這次來曼谷旅遊, 是Honey送給我的生日大禮, 很多年沒有來了, 原來曼谷變了很多

講明是來慶生日, 當然要豪擦一餐, 我愛SEAFOOD, 所以生日大餐, 就來一個"海鮮大餐"了 !!  Honey早做足功課, 帶我來了這間『Seafood Market Restaurant』~~~嘩...下了的士, 第一眼看見, 是一眾廚師在巨大的開放式廚房炒送, 火光團團, 多麼震撼的情景呢!   步進餐廳, 同樣嘩然, 餐廳大得交關, 最叫人興奮的是海鮮區域, 長長的海鮮區, 客人需推著Supermarket車選購海鮮, 除了海鮮之外, 還有蔬菜,水果,酒類, 都是自己親自揀選。

揀好食材之後, 於Casher付錢, 服務員便會把Supermarket車仔推回你的座位, 然後落單, 自己決定煮法 (泰式,中式,港式,東南亞式,炒,蒸, 焗, 炆....等等)。注意 : 料錢之外, 另要加 "烹調費"。講左咁耐...開餐喇

來到泰國, 點甚可以放過每一個飲『冬陰公』的機會呀!! 這個已是這次旅程的第4餐『冬陰公』了, 哈哈!!    很好飲, 因為我們買了蝦仔和蜆仔給廚師烹煮.這裡的『冬陰公』還有一個特別之處, 不是猛加辣油煮成的紅卜卜『冬陰公』, 湯的顏色很清, 但也很辣, 辣中又能飲到海鮮的鮮甜味!!  (料錢：蝦仔 + 蜆仔：HKD102) 。   香煎大虎蝦 ~ 好味到丫....肉爽不特止, 連蝦頭d膏都好甜呀  (料錢：HKD347)。   泰式炒青口 ~  滑到....超好味 (繼西澳之旅食過第二好味的青口)  (料錢：HKD20)。    薑蔥炒新鮮肉蟹 ~ 肉很甜, 估唔到來到泰國也可以食到咁好味的"港式薑蔥蟹"  (料錢：HKD293)。   炒白菜仔 ~ 搞乜鬼, 連白菜仔都係好味呀!! Honey話好清甜(料錢：HKD21)。   芒果 ~ 酸酸地  (HKD31 另要加切費)。   生日又點能夠無酒飲呢!  美酒部介紹了澳洲White Wine給我們 ~ 好好飲，但一大支，飲唔晒，Honey話要拎走，空運番香港喎！給果拎番酒店, 果晚已經飲晒喇!! (HKD210 另要加開瓶費)...............................................料錢外, 另加烹調費 + 飯2碗 + 水1支 + 開瓶費 + 切生果費 + Tips 

呢餐超級好味Dinner TOTAL : (Baht5181 / HKD1211)

『Seafood Market Restaurant』資料官方網站 : http://www.seafood.co.th/

地址 : 89,Sukhumvit Soi 24(Kasame), Sukhumvit Rd., Klongtoey,Bangkok 10110,Thailand

Tel : 022612071-5, 026611252-9, 022596580-1

開心的時間過得特別快; 今天已是最後一天在泰國了; 有些不捨得, 早上爭取時間, 老公在床上跳呀跳, 把我彈起來! 我們今天在酒店的泳池游水, 這裡有兩個泳池, 一個Garden Pool,  我還是不懂得游水, 縱使老公不放棄的教我. 最後我還是享受趴在他背後, 他向前游, 我則扮游水~好好玩. 回到酒店, 我們執拾行李後才去吃早餐.

最後一天在泰國食早餐也是在SIAM PARAGON, 我選了個冬蔭功海鮮湯麵, 老公要了一個泰國出名的海南雞飯(那不是星加玻嗎 ? 不明白) 他還要多個一個大蝦天婦羅!

之後老公還帶我去吃雪糕, 今次到泰國, 四天裡吃了兩次雪糕, 到了Haagen-Dazs, 我要了一個summer berry (American berry)雪糕而老公要了一個chocolate chip雪糕

吃過後,我們作了最後衝刺, 在gourmet market買未買完的手信, 跟住就回酒店拿行李, 然後check out去機場;

本來想在機場用盡我們剩下的泰珠, 但老公大意的把它們放入了行李內寄倉, 上到飛機, 享受著商務客位的機倉服務員的殷勤和送上來的晚餐, 好滿足; 然後更和老公一起看電影; 好開心, 不過好笑的地方不可以笑出聲... 免得打擾其他乘客.

