今次曼谷3日自助遊，目的係慶祝我XX歲生日！

我同Honey決心...要響咁短0既時間裡面，完成以下3個目標 :

1.)    食盡地道泰國美食 ~

        我一定要餐餐飲「冬陰公」 ，要食海鮮。

2.)    SHOPPING ~

        Honey話要買「Q」喎！佢話made in Thailand 的「Q」抵買。

3.)    MASSAGE ~

        日日都要做泰式按摩。

旅程切頭切尾其實只有2天，我無planning過行程呀，只係臨出發前一日，用過半粒鐘時間上網搵料，亦問人借左本旅遊書，去到先至睇啦。

所以呢次 BANGKOK之旅應該會好隨心、隨意，無book定Spa，去到邊食到邊，倦果陣咪附近搵間做個Massage囉！

***希望會發掘到d好野，同大家分享丫！

呢次旅程, 我地係買package0既 (機票+酒店)酒店我地就揀左 "Holiday Inn Bangkok"

貪佢就響空鐵 Chit Lom 站 側邊，出入非常方便，酒店內部亦全部番新過，Lobby、餐廳、房間都好新淨，美中不足就是房間略細了一點。

房裡最搞笑係個"浴室", 有一列全透明玻璃，雖然有木簾，但係控制權唔係浴室裡面果個呀！(kakakaka昅野....必選呢間啦！)平時我住酒店都會有少少驚0架!! (無論幾多星都係咁話)但呢間, 一d驚都無呀, 仲訓得不知幾香甜添喎!

放低行李，第一時間去食Lunch先，盲舂舂行左去酒店對面個商場，ground floor原來有好多間餐廳0架，有唔同地方菜色選擇，我地唔駛諗咁多...目標只有一個 ~ 『泰國菜』。

有喇有喇...Honey首先發現個女侍應好靚女，又係『泰國餐廳』~ 餐廳名 : nara Thai Cuisine，咁就決定食呢間喇！

Honey留意靚女侍應, 而我反而被餐廳很Grand的裝修吸引著, 而且lunch時間己過, 餐廳就只有幾檯客, 對我們香港人來講, 是難得...清清靜靜的一頓飯呢!!黎得泰國, 一定要辣爆佢呀!! (所以我地order...乜都要辣辣辣)臨走...Honey靜雞雞拎住部相機行開左，無耐佢好失望咁走番0黎，原來佢想影果位靚女侍應, 可惜唔見左人！ (kakaka...餐廳剛好換班時闁, 換來全男班侍應, 女侍應唔見晒, 男侍應d制服仲鬼死咁貼身, 俾我著...豬腩肉無所盾形呀) 

Honey去到邊度旅行都好，如果有『水族館』的話，佢一定要參觀，更何況BANGKOK呢間『Siam Ocean World Bangkok』係全東南亞最大添呀！

『水族館』位於『Siam Paragon』 ，呢個被譽為全東南亞面積最大的高級商場裡面。

我地入左個咁巨巨巨大商場, 淨係搵間『水族館』已經覺得唔易la! 結果兜左去 Food court, 又經過個巨型超市, 橫掂路過, 梗係入去睇睇先啦!結果買左即食大蝦：Baht290 / HKD68(連埋袋蝦膏汁, 相信用0黎撈飯, 會正到痺呀)食完野, 就開始逛『水族館』喇!參觀遊客唔算多，都睇得好舒服。      

來到 "觸摸區" , 我終於有機會 摸摸 "海星" ,  第一下掂最大果隻 "麵包海星", 掂左半秒, 就驚到叫左出聲, 因為先前估唔到係乜野感覺, 所以好驚呀!

原來"麵包海星"係硬身0既, 後來, 冷靜番d, 就梗係唔蝕底, 大又摸, 細又摸啦, 仲摸埋條 "海參" 添! 海參軟棉棉, 好滑0架!

離開 "觸摸區", 來到巨巨巨大大大魚缸前, 最受注目當然係 "鯊魚" 啦!!我地就坐在大魚缸前, 欣賞著不同品種的鯊魚游來游去!後來還有潛水員潛入大魚缸的餵魚表演, 魚群差D將潛水員遮蓋晒!睇完鯊魚, 在出口前, 仲發現了一條冰封的 "大八爪魚" ，我地初頭以為係假野，點知發現真係用個大雪櫃雪住佢，再問一問工作人員，先至知係真!

