第二日，我地坐車去長野，又再搭長野電鐵，不過今次坐特急快車前往湯田中總站，然後再坐前往上林溫泉巴士，約十分鐘下車，慢慢行上山去野猿公苑睇馬騮仔出浴！

由於前兩日天氣下降，加上呢度係高山地區，所以沿途仍然見到唔少積雪，部分開始融雪，搞到山路濕立立，一腳都係泥濘！不過，見到積雪，乜都值回票價啦！再污糟都無問題啦！

經過半小時的山路後，終於到達地獄谷溫泉，據講馬騮仔就係睇到呢度旅館的人浸溫泉，於是有樣學樣，浸埋一份！

平時見城門水塘的馬騮蝦蝦霸霸，就見得多，但講到睇佢地出浴，仲要係浸溫泉，真係奇景！而且呢度的馬騮仔好乖，唔怕人，但又唔會騷擾人，更加唔會搶人野咁兇險，完全活在自己的世界之內！你有你影，佢有佢浸溫泉、曬太陽、嬉戲玩樂，不知幾開心！

地獄谷野猿公苑
入場費：500日圓
開放時間：夏季8時30分～17時 冬季9時～16時
交通：搭長野電鐵長野線湯田中站下車，再在車站旁轉搭巴士約10分鐘，在上林温泉站下車，再徒步30分
網址：http://www.jigokudani-yaenkoen.co.jp

check in完，食過蕎麥麵，我地便坐長野電鐵去須坂市的臥竜公園。

臥竜公園是全國100大賞櫻名所之一，我地都好期待，希望可以再一睹櫻花怒放的壯觀場面。

到達須坂站後，唔知坐咩車可以去到公園，只知旅遊書話可以步行約廿分鐘即達，於是我又利用僅識的三兩個單字日語加文字表述去問路。問左幾個路人，都係雞同鴨講，終於問到個靚女，居然肯推著單車，陪我地由車站一直行成三十分鐘，身水身汗到達臥竜公園，實在感激不盡！

到達公園外圍，已見湖畔櫻花處處，遊人絡繹不絕，有Ｄ人坐船仔遊湖，有Ｄ人就地野餐，櫻花樹下更有不少飲食和玩樂攤檔，好似園遊會咁熱鬧，不過非常有秩序，一Ｄ都唔擠擁，又唔嘈吵，日本人的民族性真係值得我地學習。

我同朋友當然不斷係咁影，朋友又再次長短鏡交換拍攝，再加傻瓜機同Standard鏡，三鏡一機輸流係咁影，影到不亦樂乎！

須坂市臥竜公園

交通：由長野電鐵坐車至須坂站（約廿分鐘），下車後在站的右方向上行，約步行三十分鐘

Mar 18 2011

第三天了，還是未能提起勁去景點觀光，瞓到日上三竿，才到酒店附近逛逛，卻意外發現隔兩條街的Benjasiri Park正舉行 ‘Bangkok International Food Fair 2011’ 。

Apr 11 2011
這天大家想吃西餐，近近地到酒店附近的意大利餐廳食pizza。

其實起初還打算,如我對花沒有這麼多興趣,我便在花博早一點離開再去浸温泉,詁不到在花博逗留了七個小時. 之後便搭車往淡水進發了.

行了七個小時,腳也累,但入到地鐵也是沒有位坐,唯有繼續企多半小時到淡水啦.