所有遊記 - 旅遊指南 - 開飯遊蹤 - World Travel Guide

nice平靚正, 但入住前服務麻麻

2010-03-09

芭提雅宜必思酒店hotel ibis pattaya (芭堤雅)

簡簡單單, 地方小小

每日游水幾次

酒店後門, 可通去holidayinn 及海灘路

lobby and suck internet

一出電梯即到pool, 超方便!

女員工做酒店promotion girl

其實只有6'x12',好細小

from Youtube

經網上zuji訂,因特別promotion, 不過$200一晚
酒店在north pattaya的soi 1
酒店對著2nd road
左面就是出名的人妖show tiffary,右面是保齡球館,
斜對面是big c shopping centre
酒店後面是holidayinn及amari及beach road海灘
挺方便但嬚未夠旺

如果大家未過去芭提雅
可大概用這樣的概念去理解:
芭提雅城中心大概有油尖旺咁大
從北芭提雅的海豚迴轉處向南行,(即旺角hsbc向尖咀行)
由soi 1行到soi 16
步行一個小時就到南芭提雅最底地方,
就係最旺的人妖花街,(即老尖位置)
過埋就係碼頭,可乘船去珊瑚島等等(=天星碼頭la)

芭提雅最旺就是beach road同後面的2nd road
打直通南北芭提雅
又約莫= 海邊的廣東道同彌敦道
基本上南面比較旺, 由朝到晚都好多人,
bar同小食檔都很密集

hotel ibis pattaya在北芭提雅頂soi 1
雖然都有好多路邊bar
但想去南芭提雅的商場mike,royal garden等,
或行下人妖花街
可乘循環beach road同2nd road的爽條tuktuk車

我的方法是:
南下就從酒店後門出發,行4分鐘去beach road
隨手上架爽條,睇到按車上鐘仔示意落車
之後預備好10b畀司機
返來就係2nd road搵架有人爽條上車
如是者見到big c後按車上鐘仔返酒店,
又係10b,實唔會錯

講回酒店, 房間非常細小,約120呎
但勝在新淨,新開1年多
裝修簡約,似足ikea的味道
應無則無,但有個小露台,挺開揚
我房中望出去就是個pool同一大片綠化地帶
故不會予人陰陰沈沈的感覺

酒店小小,也有個6呎x12呎的超細小pool
這酒店勝在層數少房少
等電梯也超快
基本上我起床出發,3分鐘後已身在水中!
酒店仲有單車租,200b 全日

個人住落幾日的感覺係
ibis系列雖然係法國accor集團的3星酒店
但感覺竟然係同air asia完全一樣feel,
力sell年輕女員工,四周圍都係女員工poster同廣告
又貫徹紅色調子, 一切簡簡單單又標榜親切的服務
不過也許有人知道,air asia其實有自己的tune酒店
還激平呢

酒店internet超貴,60b 30min
故我每日都去對面big c mall上網,
1b 1min平好多!

評分: 設備3 服務4 環境4 衛生5 抵住5

0 個留言 | 加入你的留言

furenkii

共1篇遊記

2008 Shanghai (中國)
(旅程日期: 2008-09-12 至 2008-09-15)

整個旅程 (共1篇遊記)

分享至Facebook

遊記 : 第1日 - 第4日

發表日期: 2010-03-07

讚! 很乾淨, 方便的酒店, 會再入住

2010-03-07

上海豫園萬麗酒店 (上海, 黃浦區)

買港龍套票.我房是大床標準房, 房間很乾淨, 很大, 有商務書台, 又有梳妝台. 浴室亦很大.
有一晚試了Room dinner, 質素OK啦, Pizza送到上來仍是暖暖的.
酒店地店十分近豫園, 老街. 日頭好多人, 但夜晚周圍比較靜. 晚上留在酒店中游水, 做SPA也是一件樂事.
附近有些民居似是比較窮的. 迷路了走進他們的民居中感到有另一番胡同風味.
早餐有十分多的選擇, 同國際連鎖大酒店的有得比. 一定要食!
不過上網睇過淨房價錢要過千元一晚, 略貴呀!