呢條 "大八爪魚" 在紐西蘭發現的, 長3米

原來依家(2007年11月)『水族館』重點推緊呢個 "大八爪魚"展品，門口都有d咁0既擺設, 入場派的小冊子已經大大隻字寫明『MONSTERS OF THE DEEP』 ，袛係我地心急入去睇魚, 無留意0者！

睇完『水族館』，無再逛『Siam Paragon』，因為名店唔0岩我地，於是過左對面『Siam Square』購物區，旅遊書講，呢度係體驗BANGKOK最潮0既地方，仲話有旺角feel，地面有好多舖頭仔，我覺得值得去一去.果然無決定錯呀! 真係有好多潮舖.  嘩...有發現, 呢間叫『Miss Pretty』的朱耳醒舖頭, 成間舖頭都好colourful, 想買乜野顏色0既手飾, 都會搵到, Sales的服務仲好好添!!嘻嘻...我梗係有收獲啦, 我最鐘意 "朱耳醒" 格喇!! 5件 "名貴" 手飾 TOTAL Baht1300 / HKD305  (我覺得好抵呀!!)逛逛下, 又見到一間Boutique的櫥窗display了一條黑色 "飲裙" ，布紋很特別(有d暗格紋)，入去試下先, 可惜只有S碼，側邊拉鏈有1吋拉唔埋。(嗚嗚嗚~~~為何我多了一吋肥肉呀!!)

呢個時候, 大家估下個店員點sell我買呢件唔合身0既裙丫!!

佢叫我 ： No bra呀！！！

(唔係馬...咁開放...梗係唔得啦!)

行到8:00pm，我地d腳骨力已經耗盡喇, 一於歎番個Thai Massage先!!我地路過呢間叫『Siam Relax』的按摩小店, 門面細細，旅遊書亦無介紹，但原來還有二、三樓, 裝修都好掂.個人覺得做 "泰式按摩" 唔同做 "Spa"，"Spa" 應該要地方大，又要有得浸浴，先至好，但做 "泰式按摩" ，呢間我覺環境唔錯, 好舒服。 

10:15pm 做完massage，真係舒服番晒，但我地連dinner都未食, 好多舖頭都收左喇!!好彩, 響Massage附近, 有間泰菜餐廳仍然燈光火猛。

『Ban Khun Mae Thai Cuisine』餐廳 ~ 旅遊書及網站亦有推介 ~ 餐廳有十多年歷史，響BANGKOK十分有名，佢地泰菜十分道地，價錢大眾化，口味亦算接近正宗泰菜，無因為遷就客人而將味道改變，辣就辣，酸就酸。

 入到去，0岩0岩趕得切last order。

 食飽飽...番酒店Zzzzzzz!!

講明是來慶生日, 當然要豪擦一餐, 我愛SEAFOOD, 所以生日大餐, 就來一個"海鮮大餐"了 !!  Honey早做足功課, 帶我來了這間『Seafood Market Restaurant』~~~嘩...下了的士, 第一眼看見, 是一眾廚師在巨大的開放式廚房炒送, 火光團團, 多麼震撼的情景呢!   步進餐廳, 同樣嘩然, 餐廳大得交關, 最叫人興奮的是海鮮區域, 長長的海鮮區, 客人需推著Supermarket車選購海鮮, 除了海鮮之外, 還有蔬菜,水果,酒類, 都是自己親自揀選。

揀好食材之後, 於Casher付錢, 服務員便會把Supermarket車仔推回你的座位, 然後落單, 自己決定煮法 (泰式,中式,港式,東南亞式,炒,蒸, 焗, 炆....等等)。注意 : 料錢之外, 另要加 "烹調費"。講左咁耐...開餐喇

