依然都係瞓到十點幾十一點....起身後先到m記食了個午餐...泰國m記既餐同香港有少少唔同, 所以我地都點了平時香港食唔到的餐...

食飽先到Sanhan Khwai逛逛, 因為酒店職員同我地講呢個地方有較多頭盔款. 而且Honey今次泰遊主要目的要買三個頭盔, 所以我地必須去一去..

行了好幾間鋪, 結果得個吉, 最後我地決定要Carefour走走. 到家樂福前, 我地到了Tesco 的Food court食了個類似青口燒餅. 感覺一般, 之後有個好心的當地導遊見到我地好似唔多識路去家樂福, 就走黎幫我地..真係好心喇^^

到了家樂福, 眼見比之前更少款色, 幸好Honey都買左一個鍾意既^^. 由於此行佢必須要買三個, 所以...我地都係返回Sanhan Khwai 再shop過...第二次返呢個地方, 終於買到另外兩個了...

夜晚去Central World行Naraya. 我地竟然用了差唔多45分鐘去掃Naraya既野..玩到成九半先離開, 收鑊相當豐富

之後周圍走走, 街邊小食, 街邊飾物無一放過.

再一次到Night Bazzar, 今次試了意大利菜. 好貴, 但都幾好味的~~

由於酒店無包餐既關係, 我地瞓到十點多先起身..今日行程不再只有shopping了...

先到Big C Food court食左魚旦粉, 好好味, 但好辣.

食完野第一次坐BTS train.到了Saphan Taksin, 因為打算坐船遊湄南河. 其實我地都已經遊過湄南河的, 不過見湄南河兩邊有好多景點可以一去, 所以都係再去一次.. 到碼頭後先買票再等落船.

全程大約三十分鐘. 到了Khao San Road我地決定落船走走. 感覺好似芭堤雅的.而且都好多野睇喔...本想去皇宮的, 可惜去到已經閂左...後來有個泰國人好心問我地想去邊, 仲幫我地叫Tun Tun帶我地去Bo Wonni Wei, 同Wat Saket. 雖然無乜特別野睇, 但總好過無無聊聊唔知做乜啦~之後返回碼頭搭船返起點

由於book了Baiyoke Sky Hotel 內82樓的Crystal Grill buffet, 所以我地都無再去其他地方, 先去食buffet..餐廳內有有走埋黎唱歌, 又有人幫我地影相, free架喎~~都幾好呀~!

食飽, 去了77樓攞相同周圍逛逛.之後就返酒店休息了.

第二日感覺有返少少景點...較似旅行的一天

一大早四點多就起床喇..只係瞓了兩三個小時, 但精神還可以啊~!! 可能有得去玩心情唔同點吧~~六半已到達機場, 我同Honey先去check in,寄行李後就去大家樂食個quick breakfast.

食完早餐已經差不多時候了, 登機後, 發覺並不是太多人..心情又興奮又緊張... 好快就到達曼谷了...^^... 出境後, 第一件事去洗手間換衫...由冬裝變夏裝..氣溫相差十多度, 有點不慣, 但都非常樂意去接受呢個轉變, 因為去旅行實在太開心了

之後按計劃先上airport express到市區再到酒店check in. 大約45分鐘車程到達市中心, 可惜要多等一個多小時才能上房. 唯有先到旁邊的Big C 逛逛, 食個Lunch~ 到左Food court, 先找了一間較地道的餐廳, 點了三個餸, 雖然辣, 但又的確好好味喎...食完地道野, 又係時候食我至愛既冬甩...

食飽剛好夠鐘上房. 先將行李安頓好休息一會再到周圍走走.先到Siam Paragon 幫朋友買了message oil等等..再到MBK Centre逛逛..又食了冬甩...食完再逛..之後又係食.今次終於食到之前一直想試的Mont 的包包了.

夜晚, 到了Night Bazzar逛夜市. 第一次坐Tun Tun去, 感覺好特別. 不過確係較危險的...到了夜市第一件事又係食...去了Trandition Thai Puppot Theater食dinner...嘩..呢間真係好好味...值得一試喔...食完飯, 逛了夜市就完成一天行程了.

總括, 全日行程大部份時間係食食食食食....全日未肚餓過...

今次旅遊最主要去曼谷同芭提雅,芭提雅住4日,曼谷兩日
享盡陽光與海灘,對住個海唔洗諗野,簡直係一大樂事
每日面對住工作咁沉重既壓力,有時候都要休息吓

今次既行程係去曼谷芭提雅7日遊
Day 1 乘坐CX713 早上８：５５機由香港前往曼谷準時10:35分到達曼谷，臨去曼谷前一日已經係網上BOOK左BELL SERVICE由曼谷機場PICK UP送到芭提雅酒店，到左芭提雅BELL SERVICE既OFFICE(其實位置就係芭提雅既BUS TERMINAL個度再轉VAN接送到當地芭提雅酒店,全程個半鐘由機場到酒店Total:200bath，Day 1－２住HARD ROCK PATTAYA HOTEL,到左酒店已經４點幾，之後係酒店休息左一陣就去炳嫂度唱錢，網上ｄFANS話個RATE好ｄ喎，一場嚟到咁就要見芭提雅大名頂頂既炳嫂同炳叔啦，上次去曼谷驚污漕所以唔敢食街邊野，今次直頭豁出去，帶定哂藥，食盡所有大排檔，睇吓死唔死得