評分: 設備5 服務5 環境5 衛生5 抵住4

第一個感覺就係.......[點賺呀?]-觀賞海底船

0 個留言 | 加入你的留言

opennice

共10篇遊記

08年跟團沖繩四天遊 (日本)
(旅程日期: 2008-10-08 至 2008-10-11)

整個旅程 (共4篇遊記)

分享至Facebook

遊記 : 第3日

發表日期: 2010-03-07

經過第二日的自由活動後, 我們又跟回信成的導遊
由南面的那霸市出發,一路向北,
遊覽[觀賞海底船][萬座毛][菠蘿園]及[美之水族館]
可算是今次沖繩之旅的主菜

我去過的地方也不算少,但身處沖繩,的確是最人令神往
無論行經城市道路, 看見它完善的規劃, 新淨的街道
或是走過天然海岸, 體會它碧潭綠水
都會使我心頭一震

另外,經過昨日的自由活動後,
我完全感受到日本各式各樣費用之高昂
(雖然導遊說沖繩已是日本交通住宅費最平的地方)
不禁賣點廣告說, 這個團帶你這麼多地方
還不帶去購物點真的挺超值

2010-03-07

沖繩觀賞海底船 (沖繩)

一路向北上時, 看見城市樓層越來越低
天空越來越廣闊藍時, 旁邊的海岸線也越來越漂亮
可媲美cocktail酒的分成幾層顏色,
淺藍色深藍色再遠是綠色

大概個多小時之後,終於到了一個有間酒店的海灘
開始第一個節目[觀賞海底船]
那片海....就似是將李斯德林口水倒下去
大家坐上一條如巴士般長的白色單層觀賞海底船
船底中間有大玻璃,慢慢開動時
大家圍著看看船底的海底景色
其實看到魚及珊瑚不是很多
反而第一個感覺就係.......[個團點賺呀?]

你可以100ren買魚糧
我好醒地早上食早餐時, 在飯堂偷了一舊麵包
這時拿出麵包,撕開一塊塊
慢慢一塊塊丟入海中, 餵魚好過癮呢

評分: 值得去5

史上去得最開心的購物點-菠蘿園

2010-03-07

菠蘿園 (沖繩)

等坐車

你明白說什麼嘛?

無人駕駛車外是一片片不同種類的菠蘿

酒任飲!

糕餅任食!

其實有百幾兩日人在這大屋內,不停食食食~

so good~

跟團去購物點, 大家一定好唔鐘意,
但我地去到菠蘿園, 一直認為是一個景點
我一路都不知道這是一個會令你大解慳囊的地方
更是個人認為比萬座毛更值得提及
可能係openrice第一個寫入遊記的購物點!

坐好得意的無人駕駛菠蘿小車,
(無路軌,自動導好高科技!)
當入一間大屋內,就是瘋狂試食會開始!
工作人員不停為你供稱菠蘿手信試食
係食到你唔食的那種!!
食到口渴喉涸時, 又有好味到暈的菠蘿酒任飲!
太正喇!

評分: 值得去5

團餐,每人一鍋

2010-03-07

不知道 (沖繩)

去了大家樂,每人一鍋

門口 300ren火龍果ice cream,即$28呀!

地點應在萬座毛附近

從觀賞海底船到萬座毛間,
到一個湖邊餐廳用餐
一人一鍋,內有些'舉弱'及肉等
很健康,味道也ok啦
百幾二百個香港人一定食,好壯觀呢

這湖邊餐廳很會吸金$$
先是在門內,有很多土特產如苦瓜,黑糖,海鹽賣
門口 300ren火龍果ice cream,即$28呀!

評分: 味道3 服務4 環境4 衛生4 抵食5

1 個留言 | 加入你的留言

bonniewly

共4篇遊記

中山-石岐 (中國)
(旅程日期: 2010-02-28 至 2010-03-02)

整個旅程 (共1篇遊記)

分享至Facebook

發表日期: 2010-03-03

涼粉.刀削麵

夠地道

2010-03-03

中山'石岐 (廣東)

雖然賣相一般,但味道一流

這間巴蜀人家,位置係石岐的中懇百貨公司對面!!
係石岐她有其他分店的,但這間是老鋪夠傳統!!我試了辣味涼粉,牛腩刀削麵,辣味不會太搶但又夠辣!!(難明嗎?試過你就知)刀削麵好有咬口湯底清,牛腩唸絕對係心機,人手工夫方可做到

只係$12結脹??