來到泰國, 點甚可以放過每一個飲『冬陰公』的機會呀!! 這個已是這次旅程的第4餐『冬陰公』了, 哈哈!!    很好飲, 因為我們買了蝦仔和蜆仔給廚師烹煮.這裡的『冬陰公』還有一個特別之處, 不是猛加辣油煮成的紅卜卜『冬陰公』, 湯的顏色很清, 但也很辣, 辣中又能飲到海鮮的鮮甜味!!  (料錢：蝦仔 + 蜆仔：HKD102) 。   香煎大虎蝦 ~ 好味到丫....肉爽不特止, 連蝦頭d膏都好甜呀  (料錢：HKD347)。   泰式炒青口 ~  滑到....超好味 (繼西澳之旅食過第二好味的青口)  (料錢：HKD20)。    薑蔥炒新鮮肉蟹 ~ 肉很甜, 估唔到來到泰國也可以食到咁好味的"港式薑蔥蟹"  (料錢：HKD293)。   炒白菜仔 ~ 搞乜鬼, 連白菜仔都係好味呀!! Honey話好清甜(料錢：HKD21)。   芒果 ~ 酸酸地  (HKD31 另要加切費)。   生日又點能夠無酒飲呢!  美酒部介紹了澳洲White Wine給我們 ~ 好好飲，但一大支，飲唔晒，Honey話要拎走，空運番香港喎！給果拎番酒店, 果晚已經飲晒喇!! (HKD210 另要加開瓶費)...............................................料錢外, 另加烹調費 + 飯2碗 + 水1支 + 開瓶費 + 切生果費 + Tips 

呢餐超級好味Dinner TOTAL : (Baht5181 / HKD1211)

『Seafood Market Restaurant』資料官方網站 : http://www.seafood.co.th/

地址 : 89,Sukhumvit Soi 24(Kasame), Sukhumvit Rd., Klongtoey,Bangkok 10110,Thailand

Tel : 022612071-5, 026611252-9, 022596580-1

由酒店 Chit Lom站 搭8個站空鐵就到 Mo chit站，行過 "大公園" 就0黎到『翟道翟Market』，正式展開....4粒鐘身水身汗SHOPPING TIME。 

嘩...裡面大迷宮咁, 真係好大呀!! 有幾大??? 有成80多個足球場大，裡面有過萬小檔口，我地係咁依行左1個圈，都已經覺得好精彩，又平又抵。

除左本地人會0黎呢度執平野之外，我地香港人又點會執輸呢！所以響呢度唔難聽到廣東話的聲音(國語就唔多覺la)。

後記：Honey出名唔鍾意行街0既，而我響香港嘆住冷氣行商場一粒鐘都會話倦；但今日響『翟道翟Market』我地竟然破記錄，響咁熱0既天氣下，曬到熔左咁際，我地奇蹟地繼續逛逛逛，結果逗留左4個鐘，一d都唔覺悶，雖然收獲唔多，但欣賞下d本土貨品，都不知幾咁enjoy！值得一遊！

響 "翟道翟 Market" 行到斷腳咁際，再經番 "大公園"，見到好多泰國人坐響草地上，大人圍埋一齊傾下偈, 食下野, 小朋友就玩下搖搖板, 多麼悠閒的一個週末呢；

我同Honey即刻有樣學樣，響綠油油的草地上攤左大半粒鐘，0抖番一陣, 對腳先至行得番咋！

響草地無無聊聊，咪偷拍一下泰國d "型男靚女" 囉，Honey部大牛龜相機太揚la，唔方便偷拍，影左2張就要收手，唯有我用部機仔代勞啦！

5:45pm再出發, Honey提我, 佢想買『Q』喎! (我梗係記得啦)以下是Honey和我的對話Honey :   記得上次公司出Trip，買果支『Q』，係響酒店附近間百貨公司買0架！

JJ :          咁係邊間 "百貨公司" 呀?

Honey :   唔記得la!

JJ :          咁果次你住邊間酒店呀?

Honey :   都唔記得la!

JJ :         (無佢乎呀)............

