蘇州站的面積很廣闊，假日站外站滿了兜售平價景點入場券的商販，一出去就被纏上了，先放下不管，到北廣場長途車站購買明天到西塘的車票才是首要任務。

順利購得車票，前往公車總站坐車到拙政園，途中差點應承了賣平票的交易(50元的門票賣35元包車到門外)，但前往他們的接駁車時又不停的訴苦利錢低，游說參加他們的一天遊，200元包去齊各個景點，一來價錢太狠，二來推銷的手法十分低能。

竟然說每個景點都大同小異，不需逗留太久，最重要是到的地方夠多，下午4時前保證逛完…

其實自行坐公車只是幾個站，就算只買他的平票也不見得很有嫌，而且對旅遊的價值觀不同，自然談不攏。蘇州的旅遊景點的公車接駁我覺得很完善，遊1和遊2兩條以遊客為服務對象的巴士線已能到齊主要地方，當然，熟路的會選其他較直接的路線。

公車班次很密，很快就到目的地了，下車後至每個景色的通道仍是滿佈售票黨，情況十分猖獗，明白他們都是想賺錢，但連不知第幾稿影印的地圖也兜售，實在有點不勝其煩…

這區域的知名景點有4個，包括獅子林、拙政園、蘇博和忠王府，最先見到以石林著稱的獅子林非計劃內，在門口拍個照就算，之後見到蘇州民俗博物館，誤會了是蘇州博物館，入內發覺地方細少，展品亦不覺有何特別，匆匆走了一圈就失望走了。

再走，見到忠王府的牌匾，但不能進入，一定要是先進兩地互通的蘇州博物館才可到達，眼下的只作出口用途。那麼就只好先到博物館，或者剛才那個小型的太失望，對這個正牌的並沒有期望。

由貝聿銘設計的蘇州博物新館採江南山水園林概念設計，即是小橋、流水、山石、花卉和迴廊的組合，配以現代建築元素，號稱大師的封刀傑作。場館免費進場，每天限定入場上限是5000人，遊覽當日是星期天，遊人頗多，幸好只排了10分鐘就能進場。

上文說過對這裡期望不高，目標只放在忠王府，怎料場內多個不同主題的展館異常吸引，館藏多達3萬餘件，當中一級文物達200多件/套、二級文物千餘件/套、三級文物上萬件/套，展現出歷朝的吳地文化，連同今期的特別主題「回望大明‧走近萬曆」，這臨時展館的展品多由首都博物館借出，不知不覺竟逛了近兩小時。

順帶一提，新館屋頂的幾何圖案，頗值的欣賞的。

(圖方面，展品就不貼了，主要貼建築)

離開蘇博新館，通過中間的園林就到忠王府，南京和蘇州都是昔日太平軍的重鎮，屋主是太平軍中後期的主要將領李秀成，奢華的王府佔用了拙政園的一部份範圍，諷刺的是倒台後府第不單成了清朝江蘇巡撫官邸，到現在很大部份都變成了蘇博用地，王府建築保留的只是很少的部份。

在沒做功課下只看了幾個廳包括銀鑾殿(編制上該是如此稱呼的吧…)、禮拜堂、書房和花園，雖然盡量保持了古風，但擺設上感覺有點堆砌，與期望中有一點落差，總括來說只是一般。

步出王府已是一時半了，單是兩個景點已花了2.5小時，看來入了拙政園也不用指望到留園和山塘街了。

午餐原計劃到別人介紹的「吳門人家」，但午市已完，正落場休息，隨便的沿路掃街，在拙政園售票處見到對面有家賣生煎包的又過去幫襯，不過水準認真麻麻，皮厚得不像話，而且一碟裡面包的大小也有明顯的差別。

回來後再查一查資料，竟然是連鎖店，如此水準真意想不到…

「拙政園」與同處蘇州的「留園」、北京「頤和園」和承德「避暑山莊」合稱中國四大名園，第一代業主王獻臣建園時特聘「吳門畫派」的代表人物文徵明(唐伯虎的老友:D)設計藍圖，以池水為中心，周圍建設樓閣；加上自然風景的園林以山石、古林、綠竹和花卉，構成這座大觀園式的古典園林。

