紫禁城系過去幾個世紀中國政治權利的中心，比我的感覺基本一如傳說中0甘大0甘有型！！！

去之前以為可以上太和殿張龍椅坐下，結果事與愿違，比較可惜。。。

九龍壁系另一個印象比較深的地方

而稍微比較失望的系傳說中的皇宮的御花園，睇電視以為好大好靚，但其實比我想象中要細，也無0甘靚

恭王府系另一個比我印象好深的地方，和紳同恭親王奕昕都曾經住過呢度。。。而和紳更加用呢度來收藏D貪污番來的錢財。。。點可以唔離睇下

不得不提的系果個康熙御筆寫的“福”字，一個“福”字里面，包含左“多才多子多田多壽多福”0甘多重意思，當時睇到幾乎唔舍得走。。。

港式除左食物，還有就是營業時間，國內的港式茶記一般都開到很晚，正合我們這些晚上十﹑十一時還在逛但周圍的店子已關門的人。

當然國內的港式茶記普遍最不正宗的就是服務，因為香港茶記怎會有這麼好的服務？而環境也是非常不正宗的，因為都會走較中高檔路線。

先放下茶，口渴的我們覺得非常好喝。我們點了揚州炒飯(￥28)，什扒鐵板餐(￥53)和牛肉鐵板餐(￥55)。價錢是一般香港價，可能在國內而言算中檔價位，也與這裡的環境符合。

揚州炒飯的確是港式的揚州炒飯，有蝦﹑蛋﹑叉燒等材料，稍欠鑊氣，但味道剛好。兩份鐵板餐遲遲不見影，來到後看賣相總算沒白等，牛，豬和雞扒也很好吃，肉質鮮嫩不鞋口，套餐還跟白飯﹑沙律﹑湯和飲品，吃罷友人大聲呼叫非常飽和滿意。

如果大家到王府井逛街突然想念香港，不妨到這裡一試﹗

青檸冰: 透心涼的感覺
冬陰公湯: 用類似北京的羊肉爐盛著,配料非常豐富有蝦肉,檸檬葉,草菇,辣椒......,蝦肉數量亦多,但蝦肉略欠鮮味.要了三個辣味及不辣的冬陰公湯,是那種濃而酸辣的味道,
菠羅飯:面頭放上肉鬆,每個飯粒沾有些菠羅果香味
魚:皮脆但魚肉有點鞋口,亦欠缺鮮味.只是蘸上些泰式辣汁會感覺有泰式風味
露筍:鮮爽但油膩


總括來說,海鮮欠缺鮮味

其中一日就到左出晒名既一蘭拉面, 呢間分店位於六本木, 跟朋友上到去佢就首先向我介紹該部售票機, 自己落order。 跟住發現原來呢度只得一款拉面供選擇, 就係一蘭的招牌拉面, 另外我仲加左隻boiled egg。

朋友跟住就帶左我入去見識一下呢個像自修室般的食店, 每一個人都有一個私人的賞"面"間, 聽朋友說係因為老闆想客人可以全心全意, 專心一致咁欣賞同品嘗拉面, 免受其他人騷擾, 真係有心。

就座之後, 師父會在座位前的簾後俾一張單你, 你可以再揀想點樣fine-tune 你碗面, 例如濃度、油度、要唔要蔥呀、叉燒呀 (點會唔要呀 :D) 同埋d 面既硬度, 真係體貼得黎又專業。

隔一陣呢碗期待已久既面就送上, 湯的味濃郁, 但又唔會覺得太油膩, 加上拉面本身軟硬適中, 講真句真係俾係香港食開既贏足不止一條街, 因為在香港大部份食到既拉面湯底都會俾你一種濃得來又太咸既感覺。 一邊食再一邊品嚐我最愛既半熟蛋, 真係人生一大樂事, 原來真正既拉面係咁既... 而其份量更是剛剛好。 坐係呢個嘗面的小天地, 你真係會份外專注地去嘆呢碗面, 所以好快你就會食完, 跟住埋單讓坐...(可能呢個先係背後真正既原因), 但當你離開時, 你個心就已經會同你講一定要起碼黎多次先返香港...

「外灘」在中國不是上海獨有，但上海外灘絕對是最有特色。在晚上當你看著身後的萬國建築群，然後再看看黃浦江對岸的現代化建築，馬上便感受到強烈的對比，仿佛兩個時代的上海並存融合著。多次徒步在黃浦江兩邊，都總會令自己想起很多有關上海灘的一點回憶和僅知的歷史，這與在香港看到的一面倒現代化夜景是不盡相同的。如果是跟隨旅行團「到此一遊」的人，大概不容易感受到當中的吸引力，因為你只看到她的一部分。有機會的話，推薦大家慢慢的在萬國建築群的一邊慢慢行一次，嘗試了解建築背後的故事。亦可坐普通渡輪(不是賺遊客錢的觀光隧道)看看兩岸景色，順便過陸家嘴那邊對岸回看另一邊的全貌。到外灘其實很容易，南京路一直往東方明珠塔方向走就可以，很近的，不需要打的過去浪費金錢。

Aquarium 係其中一類我鐘意遊覽的景點之一, 知道曼谷有一個亞洲數一數二的aquarium,  當然要拜訪一下。 我更特別報名參加了它的dive with the sharks 活動, 與鯊魚近距離接觸。

這個水族館叫 Siam Ocean World, 其位置就係位於遊客區中心Siam, 十分近地鐵站。唔知係唔係位於黃金地段既關係, 入場費要850 baht, 其實都有d 貴。 但無可否認, 入面的面積十分大, 分成6 個不同的區域, 相比起鄰近 Singapore 的水族館真的大很多。 我首先按時間欣賞了幾個表演, 分別係 Shark feeding, 同埋企鵝表演。 牠們都非常投入表演, 所以如果就到時間的話, 都不妨一看。

行了一圈後, 戲肉當然就係 Dive with the sharks! 登記後, instructor 會詳細講解過程, 另再三叮囑唔好亂摸鯊魚。 換上潛水衣及一切裝備後, 我們就跟instructor 一齊跳入這個大鯊魚缸內, 心情既興奮又緊張!  我們逐步游近第一群sharks, 牠們的面目當然睇落絕不有善, 步步進逼, 跟著就在我地身邊近距離游過, 之後instructor 帶我們在另一群之中穿插, 非常過癮。 o係水族館潛水當然無在大海潛感覺咁自由同自然, 但勝在夠集中, 所有想見的海洋生物都一次過出現在你眼前。跟著我們來到一個人造 shark cave, 去到洞口已見到有數條鯊魚在內, 當我地正在進入之際, 見到有一條鯊魚迎面以來, 我們唯有向後撤退, 牠就在我不足一呎之外經過, 但望都無望我一眼.. 心想牠們一定係一早習慣這程人鯊爭路既情況.. 除了鯊魚及其他海洋生物外, 另外同樣有趣的就係欣賞在缸外的遊人。 他們見到缸內有潛水員時, 就好似見到有趣生物一樣, 尤其係小朋友, 更會向我們揮手, 令到我有點覺得正在表演一樣, 但感覺又確係幾得意。  不知不覺 45 分鐘就過去, 臨走前更買左一件紀念 tshirt, 上面寫住 "I Dived with the Sharks"!  如果你都對海洋生物有興趣的話, 呢個景點就唔好錯過, 如果有時間的話亦可以考慮一下參與dive with the sharks, 就算唔識潛水或游水, 佢地都有一個ocean walker 既活動可以參加, 同樣可以體驗與海洋生物超近距離接觸。