諗左一陣~ ~ ~  

Honey :     丫...好似係『Robinson』百貨買0架!

check 番旅遊書， 『Robinson』百貨有2間分店喎！

點算？？？

咪去旅遊書講有 "運動用品" 果間囉！

由酒店 Chit Lom 站 搭7個站空鐵到 Saphan Taksin站，入到去呢間似 "先施" (舊舊0地) 0既『Robinson』

我地第一時間仆去 "運動用品部"，果然真係有『Q』賣呀, d『Q』仲擺出0黎，有支仲劈響地下添！ ~ ~ ~ 支支都花晒、殘晒，問個職員inside仲有無more，佢又話 : no more！

 咁點買得落手呀!!JJ 安慰Honey :  唔緊要啦！仲有聽日半day.....!  聽日再去埋另一間『Robinson』睇囉！又或者其他百貨公司有『Q』賣呢！

 好彩, 呢趟都無白行, 買唔到『Q』0者, Honey都有其他收獲!

離開『Robinson』，就響對面有間舖頭燈光火猛, 原來係『魚翅燕窩店』(忘記了店名)，裡面一個客都無，但真係鬼咁肚餓，所以都係入去食番窩最平0既翅頂下肚先。

食後感 :可能我太肚餓, 覺得個湯底都ok喎! 不過係d "翅碎", (無法啦, 我地揀左最cheap果隻翅嘛!)但最Cheap0既翅都要 HKD117 一窩,  勁唔抵食!

p.s. : 等食期間, 仲見到響舖裡面, 有隻老鼠路過呀! 不過, 一陣間有餐好野補番數 (詳見Day 2 "超回味的海鮮大餐")

我地求其入左『Arbora』 (好在無預約都有得做0者!!可能已經10:45pm喇) 

雖然話都幾夜0下, 但店內客人仍很多, Foot massage的單人大sofa 已經全部滿坐，要等45分鐘，如果上房訓響度做，等15分鐘就可以開始喇！

我地梗係唔想等咁耐啦, 等15分鐘都仲 OK 0既! 於是服務員請我們坐在一旁, 端上薑茶, 換上拖鞋, 用溫水幫我倆浸洗雙腳, 加上店內充滿薄荷味，深呼吸一下，喉嚨也有d涼浸浸，感覺很Relax呢！(後來才發現呢d味, 係由按腳用薄荷膏散發出0黎!)  

果然守時, 唔經唔覺, 這麼舒服的15分鐘過去, 我們被安排上房了！房內有2張床, 還有浴室、廁所。

我選了60分鐘 Foot massage + 30分鐘 熱 herb ball

Honey選了 60分鐘 Foot massage +  30分鐘 按膞

2人合共：Baht990 / HKD232 + tips HKD46(做完已經係零晨12:30)

11月5日 ~ JJ又大一歲la 

希望Honey心目中 ~ 老婆係越老越可愛啦!

零晨1:00番到酒店, 入到房, 都未坐低0者!

Honey：    老婆，你飽唔飽呀？

JJ：           0下...梗係飽啦！

Honey移開身體 ~ ~ ~ ~

我才發現小檯上的三角型生日蛋糕！

呢個時候JJ：  依家餓番晒la！

食完蛋糕，點少得"玩"收禮物呢！(要玩左遊戲, 才有禮物收)

***多謝Honey送呢個旅程俾我，仲有百忙中抽到時間去買禮物！SO SWEET 呀！

"曼谷隨心遊" 最後一日 la，尋晚玩收禮物, 搞到好夜!! 都怪我細時無好好讀書, 英文唔好, 結果好夜至搞掂D砌字, 好夜訓，但今朝都要爭取時間，玩盡佢！

今朝食完早餐, 離開酒店第一件事, 就係要去買『Q』, 酒店附近有間『Central百貨』，雖然裡面 "運動用品部" 好巨大，連潛水野都好齊，但係.....偏偏就無『Q』賣, 唉.......Honey又一次失望添！

『Central百貨』無，打算再去埋另一間響Sala Daeng站『Robinson』，因為Honey話上次出 trip係響『Robinson』買到支『Q』喎！

 結果去到呢間『Robinson』都係買唔到，我開始懷疑 ~ ~ ~ Honey根本上次就唔係響『Robinson』買枝『Q』!離開『Robinson』, Honey提意去 遊船河！