即使500多年來不繼業權轉手、分拆、改建和遭破壞，目前大部份建築多是晚清時所建，但水池形勢仍存建園之初的遺意，格局能在鬧市中一直保留，不單在蘇州園林中罕見，即在世界亦屬不多，可見保育價值非比尋常，故在1997年被列入世界文化遺產。

詳細的歷史就不詳述了，只道最初的業主也是強佔他人土地而得地建園，後子孫嗜賭敗家可謂報應不爽。

景區目前分為東、中、西花園和園林博物館作導賞，近入口的東花園是新建的，已和最初的全不一樣，主要景點有秫香館、松林草坪、芙蓉榭、天泉亭等。

中花園的範圍於晚清時被用做八旗奉會館，主體建築是遠香堂(若墅堂舊址)在這時修葺，面水而築，面闊三間，結構精巧，周圍都是落地玻璃窗，可以從裡面看到周圍景色。

西花園晚清時的補園之遺存。重要的景點有「三十六鴛鴦館」、「留聽閣」、「浮翠閣」、「與誰同坐軒」、「拜文揖沈之齋」、「塔影亭」和「波形廊」等。

遊覽之時雖然人多，但舒適的氛圍沒感到焗促，行至園林博物館時已接近閉園時間(還有約半小時)，看見遊人突然消退不少，放棄了博物館走回戶外拍照，直至閉園趕人才離開。

已去不到另一著名園林留園和連綿七里的山塘古街，遂提早到吳門人家吃晚飯，再到聽聞夜色不錯的平江古街。

吳門人家是一家賣蘇幫菜的餐廳，座落於一座園林式大宅內，店的位置極為隱蔽，來之前友人已叮囑在一條不起眼的小巷內，要小心看漏眼。

或者早上為避開賣票黨的糾纏，挑了橫巷來行，這剛巧是潘儒巷，所以早早就經過這店，其實走在大街上也不難找，連接拙政園(東北街)的園林路，第一個路口轉入就是。

由於時間還早，午餐的生煎包仍未完全消化，本來想吃蘇州著名的萬三蹄，怕吃不消放棄了，只點了清炒河蝦、紅燒獅子頭和一窩咸泡飯。

本以為會較油的獅子頭卻出奇的不膩，而且入口肉香軟綿；河蝦雖然入口爽脆，但覺得鮮味不足，而且碟子上見到很多油。或者菜牌上貴一點的「吳門蝦仁」才是靚貨吧。

順帶一提，原來飯店座落的大宅也算今早最先到的「蘇州民俗博物館」的其中一部份。

飯後步行往平江路，沿園林路轉獅子林巷左轉就到，全程10分鐘左右，原定是夠時間的話會在午飯後前往。

平江古街位於蘇州古城東北，當地有「先有平江路，才有蘇州城」的說法，而北宋時的古地圖《平江圖》已出現這條平江路，可見歷史之悠久。

自古以來一直保持路河並行的「雙棋盤」格局，小橋流水、粉牆黛瓦，充滿淡雅的風格，是蘇州現存較完整的古街， 雖然已劃為旅遊區，但不需門票，更重要是商業味不濃厚，街道兩旁有不少具格調的書店、商店、咖啡室和民宿；傳統一點的有茶室和昆曲演唱，若今晚在蘇州過夜，這裡是計劃的首選。

走完平江路，今天最後一站是觀前街，寄望不大，因早已知是一條商店街，只是順路才到此一遊。

果然興趣缺缺，亦未肚餓吃宵夜，走到玄妙觀就轉入食店眾多的太監弄回程，坐地鐵回酒店了。

本節想分享的只是在沒有高鐵下返回陽澄湖酒店的方法。

先在臨頓路站坐地鐵至近昆山的鐘南街總站，再坐約50元的士回去，比直接由蘇州回去慳了一半。

 

跟Crystal道別，即代表小肥個悠長假期即將結束，好快又要返香港過住忙碌o既生活，當然係勁唔捨得啦！離開Crystal，腦海不斷浮現出Gary早一晚喺個告別節目中同大家講o既一番說話。佢話我地落船時o既第一刻，應該未必感覺到，不過當大家喺歸家途中，食第一餐飛機餐時，或者喺屋企沖完涼，過咗兩個鐘頭後發現自己條毛巾仲喺地下時，一定會開始回味Crystal美味o既膳食及貼身o既服務！