晚上六時半下了機後, 我們趕回家, 然後便到樓下的海旁看煙花; 這個假期實在太美滿了. 再一次謝謝老公!

20081214 High Tea

時間：3:30pm

地點：Mandarin Oriental Arthur's Lounge



一入到來, 侍應小姐通知,  今日酒店有function,  這裡只能坐到4:30pm。
之前email問駛唔駛預早book位, 覆既只講不設訂座, 無話今天有function, 扣分。



六個人要咗三個Tea Set, 另加三杯drinks。
要咗兩個traditional tea set, 一個thai tea set。
我想飲熱茶, 問侍應小姐有咩推介, 佢推介Oriental Signature Tea。



歎完high tea, 決定遊船河：然後分兩組分道揚鑣：
一組打的前往Asia Herb Association做thai massage。
一組打的前往Siam Paragon續買手信── 士多啤利乾+藍鑽石腰果。

跟住坐BTS返酒店小休。等埋第二組玩完massage返酒店,  集合齊人就打的出去Saladeng食意大利菜。因為驚的士唔識揾路,  我們唔想失散,  六人逼坐一輛的士,  叻！

20081214am 翟道翟亂行

Day 3

落回lobby食早餐。
食完早餐, 返房換衫去游水。
雖然有太陽, d水仍然幾凍吓。

游完水,  換衫集合打的去翟道翟。翟道翟太多出入口, 我們都係六人逼一架的士, 唔好失散呀。逛到肚餓了,  求其揾檔有位就坐低開餐。可惜無樣野好食。原來翟道翟裡面的noodles係唔好味既。

之前我次次都係在BTS行到去的翟道翟入口的noodles檔食fish noodles, 好好味架。

翟道翟行至約3pm, 我地走人去high tea坐下休息lu。 

20081213 Day 2 Evening - CHINA TOWN 狂食

黃昏時分, 由Pullman酒店打的前往Lebua@State Tower。諗住上64/F Sky Bar睇日落飲o野。點知在樓下, 要先交出backpack/ day bag讓酒店職員看管。Sporty Look的袋 (我) 就過唔到關, fashionable look (朋友仔) 就無問題。職員先帶我們上52/F  Freeze睇一睇。

然後上64/F Sky Bar。要飲野才可以拍照。可惜sky bar職員見到我對crocs, 話我唔可以去sky bar喎。我被拒門外。朋友話,  見到有個日本女人著住長裙踢拖反而通行無阻。算數, 唔畀我入,  我地咪省回$$$囉,  唔打算在52/F飲o野, 即走。

打的去china town, 呢個我識泰文點講：「又話啦」。先到林真香入貨+換錢,  人人都話林珍香exchange rate最好。繼而到T&K Seafood吃海鮮。然後轉戰隔離舖：南星, 主為吃翅。揾義福巷食燕窩。仲有下場, 打的去咗Bed Supperclub。我地一組架的士自己走咗去Seafood。 我地唔落車, 佢才送我們來Bed。另一組老友的士車費約80Baht, 我組卻是110Baht。呢個司機好差, 問都唔問聲就車咗我們去唔知哪裡的seafood。賺唔到seafood佣, 都要賺我們多d車費！Bed Supperclub雖然有DJ打碟, 不過音樂唔好聽, 地方細, 好噪, 特色sofabed逼到死,  我完全唔鍾意呢到。呆咗一陣,  終於可以走人, 好o野。打的返酒店。

20081213 am- 參觀Vimanmek Mansion
Day 2

揾笨既, Pullman酒店扮野話upgrade我們的早餐去20/F行政樓層, 點知逼到死。

選擇少, 唔好食, 侍應服務做唔切,  coffee都無畀我。

tripadvisor.com的user comment個個外都讚佢既早餐, 今次酒店自己打爛個招牌。


我覺得Marriot Resort and Spa的早餐才是一流之選。

食過早餐, 去咗pullman duty free行逛 (等一個老友飛過來)。我本來睇中一隻手鐲, 猶豫緊手鐲會否好易畀我撞爛或跌爛之際,老友獻身示範「落地開花富貴榮華」,  我就唔駛再諗啦。

11時多, 老友check-in。大隊出發去Siam Paragon開始佢地的shopping之旅。我離隊自己打的去參觀Vimanmek Mansion。的士127Baht, 入場費100Baht。(原來參觀完大皇宮o黎呢到,  就唔駛入場費)