推介菜式: 辣味涼粉,牛腩刀削麵
每人消費: 約12人民幣元 (午餐)
評分: 味道5 服務3 環境3 衛生3 抵食5

0 個留言 | 加入你的留言

bonniewly

共4篇遊記

北京食,食.食 (中國)
(旅程日期: 2010-02-16 至 2010-02-20)

整個旅程 (共3篇遊記)

分享至Facebook

遊記 : 第1日

發表日期: 2010-02-28

好想試吓大董的烤鴨

所以早一個月已經係香港訂位了, 一到步的第一頓晚餐就是她了

會失望嗎?

2010-02-28

北京大董烤鴨店 (北京, 東城區)

好有派頭的餐牌

廚師即片皮鴨,又是派頭的一種

凉菜凍黃魚,凉伴牛膀絲

雖然到達的時間比訂位的時間早了一個鐘,而且等位的人也很多!!不過服務員也先給我們位子,不必等候,嘩好有VIP Feel
之前做資料搜集的時候98%都讚烤鴨好食!!八字真言即時浮現(期望越大,失望越大)
主角終於出場!!
嘩!!嘩!!
皮脆無肥油,肉鬆軟,沒有"so"味,仲輕微帶點果木燒烤的清甜感覺
夾鴨的有薄皮,厚皮,芝麻脆飽任君選擇.調味料和配料就普通la無甚特色
我個人喜愛不加調味料和配料夾芝麻脆飽食感覺新鮮d
希望大董能保持水準五十年不變!!!

推介菜式: 烤鴨
每人消費: 約100人民幣元 (晚餐)
評分: 味道5 服務4 環境5 衛生4 抵食3

2 個留言 | 加入你的留言

窮Fat

共1篇遊記

台北6天美食團 (台灣)

整個旅程 (共1篇遊記)

分享至Facebook

遊記

發表日期: 2010-02-24

Day1 - 淡水
Day2 - 台北市中心
Day3 - 烏來
Day4 - 九份一帶
Day5 - 動物園
Day6 - 西門/永康街

設備齊全、環境不錯

2010-02-24

捷絲旅林森館 (台北, 中正區)

雖然話設備齊全、環境不錯~
但都有缺點~

就係早餐太普通~ 選擇不多~ 所以可有可冇~

每晚價錢: 4500新台幣 (三人房)
評分: 設備4 服務4 環境4 衛生4 抵住3

0 個留言 | 加入你的留言

NAMWCY

共1篇遊記

沖繩石垣牛 (日本)
(旅程日期: 2010-02-11 至 2010-02-15)

整個旅程 (共1篇遊記)

分享至Facebook

發表日期: 2010-02-22

各位開飯Fans,
本人在剛過去幾天去了沖繩. 除了大家去沖繩一定會吃到的苦瓜炒豆腐同蛋外, 最值得食應該係石垣牛. 石垣牛同神戶牛是同級凡的. 雪花分佈十分平均. 的確好有牛肉味, 軟綿綿的, 近乎沒有渣.
在此最想忠告各位不要盡信旅遊書. 好多時係本書收了錢. 本人便信了書去了一間叫"守禮"的餐廳. 位於国際通這個繁華遊客區, 竟然不能以英文溝通. 態度散漫. 正常客人一到便應遞上水或茶, 在這裡要等20分鐘. 催幾次. 最離譜是食物來錯作投訴時, 經理竟然未聽完走咗去招呼新客人, 非常沒禮貌.
我們一怒下走了. 自己搵到間叫"国際", 仲平仲好食.

首里公園

2010-02-22

首里公園 (沖繩)

真的可去可不去. 以為好有歷史價值, 入去才知裡面的古物全是copy(佢自己寫明的), 收HK$80 一位, 仲要除鞋先入得, 扮晒嘢!!!

評分: 值得去1

1 個留言 | 加入你的留言

BO_BO_71

共18篇遊記

北京過新年 (中國)
(旅程日期: 2010-02-14 至 2010-02-17)

整個旅程 (共1篇遊記)

分享至Facebook

遊記 : 第3日

發表日期: 2010-02-19

中國菜的美麗.

2010-02-19

大董烤鴨店 (北京, 朝陽區)

水晶鵝肝

京式炒鴨心

日本和牛:最貴的一道菜

清炒豆苗

大董燒茄子

松子桂魚

炸子鷄

鴨皮脆而不帶油糕

過年在北京,留着一顿飯給北京的烤鴨,去北京玩,吃烤鴨同去長城可都算是必做的事情.得到可信的綱友指點之後.這顿飯就訂在大董烤鴨.6點30分準時到達,己經被門口人山人海的情景嚇了一跳,就算訂了位,原來也要在門口小等,看見走廊上掛滿奖狀和名人的照片後,心想這店也真的有點來頭......

