9月4日（陰）：鑽石公主郵輪東瀛遊第五日之Korsakov 科爾薩科夫

繼早一日喺海中心遠觀過世界自然遺產「知床半島」後，「鑽石公主」即往北航行，與日本暫別，並於俄羅斯最大o既島嶼「庫頁島」（Sakhalin Island）附近o既海域停泊咗大半日。

由於俄國入境深嚴，新法例好多限制，據悉市內治安又唔係咁好，未有參加岸上觀光團o既旅客好多都情願留返喺郵輪上，團友十二人中亦僅有五個夠膽短遊小鎮「科爾薩科夫」（Korsakov）半小時。五人當中最驚青都應該要數年紀最輕o既小肥，不過好好彩，落咗船後居然俾蕃薯Uncle搵到兩個同為香港遊客o既「森湯」壯漢作伴及保鑣，總算無驚無險。

今日已是笫八日，亦係last day喺俄羅斯，總括來說，俄羅斯係一個值得去嘅地方，相對於其他歐洲國家，俄羅斯消費並不高，而且景點亦較集中，無需花太多時間喺交通上。

今朝早咗起身，酒店早餐仍在準備中，於是步出酒店到街上走走，諾夫哥羅德早晨的空氣，好清涼，且散發著一種鄉土氣息；食完早餐，馬上要出發，坐三小時車返回聖彼得堡，一路上，吳明介紹沿途風光，講到馬路兩旁的豪宅群的時候，語氣就帶點氣憤，因這些都是特權階級用自己方式取得的，是腐敗的產物；面對社會不公的現象，怨懟和控訴的也不一定是廢青。

食早餐的時候，又見遺失手機的團友，仍唔肯放過領隊耀仔，不斷向佢發功講哦文，怪責耀仔沒替團友看顧物品，最後還是團友的丈夫明白事理，替耀仔解圍，耀仔趁她推行李上車的時候，求其吃些早餐，就趕快上車點人數出發，耀仔慘慘豬﹗

今日我哋離開聖彼得堡到諾夫哥羅得古城，車程需三小時，偉大的吳明在車上介紹諾夫哥羅得古城的歷史，言詞生動有趣，但最後還是敵不過睡魔急call，到達後吳明用一種好特別嘅方式把我們喚醒 ~ 在車上大唱東方紅，太陽升，結果我們馬上給嚇醒。

連續幾日下晝都落雨，今朝起身終於見到藍天，氣溫由昨晚的十度回升番上廿四度，俄羅斯天氣真難捉摸，希望跟住落嚟嗰幾日都係陽光普照，唔好再落雨咁掃興喇。

建築好有歐洲feel，有別於莫斯科，感覺祥和尐，不過，導遊不段提醒，包包要放喺前面，各地扒手集中喺聖彼得堡搵食，但可以放心，幸好佢哋只會偷，唔會搶。

今日行程好充實，一次過參觀咗聖彼得堡四大教堂，由朝到晚，絕無冷埸。

嚟咗莫斯科頭尾兩曰，學識用俄文講多謝（Спасибо音：巴屎閉）；亦體驗到俄羅斯氣象萬千，時晴時雨，陰晴不定的反覆天氣。莫斯科景點好集中，大部份都有地鐡到達，其實自由行都好方便，只係俄文都幾難認，只要去惡補下俄文，至少認到字母，買到嘢食咪得囉。

自從睇過皇村瑰寶，俄羅斯宮廷文物展，即興起親歷其境嘅衝動，要到俄羅斯走一趟，於是坐言起行，比較各大旅行社行程，然後刨旅遊書搜集資料，對行程景點有點認識，在走馬看花的旅程中有所得著。

六、七月嘅莫斯科同聖彼得堡，氣溫徘徊喺十零廿度，出發前收到旅行社提醒，當地天氣非常反覆，需要帶備厚、薄外套；到步後才發覺這兩件厚、薄外套每天都用得著，可謂一日四季。