Vimanmek Mansion是泰皇Rama V住咗幾年的皇宮, 全由golden teak做。我好鍾意睇teak做既原木家俬。進入建築物唔可以著鞋, 內裡不可以映相, 有導遊講解。泰皇Rama V都係崇洋, 內裡家俬主要來自歐洲各地。Elephant Musuem內裡有講點樣才可稱得上是白象。如果我一早揾定資料, 就可以去埋睇白象。唔肯定隔離dusit zoo有無得睇, 不過是日我累了,  唔打算去dusit zoo。

參觀完,  本來諗住打的返酒店。一個伯伯問我坐唔坐電單車,我本來拎頭走咗去,  點知走得幾步, 又走返轉頭。電單車做交通公具......我都心郁郁想試,  伯伯應該唔會飊車啦伯伯都要開工,  咪幫吓手囉。問伯伯去pullman要幾銀,  60baht。我無講價, 即時ok, 只加說要slowly slowly, 要save。伯伯幫我戴頭盔, 不過頭盔幾鬆吓, 唔fit既。我坐上後座搭伯伯膊頭, 不過伯伯將我對手放去佢腰,係喎, 咁樣安全d, 無咁易跌喎。伯伯真係無飊架, 紅燈轉綠燈, 其他後生仔一支箭飊咗去, 伯伯真係慢慢來唔同人鬥快架。到酒店, 我攞咗張100Baht等伯伯找贖, 點知佢攤開晒褲袋, 連40Baht都無呀......我又唔醒水,  真係揾咗60Baht出黎畀伯伯。應該畀100Baht唔駛找呀嘛,  豬！呢個伯伯真的好老實, 我只畀60Baht, 佢都thank you我。

好肚餓, 在酒店附近食noodle。30Baht。不過唔好味既。7-11買益力多返酒店飲。諗住去泳池hea吓, 點知d水超凍, 我要上返水！

黃昏時分,  在酒店等齊大隊, 準備出發去china town。

20081212 Day 1一落機即按摩食法國大餐

6:15am諗住搭788巴士去中環轉機鐵。點知我家樓下要9am才有車喎！站牌無講既！又話6am開始有車！好彩有位好心的師奶話我知o姐！呆等咗20分鐘, 索性搭的士去機鐵站算啦。安心地在中環check-in後, 慢慢搭機鐵都得啦。弟弟畀咗66折voucher我, 搭機鐵有數9am左右起飛。11am到達曼谷。順利地過關, 在機場換少少錢 (exchange rate約4.4)坐public taxi直去Asia Herb Association做Massage。

Asia Herb Association 我揀咗：Oil Body Massage 60分鐘 (600Baht) +Traditional Thai Massage with Herbal ball 90分鐘 (650Baht)泰式草藥球按, 真的好正好正好正！原來我的膊頭+左髀係勁累的, 所以畀佢按到勁酸痛！map: http://www.asiaherbassociation.com/en/shop/index3.htmlprice list: http://www.asiaherbassociation.com/en/shop/index.html

按完即打的去酒店。睇睇錶, 4:30pm！咁我咪遲到！呀！好彩！呢個係香港時間, 泰國時間慢一小時嘛!去到Pullman King Power Hotel, 大隊未到,  我自己check-in先。已經預先提供資料畀check-in counter, 講明我地全部要twin beds, 最好d房集中一齊架啦；等咗一陣, counter話搞點, 一個職員帶我上房, 一輪咀講解酒店設施, 房間設施......職員走咗, 我才發現: why single bed?打電話去counter問個明白......counter搞錯咗, 以為呢間房係twin beds喎！又話係五星級酒店既,  咁都可以搞錯？！仲要家陣無咩客唔繁忙的喎！等一陣, counter覆電, 換房畀我, 不過咁就不能與老友們同一樓層喎。其間, 老友們都check-in啦~都係老友醒目, 最後可以安排大家住在同一樓層。職員小姐帶我去另一間房, 竟然留低舊房門卡在我間新房！即係依家我有三張門卡！不過有一張卡係開唔到呢間房既！五星酒店竟然咁烏龍！

大伙小休之後, 出發去換錢。唔想塞車, 坐BTS去SuperRich銀行換錢。(exchange rate約4.5)行一陣街, 揾路去食法國大餐。行咗45分鐘行錯路咁......最後到達目的地：Aubergine。我無留意佢地有set menu兩款任擇, 否則我可能揀食set。太肚餓啦, 成日未食過一餐 (飛機餐除外), 所以即order頭盆先！分階段落order食物好了。

Aubergine Restaurant, Bar & Terrace  71/1 Sala Daeng Soi 1/1, Silom, Bangrak, Bangkok  Tel : 02-234-2226, Fax : 02-234-2225

