉-幫你洗去煩惱既温泉鄉

經過漫長既鐵路旅程，終於到達鳴子温泉，今次入住既溫泉酒店叫”ホテル亀屋”。因為已經預早聯絡，酒店既迎送車已經係車站前等候。由車站往酒店，車程只是5分鐘左右。

Check-in後，時間尚早，先浸一下溫泉，休息一會。呢間酒店既露天風呂有個特色，就係面向火車路軌，除了山景，也有鐵路景，當然火車上既乘客都可以望到你，所以火車經過時不要走動，否則….酒店頂樓也有個展望風呂，可以遠望鳴子温泉既山景，景色也不錯。

浸過溫泉後睡一睡，很快到了晚餐時間。Book房時追加了秋季懷石料理，食物內容更加豐富，每人一隻蟹、牛肉火鍋、刺身等，各團員都非常滿足。

飽食之後再浸下溫泉，放鬆自己，忘卻煩惱，盡情享受，正是這個旅行既主要目的。