喜歡這裹有心思地將等位區和用餐區分開.外面是熱熱鬧鬧的人群,進入裹面卻又是裝修華麗,而且舒適的用餐地方,開飯!

精美的餐牌相當吸引,中西合壁的意境相當到位,上面每樣菜式的图片也非常吸引,俾人的感覺就是....吃!原來也是一種藝術.

水晶鵝肝:老酒做成的啫喱包着充滿油香的鵝肝,第一次品嚐冷盤鵝肝,當初還怕凍食的鵝肝會太過肥利,可是這充滿酒香的啫喱剛好中和了鵝肝的肥利感,入口嚐到的只有甘和香.

京式炒鴨心:一道味濃的北方小炒,又濃又黑的醬油令到內臟的味道完全清除.好惹味的一道菜.

日本和牛:最貴的一道菜.店家說用松板牛,所以貴得有道理,入口充滿油汁,証明此店也非常有道德,末肯定是松板牛,但也吃得出是和牛,敬我至愛的媽媽,舅父和舅母.

清炒豆苗:豆苗是我最愛的冬日蔬菜,本來怕北方管子炒出多油又老的豆苗來.點知師博拍得住香港的大厨,名店真的不用太擔心.

大董燒茄子:裝飾得最漂亮的一道菜.茄子用着地道北方料理法,紅燒....炆得又香又甜.好味!

松子桂魚:由小到大都超愛這道菜,呢度大大條的桂魚炸到由裹到外都脆卜卜,而且不帶腥味,(香港好少炸到如此脆,可能怕會吃不出魚肉的鮮味,或是遷就港人的口味吧?),這裹可算是正宗得很,又脆又鮮,再配埋甜酸汁一流,這也是我吃過最好吃的松子魚.

炸子鷄:好難得吃到如此嫩滑的雞肉,因為北方人弄雞不講究,这裹卻難得做出港式酒樓的水準,勁!

烤鴨:主角終於出場,師博現場批鴨,加埋熱鬧的四碟配料,有反得统!第一反:用來包鴨的麵皮做得又細又滑!第二反:鴨皮脆而不帶油糕,第三反:除了甜麵醬和京葱外,原來配料還有萝卜,梅菜.....等.反傳統得來好味!又没有傳统烤鴨的肥利感.值得一讚.

整顿飯由裝修到菜式的摆設,再到味道都可以說是做到完美的,如果要鴨蛋裹挑骨頭也只能說是服務水準還需改善,始終這里也是一間高級食店,應有更好的待遇吧!

推介菜式: 水晶鵝肝,大董燒茄子,松子桂魚,烤鴨
每人消費: 約250人民幣元 (晚餐)
評分: 味道3 服務2 環境3 衛生3 抵食3

1 個留言 | 加入你的留言

opennice

共10篇遊記

08年跟團沖繩四天遊 (日本)
(旅程日期: 2008-10-08 至 2008-10-11)

整個旅程 (共4篇遊記)

分享至Facebook

再"游"一次美國村旁的美濱海灘SUNSET BEACH

發表日期: 2010-02-17

沖繩跟團之旅來到第二天, 是自由活動
本著來到這個以藍天與海灘地方一定要游游水
所以再去一次美國村旁的美濱海灘,
到晚上又去多一遍國際通
體會最深的, 不單是沖繩如畫的美景, 整潔蔟新的街道
還有是貴到飛起的巴士費用!!

2010-02-17

美濱海灘SUNSET BEACH (沖繩)

乘了一個小時,終於到海灘啦

有時聽到吵耳不堪的戰機聲

世嘉電玩店

加底加蛋加$$

100ren店

走喇, 好靚的街道~

為了游水, 但又不熟悉沖繩的地方
唯有去多一那霸市北面的美國村
EKKA酒店出面的天之久站,
搭巴士到軍病院前站, 大概一個小時

第一次乘搭日本巴士,感覺很新鮮
上車前先取一張整理卷, 車廂前面有一個屏幕內將有二十個格格
每到達一個站後, 那個格子就會出原之駛離的站名和一組數字
當到達第二站後,又會出示新的站名和數字
而之前第一個站跟著的一組數字就會增加
每過一個站, 越多站名出現後面的數字就不停增加
原來這就表示你在上車在哪一個站, 下車就要比幾多錢
司機前又有個機器,原來是散紙