喺名店廣場行咗一陣，因為大家都有啲肚餓，所以就一邊行，一邊搵野食。唔記得邊個團友咁好眼呢，好似係最為食o既大肥呀，居然喺條橫行度發現咗間意大利餐廳。經團長同意之後，我地就入咗去搵位，不過好奇怪，餐廳入面明明有位，但係姐姐仔堅決要我地坐出面。喺橫行食野，XO仔都係第一次，莫非依啲就係歐洲文化？！身為一個大汗之人，個人唔係好慣一邊食野一邊曬太陽，雖則話有風，始終大汗dup細汗，小肥真係食得好狼狽。此外，因隔離枱有吸煙者，要我地進餐時食二手煙，感覺真係勁唔爽！食飯中途，突然有位肥叔叔行入黎橫行拉小提琴，心諗會唔會就係姐姐仔要我地坐出面o既原因呢（幫肥叔叔賺外快）？

喺上一編遊記提到，小肥對西餐其實有少少恐懼感，所以出外食意大利菜時，都必定會揀選最安全o既意大利粉，話哂都係意大利最傳統o既菜式：

Spaghetti aglio, olio e pepperoncino alla romana- Traditional Italian dish, spaghetti with garlic, oil and chili pepper（Euro 6）:小肥對極為簡單o既Spaghetti aglio可以話係情有獨中，除咗因為對其配料好少會有敏感反應之外，小弟最愛蒜香，此道菜又清又香又唔會太油膩，麵條更是煙韌彈牙，al dente中之al dente，絕對係推介之選！

同行o既團友們比較有冒險精神，除咗食傳統o既意粉（Spaghetti alle vongole veraci e pomodori piccadilly – Spaghetti with clams and Piccadilly tomatoes - Euro 15）同千層麵（Lasagna alla Bolognese – Traditional dish from Bologna, lasagna with beef sauce - Euro 10），佢地仲試咗一道Carpaccio di polpo（Carpaccio of octopus - Euro 12），更大讚八爪魚爽脆獨特。

另外要讚o既係招呼我地嗰位哥哥仔，佢雖然英文唔係太好，同我地溝通有不少問題，落單時一度需要用手語，不過勝在落力，唔明都會聽多幾次，盡量滿足我地o既要求。

Colonna di Marco Aurelio，英文譯名為Column of Marcus Aurelius，位於Piazza Colonna，為紀念羅馬皇帝Marcus Aurelius而建造。圓柱最特別就係上面刻有精緻幼細o既螺旋浮雕，紀錄住Marcus Aurelius生前o既事跡。

當日我地喺羅馬已經見到多條古柱，小肥就不禁向大姨丈問咗句：「小肥今次黎到羅馬，開口埋口都係ABC，你知唔知點解？」因為大家都對佢之前嗰兩個ABC爛gag印象深刻，大肥爸爸仲玩搶答：「哈，咪Another Bloody Column囉！」逗得團友們哈哈大笑！

有人介紹我地其中一位團友黎Hotel Majestic o既Filippo La Mantia Restaurant食飯，大讚其西西里菜式美味特別。大家聽到係酒店餐廳時，都覺得應該唔會差得去邊，當然係冇人異議啦。

我地由InterContinental De La Ville酒店坐的士去Hotel Majestic，車程不需十分鐘，非常方便。酒店入面有種好古典o既氣息，感覺非常高貴優雅！入面有部復古升降機，真係幾得意。上到餐廳嗰層，經過一條走廊，步入餐廳，第一眼就見到個西餅open kitchen，擺放滿甜品蛋糕，極為吸引！Filippo La Mantia Restaurant同Hotel Majestic一樣高雅，所有室內裝修，皮櫈餐桌餐具都豪華得令人嘩然！唯一問題係服務生態度似乎未能配合，而且有少少睇唔起我地中國人之嫌！

