鼎泰豐 Din Tai Fung (台北, 大安區)

去完江記華隆買手信, 馬上回長富旅店放低8盒豬肉紙, 即刻由中山站搭捷運到新開嘅東門站, 直行去到永康街口, 一上就見到鼎泰豐, 門口勁多人, 點都要攞張飛先, 知客小姐有禮地叫我哋睇吓食咩嘢先, 有枱就即刻叫菜, 咁就會好快有嘢食。諗住點都要等半個鐘, 點知佢五分鐘後就叫我哋個號碼。

由於已差唔多2:00, 又要掃街食其他嘢, 今晚又要食Buffet, 唯有叫精不叫多, 叫大家每樣只食一淡, 又再食下一家。

小籠包果然名不虛傳, 好正! 蝦肉餃子都唔錯, 另叫了炸排骨同涼伴小菜, 都好掂呀!  唔怪得中外聞名啦!