初到海灘,這是一個人工做成,一個很整齊的圓圈在出口被斬了一下
呈半月灣, 面積小小,大概比香港標準池大一點
水質當然比香港的沙灘水質清很多, 但始終在那霸市內,
比起後來的郊外自然海灘,可媲美泰國馬耳代夫
那又差得多了,
一邊游,不時會聽一些很吵耳的戰機在耳邊環繞而過
當我越游越出時,竟發覺很多啡色的泡泡圍繞身中
嘩, 好嘔心, 立即走人
這個沙灘好像是私人營運, 沖身費要YEN100
如果收錢,原來是每一格沖身室外有個小機路
入個銀仔水就源源不絕地出

沙灘出面有個小小溫泉,可以免費給你浸腳
水熱熱的很舒服,有當地人一路浸腳,一路低頭慢慢的閱讀圖書
好嘆, 難身沖繩人咁長壽~

之後行下美國文化村, 原來有一個warehouse, 不單有些潮牌發售
在二樓,更有些軍用品如軍服, 子彈殼 cookset有售
另外美國文化村內又有一個超級廣場, 好大橙色的店有個大猴子好易認
店出面有戶外地方賣園藝品, 入面有個好大間的百貨店,及頗大的100ren店
連所有樽裝涷飲都係100ren, 我見到炭燒無糖0加啡最大支的,一時貪心就買了
結果後悔莫及, 支炭燒無糖0加啡苦澀到死呀

在美國文化村,很多店舖都接受美金付款
我去世嘉旁邊的烏冬店食麵時,好味~
用美金付款時,店員起初時找了少錢
我又胡裡胡塗收了錢食麵一會兒之後那男店員發覺出錯了
匆忙的一面不好意思的走過來把錢找給我
日本人的性格人民質素真好得沒話說

評分: 值得去4

三星酒店有一流景觀

2010-02-17

EKKA HOTEL OKINAWA (沖繩)

這是北面,另一面南望那霸市

70-80年代門面, 其實入面都係!

向北望, 左手邊好像個駕駛學院

在天之久巴士旁, 前面往樂天及OUTLET

早餐

味道還可以吧

旅行團全程入住EKKA HOTEL 是一間開了頗舊的三星酒店
裝修有點老土, 好似去了香港的新樂酒店一般
但KEEP得很整潔, 房間面積相當大
還第一次試用日本特色馬桶, 0個一下真係

可是日本廁所真的太過傳聲, 常常聽到隔壁房間的聲音不好意思,,,

但這酒店有一點足以傲視同儕, 就是一流景觀
位置正好在那霸市大馬路的高位上,360度無阻,
可遠眺整個那霸市和城市海岸線

地點雖不近國際通,車程5分鐘
但位於天之久屋的主要街上,可行7-8分鐘到新都心的樂天超市
MUJI及UNIQO, SPORT DEPO的OUTLET可行
再過一點就是沖繩美術館
有個超市/外國式MCDONALD是24HR,
這個OUTLET群我晚晚都去
所以我對這酒店都頗滿意

評分: 設備3 服務3 環境5 衛生4 抵住3

晚晚都行OUTLET

2010-02-17

新都心天之久OUTLET (沖繩)

很大, 買了對ADIDAS 才1500REN!

一站式老麥

全都是150REN內

BABY"R"US/ 24HR超市

從酒店旁巴士站的路口直行
就是貫穿新都心的大馬路
可先到 OUTLET群
樂天超市 BEST電器 DEPO SPORT MC記 24小時超市&100REN店 BABY"R"US

再到美術館可搞學校運動會的大公園
然後是大百貨公司沖繩DFS(很高檔!)
最後單軌尾站首里城

頭至尾約45行鐘

評分: 值得去4

0 個留言 | 加入你的留言

Manlie

共7篇遊記

2009首爾4天血併自由行 (韓國)
(旅程日期: 2009-09-03 至 2009-09-06)

整個旅程 (共2篇遊記)

分享至Facebook

發表日期: 2010-02-16

第2日訓番多D先出發，recover番晒!!!今日會去首爾站的樂天超級市場掃手信，然後去樂天世界～再回歸東大門不夜天血拼！

比麥當勞人氣更強的 LOTTERIA ok喇

2010-02-16

LOTTERIA (首爾)

都幾多選擇，慣常見到既就一定有，發現了墨魚堡～好似未食過，決定試墨魚堡！買完俾個等候牌你，佢話等5 mins...當有野食既時候，個牌就會著燈同係咁震，香港要學下啦...成日嗌mic咁嘈...