因為大家對西西里菜式認識不多，最終都係由Auntie M及團長叫幾款頭盤大家分黎食，主菜就各自決定。

Amberjack Fish Cake w/ Lettuce & Parsley Sauce（Euro 18）：西西里魚餅，貌似豬肉丸，味道酸得黎絕不美味，好在咬落尚算彈牙，叫做係不幸中之大幸。

Rice Prancing w/ Ragu, Peas, Anchovies, & Ragusano Cheese（Euro 18）：上枱時，小肥起初以為係一對桔，點知切開先知原來係西西里版之飯團！飯團外層煙韌，但係個餡就好一pat pat，而且味道苦澀，好采我地八個人每人只係分到一小角，不過都足以令小肥食到眼都凸埋！

"My" Eggplant Caponata 2011（Euro 18）：此道特製茄子，無論係其”pat”狀之外表，定亦或係其帶苦o既味道，都不甚討好，小肥食過一口就冇再接觸過碟餸。

Red Shrimp w/ Avocado Bread Wafer & Pork Jerky（Euro 18）：烹調海鮮，尤其係蝦，可算係最簡單，因只要食材新鮮，蝦身都會好爽口。紅蝦似乎係當晚做得最出色o既菜式，可惜因味道太淡，未能取悅到小肥。

Spaghetti w/ Fried Eggplant（Euro 20）：個人覺得麵條太腍，醬汁味道太酸，矮瓜質感唔知點咁；喺羅馬居然食到如此差勁o既意大利粉，XO只能贈大廚兩個字：「失敗」！

小肥手持餐牌時，最驚訝都係見到有一道主菜叫"Sweet & Sour RABBIT"，咁咪即係咕嚕兔仔肉？！毫無冒險精神o既XO仔當然唔會試啦，結果都係叫咗份牛肉食：

Beef Tagliata w/ Fried Artichokes & the Sauce of Rosemary Potatoes（Euro 28）：如相所見，牛肉真係做到medium rare，但係肉質偏韌，最面層更因過燶而變得嚡過小弟層皮，當時小肥只可以喺心中暗自搖頭嘆息！

Bitter Chocolate Ice-Cream（Euro 18）：雖然話係苦朱古力雪糕，但其苦味不及其甜味，所以小肥勁失望！要兩舊水食個咁o既雪糕，真係認真唔值！

由頭盤食到甜品，除咗覺得酒店餐廳地方豪華高級舒適，XO仔真係唔係好識欣賞西西里菜式，因同桌o既團友們對食物都有不同評價，小肥只可以總結一句：「西西里餐唔係XO仔杯茶。」

食飽晚飯，由團長發起話要行返酒店，所以大懶爸爸唔敢反對。沿住Piazzale Brasile一路行，街上到處都係花朵，不過最離奇都係一個印有中文字o既水牌，張”Glove Factory”譯作「手袋」？！行咗大約半個鐘頭，我地終於返到酒店條街Via Sistina，觀察力極強o既中肥哥哥叫我快啲睇下個月亮幾圓，原來嗰日係十五！

我地三個人落咗郵輪等咗十分鐘左右就上咗巴士，車程約一個鐘，大概一點抵達Porto Venere。Porto Venere，有人譯作為「女神Venus之港口」（Porto = 港口；Venere = Venus），相傳此鎮曾經有座供奉女神Venus o既廟宇。話到明係小鎮，Porto Venere人口當然唔多，據說只有四千多人，所以我地一落車，除咗見到同船o既旅客之外，真係唔係見得到太多居民。

由姨丈帶路，我地慢慢穿插鎮內o既橫街窄巷，途經不少七彩住所，精品商店，以及鎮上o既一座主教堂，San Pietro Church（Church of St. Peter），用咗半個鐘頭就行咗一個圈！Porto Venere比小肥o既感覺好靜，而且啲人o既步伐比較慢，當中最得意就係原來小鎮有一種叫Water Taxi（水上的士？！）o既交通工具！

六月四日乃我地今次郵輪河o既最後一日，所以Crystal特別安排左一場告別綜合節目表演，演出者包括The MacDonald Brothers，我地位Cruise Director Gary Hunter先生，郵輪上o既跳舞老師，以及鋼琴家“Where’s-your-house-key”先生。可以再一次欣賞到佢地每位咁精彩o既演出，一包眼福同耳福之餘，真係足以令人回味無窮。