我地仲記得舉杯向遙在香港的老友講：生日快樂！食完心滿意足的一餐,  打的回酒店休息。

又是老公先起床, 今天的第一個行程又是找早餐吃, 老公說隨便的找找東西吃, 但他的隨便可不隨便呢, 走過幾條街, 他還未被任何一家的餐廳被吸引, 但我的肚子在發餓, 於是我們便走進了Dunkin' Donuts, 我們要了個牛角包, 他把小米奇放在餐盤上逗我笑~

跟著我們便到翟道翟市場了; 有的朋友會在這裡行兩天, 也有朋友行了不夠一小時便折返; 我們吃了街邊的小吃,大約 HK$1一串的泰式魚蛋; 吃了地道的泰國麵, 買了很多的小飾物和家居品(花樽和假花)再到了翟道翟的"為食街"市場, 也去了Jatujak Plaza, 由十時多行至下午四時;

天氣好熱, 本來我想回酒店先沖涼才再行街, 但是老公提意到Siam Center內的Swensen's雪糕; 我被吸引了; Swensen的坐位好舒服, 坐在窗口位置, 望著Siam Paragon的嘖水池, 吃著雪糕; 所有的倦意都沒有了

晚上, 我們到了Ratchadamri的Tom Yum Thai Restaurant吃最正宗的泰國菜, 要了一個set dinner, 有六道菜, 加一個冬蔭功湯, 一個飯; 吃得飽飽的; 來到泰國才知道自已是好喜愛這個湯;

休息過後便去出發去水門街的夜市; 因為天雨的關係, 這個夜市沒有太多的人; 但我也沒有收穫 (因為裡面的衣服就像旺角的冒牌貨), 不過倒看過什麼叫做A Go Go bar和看過炸草蜢, 禾蟲. 老公說雖然這裡雖然未必買到東西, 但來到泰國都值得一來.

從未試過這麼想賴床, 這天早上是老公先梳洗, 我則縮在羽絨的床舖內; 軟綿綿的. 
在Siam Paragon找早餐吃; 未吃早餐前, 被一種泰式甜品吸引著, 外面香脆, 裡面有煙un, 有原味, 咸味, 粟米味; 在food count內吃了一個魚蛋tom yum湯麵.

便去Siam Ocean World Bangkok, 亞洲最大的水族館, 看見很多古怪得意的魚;

也到了Sanyo 4D X Venture 看立體電影, 這是我們未被列入的一個行程, 但是也是意外的滿意; 這個4D電影讓我最深刻的是一群老鼠在檯底走過;那4D的感覺實在惡佈, 因為我的腳真的感覺到被老鼠尾巴略過, 好真實, 而且維持了很多秒, 小朋友都尖叫著,腳不斷跳著. 看完電影, 便到Siam Centre 逛了逛, 找了一家港人都愛的日本餐廳Zen Japanese Restaurant.我只點了一碗咖哩蝦拉麵, 但老公則點多了兩款小食; 一是他愛吃的天婦羅, 另一是我愛的餃子.

在Central World逛至四時, 然後去我最期待的Big C superstore! 老公笑我這個師奶仔, 去旅都要去超級市場... 不得不介紹這裡的新鮮果汁, 一大杯我們選了三款生果, 只是10珠, 即是HK$2元多...!超抵呀. 買了幾袋的食物, 然後把他們都放入背包裡,

晚上本來打算到一家意大利餐廳Zanotti吃晚飯(guidebook說這是"哥哥"生前最愛的曼谷餐廳), 雖然reserve了, 但最後還是沒有去, 因為我們都不餓, lunch實在吃得好飽; 於是周圍的逛, 在Black Canyon Coffee 內要了一杯檸檬茶, 休息過後逛一逛便去我們做spa的地方, 這是我第一次做spa呀. 本來是想乘的士去的, 但不知道為什麼幾架的士都說不懂去, 最後我們找了一個好人的護衛員, 他除了給我們一張手畫地圖外, 還替我們叫了一架tuk tuk. 終於去到位於Phrom Phong的Let's Relax, 這是一家好口碑的按摩連鎖店; 走了一整天, 到這裡實在太舒服了. 對於第一次做spa的我們, 對這裡的評價都非常高; 我們做了foot massage, body scrub (我和老公都怕癢, 所以都不愛)和香薰按摩 (超舒服, 我們都睡著了)
老公說下次再來泰國, 會做多一次spa, 我舉腳贊成