墨魚堡:熱辣辣，個汁辣辣地，好味！

薯條: 麻麻，淡左d~尚可！

每人消費: 約3800韓圓 (午餐)
評分: 味道4 服務3 環境3 衛生3 抵食3

首爾站超大 LOTTE MART

2010-02-16

樂天超級市場 (首爾)

好先進的電子價錢牌~

黃銅煲~~朋友話韓國人個個都用呢種煲食麵架, 好似話會特別好味~

到 LOTTE MART 掃手信!! 提一提~除左自己個袋, 如果有其他袋拎住, 佢要你放入LOCKER的, 門口有幾十個~可惜我地搵唔到吉既, 拎去 INFO COUNTER 都可以~果度仲有D LOCKER, 俾完姐姐有個牌仔,走先黎拎番~~另外, 手拖車是要按金的...請準備定W100~ 買左好多野，紫菜，冷藏式既炒年糕, 獨立包裝既泡菜, 沖既蜜桃茶粉, 韓式果子,仲有個黃銅煲等等~~最後一人pack一個箱走～

P.S. Pack箱是免費的，當然要自己pack～相反膠袋就要＄

參觀時段: 下午
評分: 值得去4

世界最大既室內主題樂園 - LOTTE WORLD

2010-02-16

樂天世界 LOTTE WORLD (首爾)

仲個有溜冰場, 浪漫滿屋曾響度最境!

~Balloon Ride~

9:30-9:45PM - Laser Show, 都幾堅, 又有火, 又爆晒煙花咁~

天國的雞批個木馬就係呢個, 原來夜晚既木馬係靚D架...

外面的城堡^^

介紹下先~~樂天世界是世界最大既室內主題樂園 (另有室外部份), 響東大門運動場搭2號線到蠶室, 是行程中最長既一段, 都只是20-25mins~~本身係想玩5點後入黎玩夜場, 因為買野買耐左變左7點幾...錯有錯著, 7點後仲平, 只係W14,000 per person, 呵呵, 仲要係任玩到11點! 雖然係星期五晚, 不過唔算多人~

參觀時段: 晚間
入場價錢: 每人14,000 韓圓
評分: 值得去4

炒大腸叔叔

2010-02-16

東大門市場 (首爾)

呢度係兩份，承惠W14,000，老闆得閒就會幫手炒炒～

上網睇到響東大門市場入面有間食炒大腸既食店，旅遊書係無介紹的，我同朋友都鍾意，就決定去喇．．PRINT定晒圖去認架舖頭．．丫，提一提夜晚都幾靜，小心喔！唉～好叻搵到呀．．點知無開，哎呀！晴天霹靂！

對面都有檔類似既食店，老闆見到我地失望個樣．．就問我地去邊，問我地借個圖，佢話我地搵得岩，不過closed (明明個網話收好夜><)個叔叔再望一望個炒大腸圖，佢話佢地都有我地想食既野，哈哈，簡直會心微笑．．因為好肚餓呀．．．叔叔都d英文都講得兩咀(當然係簡單)，佢話佢地其實仲出名過我地搵果間，1975已開~~的確, 好好味!!

推介菜式: 炒大腸
每人消費: 約7000韓圓
評分: 味道5 服務4 環境3 衛生2 抵食3

血併SHOPPING!! ok喇

2010-02-16

東大門不夜天 (首爾)

之後就去大戰東大門既不夜天SHOPPING MALL!!! 行主要幾個，有以下COMMENTS:-

Doota! - 感覺比較貴，但係係靚D, QUALITY好D
Migliore - d 款比較普通, 買唔到野...
Hello apM - D款比較YOUNG，響度買得最多，不過上到男裝係咁俾男sales用日文叫我地等等..
Good Morning City - 都唔錯架，有d都幾日本feel，有平有貴，多數百幾二百蚊件～

上面有d相 for reference, 提示: 一定要講價, 試過 29000 > 24000 > 21000 > 20000成交!

參觀時段: 全日
評分: 值得去4