咦...好喎, 遊覽湄南河！坐響隻船度，唔駛行，又可以落船影下佛寺&大皇宮添！

我地搭空鐵3個站去到Saphan taksin站，出閘行3分鐘就到曼谷最重要搭船碼頭『Sathorn Central Pier』 ，但等左一陣，都唔見有船，有d唔妥喎！我地響碼頭周圍行下, 有告示喎 ~ ~ ~ 哎呀呀...今日有幾個碼頭停航呀！0車...無得遊船河添 (雖然告示話可以搭車去某碼頭再轉搭船去佛寺&大皇宮，但熱屎辣辣, 又要騰去唔知邊度, 無晒癮喇！)

於是, 我地離開碼頭, 行出十字路口， 繼續實行我地呢次旅程的宗旨 "隨心遊" ;Honey帶住我, 是旦行左一個方向，諗住搵間地道餐廳食Lunch ;行行下，發覺越來越平民區，d舖頭細間、士多仔又唔開燈，有幾間甚至賣建材添，食店仔好似大排檔咁，我諗食完實痾餐懵0者！

已經遠離遊客區了 ~ ~ ~ 我提出 : 都無野食0既 .....不如番轉頭啦!

但Honey堅持繼續前進，唔番轉頭  .............

無幾耐, 眼前終於出現一間企企理理0既麵店，太好喇!!

付款方法 :

訂金 及 contract fee (簽約後7日內付)：HKD26,600 (即樓價5%)

之後短期內要付 (唔記得幾耐) : HKD57,000 (即樓價10%)

可免息分期付款 ~ 分17個月 (即樓價85%) : HKD28,500 / 月供

每月供款可存入香港的 "盤谷銀行"

地產商提供17個月分期，海外人仕唔可以同銀行做樓宇按揭如果連裝修及傢俬都無時間搞, 可另加HKD35,000, 間屋就會同示範單位一模一樣喇!!

管理費HKD234/月

室內流動車位免費每戶一個 (正呀, 香港係咁就慳唔少la)

地產商可幫業主將單位出租，幫你收埋租，租金約HKD2,300。

點解我哋可以咁清楚?? 

因為職員中有個約60歲UNCLE(相信係最高級)，佢英文好掂囉！

佢咁落力SELL，無以為我地運吉，皆因呢個樓盤已有成100個都係海外買家(6分1喎)。

食完 雞飯，行番出Saphan Taksin空鐵站途中，經過消防局......

Honey叫我睇下裡面個大隻消防員 (又真係好大隻喎)

大隻消防員見到我地眼望望，就回敬番個微笑 (好nice呀)

哎呀...唔好阻住消防哥哥做野呀!! 正當慢步離開之際，另一個消防員叫住我地.........

佢話幫我地同架消防車影相喎！ (真係友善喇)

影完相，佢仲邀請我地入去裡面，戴消防帽、著衫影相添。

我地邊好意思打搞咁耐丫，無入去玩 la！離開 消防局，差唔多行番出空鐵站，途經一間好大0既寺 ~『龍船寺』

 入去行左一圈，影下相，熱到我死死下，走人lu！

(因為4:00pm要番到酒店拎番d行李出機場la，今日搭7:10pm班機番HONG KONG！)

搭空鐵番到 Chit Lom站 (番酒店)，見仲有些少時間，去『Central百貨』超市部買d信手俾屋企人 & 同事先。

超市shopping時間 : 只有15分鐘我買左D糖做手信, 仲有買左生果上機食!

4:20pm由酒店坐TAXI出機場，好順利，無塞車，半個鐘頭車程，4:50pm就去到機場 ;

過埋海關，又再買手信(因為超市D糖唔夠派0架)，Honey 就唔願行la，嗌住要Foot massage!!怕左佢呀...GOGOGO 啦 

不過, 機場做FOOT MASSAGE真係貴好多呀 (唔抵)

雖然話唔抵, 但當我見到Honey個攰樣, 貴都照做丫!!嘻嘻...我地真係達成 "0黎曼谷日日做 massage" 0既願望 la！YEAH~ ~ ~

10:50pm降落香港機場，11:55pm番到 Home Sweet Home！

"曼谷3天隨心遊" 完滿結束, 多謝大家收看!