通常大肥同小肥對西餐都不大愛好，感覺西式廚藝變化不多，所以要我地雙肥日日食西餐，起初未上船前真係有啲驚！今次坐完Crystal郵輪，雙肥同團友共八人都對其膳食讚不絕口，因為Crystal個廚房每日都會好用心地製出不同餐單，款式多元化，佳餚好睇又好食，冇得彈！我地落船前嗰一晚，Crystal更特別邀請名廚Heinz Beck先生作為當晚o既客席廚師，為我地烹調美食：

頭盤之Seared Sea Scallops w/ Pea Puree & Artichoke Vinaigrette：半生熟o既帶子鮮甜幼嫩，假如可以煎香少少效果應該會更好。

熱湯之Cream of Chicken w/ Sun-Dried Tomatoes & Bell Pepper Confetti & Wild Rice：小肥最愛忌廉湯，此道忌廉雞湯又香又滑，味道濃得黎又唔溜，當然係要encore啦！

意大利粉之Rigatoni Pasta "Con Prosciutto e Asparagi" w/ Fresh Tomato Sauce, Cream, Asparagus, Proscuitto & Parmesan Cheese：雖然意粉大大塊，質感仍能保持煙韌彈牙，最重要係蕃茄醬汁唔會過酸，美味得非常醒胃，讚！

主菜之Whole-Roasted Maple Leaf Farms Duckling, w/ Caramelized Orange Sauce, Braised Red Cabbage, & William Potatoes：配上橙味醬汁，鴨仔肉香嫩鬆軟入味，正！

甜品之Coffee Mousse w/ a Cylinder of Rum & Ice-Cream of Milk Reduction：咖啡mousse o既咖啡味不及rum酒味濃，不過個配搭好得意。

甜酒之"Weinlaubenhof Kracher, Burgenland, Austria 2011"：小肥其實唔係好飲甜酒，因為感覺好似飲糖漿咁甜。今次見我地位貌似威廉王子o既sommelier Pierre哥哥極力推介，所以就試咗一杯！果然味道清甜，但絕不過火，好味程度更令小肥加飲兩杯！感激！感激！

Biblioteca Nazionale Centrale di Firenze，英文名為National Central Library (Florence)，係意大利國內最大o既公共圖書館，喺歐洲亦非常出名。圖書館位於River Arno旁，所以1966年嗰場洪水毀壞左圖書館內多本真藏古書。

Piazza della Signoria係一個L字形o既廣場，每一個角落都有裸像。如附圖所見，除左與Uffizi Gallery相連o既Loggia dei Lanzi門前有多個裸像，就連Florence市政廳Palazzo Vecchio（英文譯作"Old Palace")正門都有幾個。喺Palazzo Uguccioni宮殿前嗰座"Bronze equestrian Statue of Cosimo I"可算係整個廣場內最正氣o既雕像。

Chiesa dei Santi Michele e Gaetano，又名Santi Michele e Gaetano，英文名為San Gaetano，位於Piazza Antinori，係Florence多個貴族贊助建成o既。

唔知大家仲記唔記得小肥個大姨丈喺Bordeaux講左個爛gag：「知唔知點解遊客黎到Bordeaux，開口埋口都喺ABC？ABC其實等於Another Bloody Château。」今回黎到意大利，佢就講左個延續編比我地聽：「知唔知點解遊客黎到Florence，開口埋口都仲喺ABC？ABC咪即係Another Bloody Church囉！」哈哈！

Palazzo Strozzi係Strozzi家族曾經擁有o既一所宮殿，現為Institute of Humanist Studies 及 Fondazione Palazzo Strozzi之基地。話說Strozzi家族係Medici家族o既死對頭，當年為左要威，Filippo Strozzi the Elder命人建造此所宮殿，可惜未建好佢就先去世。當宮殿終於起好時，Medici家族就充公左座宮殿，要過三十年後先退還返比Strozzi家族。

當日我地經過Palazzo Strozzi，見門口大開，旅客更可自由出入，所以就走左入去逛逛。大堂入面半空中掛有一件展覽品，真係好有藝術feel。行近望埋張有關新展覽會o既poster，發現「半空」可能係Palazzo Strozzi o既主題，因「美國夢想家」愛在懸崖建大屋（請看附圖）。

黎到Florence，大肥爸爸一心要去參觀Salvatore Ferragamo Museum，可惜博物館卻因重建工程而暫時關閉，真係掃興！大肥天生樂觀，雖然失望，卻不忘講解為何咁期待要參觀此博物館。原來Ferragamo曾經喺南加州大學修讀解剖學，嘗試理解點解外表靚o既鞋都會傷害我地對腳，所以大肥深信Ferragamo所設計o既鞋超級舒適，仲叫大家留意Salvatore Ferragamo Museum係以鞋樣黎做logo，所以真係堅過石堅架！

後記：郵輪河後，XO仔返到屋企，查證過大肥爸爸根本冇一對鞋係Ferragamo依個牌子，所以就多口問大肥點解啦，佢個答案係：「因為我地中國人對腳同鬼佬腳o既構造有少少唔同囉！」哈，咁都比佢諗到，好野！

正當大肥爸爸為Salvatore Ferragamo Museum休息而感到失望之際，佢個肚比較現實，開始打鼓，咁啱又比佢喺博物館斜對面見到一間意大利餐廳Le Antiche Carrozze: Trattoria Pizzeria (Pizza Restaurant)。經團長姨媽同意之後，大家就行左入去醫肚。餐廳標榜其pizza都係用clay oven焗製，可惜同行喜歡食pizza o既只有中小兩肥，所以大家最終都只係叫左湯，頭盤，同意粉。

餐廳舒適得好有屋企feel，到處都有酒樽，似乎午餐飲酒都好正常。客人唔多，不過唔知係咪因為我地係中國人呢，服務生冇乜特別地同我地傾，只係滿不在乎地落單就算，中肥哥哥話歐洲人係咁架啦！

因為喺郵輪所有食物都唔洗比錢，所以XO仔當然係留肚上船食啦，結果只係叫左一份意粉同一罐Cutie可樂（請看附圖）：

Spaghetti alle Vongole w/ fresh clams sauce in white wine, garlic, olive oil & parsley sauce（Euro 13）：喺意大利bor，更係叫意大利粉食最安全啦！果真如此，意粉好夠al dente，味道鮮甜香濃，正！

行完成日，天氣都由多雲轉為天晴！團長見午餐後大家都曬左幾粒鐘，而且離集合時間仲有半個鐘，就揀左間喺Santa Croce廣場o既咖啡室度嘆個下午茶。咖啡室喺Finisterrae餐廳旁，因為忘記左攞咭片，確認唔到咖啡室個名，單憑menu上寫有"S. Croce "字句，唯有估計咖啡室名為"S. Croce Cafe"。

天口咁「hing」，肥肥家族當然係每人叫左杯旺阿姐最喜愛o既「凍咖啡」黎飲啦！同姐姐仔溝通左好耐先知「凍咖啡」o既意大利文係"Caffe Freddo"，每杯五蚊歐元再加稅，一啲都唔平，不過就真係好解渴！

宮原眼科呢個名字好特別,原來前身真係睇眼既地方,我初初以為好大的,但原來只係一間賣手信,食雪糕及食飯既地方,但係真係好靚,佢裝修得好靚,所有手信都好精緻,其實都唔會捨得食呀.本來都有諗過食雪糕,但係好飽都食唔落,網上既人話雪糕好多人排隊,但係都唔算長龍呀.

這裏主要睇羊駝的,又即係草泥馬,地點都幾偏遠,一大片草原,入到去就見到廿幾隻羊駝坐晒係度,遊人只係好少,我地不停同羊駝映相,牧場將佢地D毛剪到唔同圖案,有哈哈笑,心形,地毯等等,感覺有點怪異,好似變左第二D動物咁,佢地不停望住我地,因為以為我地有嘢食,其實佢地都幾臭,因為大小二便全部都係晒同一地點.

除了羊駝外,還有馬仔,烏龜,駝鳥等等....