Day 2一早起身，坐兩排車泰文又稱"爽條"到PIER再轉街渡到格蘭島KOH LARN ISLAND既TAWAEN BEACH其實由HARD ROCK PATTAYA HOTEL到PIER全程只不過係20bath，可能因為我地唔識問佢價，佢就開成100 bath/person，唔知就緊係照比啦，回程既時候問返同車既泰國人先知比人左搵笨，由PATTAYA到格蘭島坐船全程大約40分鐘，到左格蘭島要再轉爽條20bath到TAWAEN BEACH，不過後嚟去到TAWAEN BEACH先發現原來係有船由PATTAYA直到TAWAEN BEACH重唔洗轉爽條添呀，又笨一次，TAWAEN BEACH真係好靚，ｄ水又清ｄ沙又細，好似可以做磨沙咁滑，海天一色，唔怪之得ｄ人咁鍾意泰國，重可以每年嚟一次啦，ｄ野食又平又好味，ＳＰＡ又正，陽光與海灘，死啦諗諗吓又想去添
中午係沙灘傍邊既食市食左個冬陰公湯同泰式炒粉，味道都ＯＫ既，之後再坐返3點船返PATTAYA，休息一陣再去CENTRAL FESTIVAL既PEPPER LUCH度食DINNER

係TAWAEN BEACH發生左一件不愉快事件,有個女人識講小小普通話突然走埋嚟幫你按摩,重同你講話唔緊要,結果同你修埋手甲跟住話收200bath,見佢都好似無咩嘢,就比佢繼續整,跟住重修埋腳甲,到佢完成左之後佢突然同你講話收600bath,按摩200bath,修手甲200bath,修腳甲200bath, Total :600bath,跟住態度突變點埋煙邊食邊話我地慢慢講,好似癩死唔走,跟住我地話淨係比200bath,佢都唔肯,後來我個friend講到話比300bath,不過我唔肯,我講係佢最先開200bath, 200bath就比,佢開頭都唔肯,後來我話我會係網上公開佢地既惡行,佢地連生意都無得做,之後佢先肯收,即時個日咩野心情都無哂 

Day 3因為今日要搬去North Pattaya 既ASIAWAN酒店所以唔洗咁早起身訓到9點幾,跟住落去酒店泳池游番轉水哂吓太陽先再慢慢check out再去食lunch.食完lunch再番酒店攞番d行李再坐爽條直去ASIAWAN,其實今日無咩行程,只係係酒店游吓水再join個LOCAL團聽日去真理寺（The Sanctuary of Truth）本來每人650bath比我講價到600bath/person

住係ASIAWAN其實一ｄ都唔方便因為地點好偏僻，重要係無爽條到既，如果唔叫包車係無車會入去既，所以佢有自己既SHUTTLE BUS由HOTEL去BIG C開出時間（10-21點每個鐘頭一班），而由BIG C返酒店只得(18:15, 19:15, 20:15, 21:15)，所有SHUTTLE BUS圴要預先預約攞TICKET．因為爽條人數有限，不過坐咁多次都未識過滿座，可能ｄ人見唔方便就叫酒店幫忙訂包車，我未試過坐包車所以唔知大約幾錢，不過本人覺得如果係嚟得渡假唔係咁趕時間既話間唔時放慢吓節奏都唔錯架

Day 4　今日join左個local團去真理寺(The Sanctuary of Truth),整棟真理寺全是由木材建造而成,寺廟四面正面的屋頂採大城府時期式的建築風格,而呢個行程既特色就係有海豚表演,表演完畢後只要付出40bath你就可以同海豚shake hand Or KISS,好平架,整個團完成左佢地會包埋車送你返酒店,返到酒店後book左shuttle bus去lex's relex做herbal massage大約兩小時,不過呢度既massage本人覺得唔太舒服只係好一般,晚餐去左BIC C 對面個間頌塞餐廳食飯,不過一D都唔好味,D蝦餅唔新鮮,重有D臭味,椰青唔甜又唔好飲,泰式炒粉好一般,哂左個QUOTA食好野添

Day 5早上食完早餐再去泳池游水就坐車出BUS TERMINAL坐12:40分大巴出返BANGKOK,到BANGKOK已經兩點幾,於是爭取時間去睸南河坐船遊覽再落台唐人街食飯同買手信,唐人街D大排檔野食真係好正好美味,我地叫左個炒粉,湯粉,同泰式沙律,比起之前係PATTAYA好食好多,食完之後再去林真香買手信,再步行到火車站塔地鐵返落SIAM去行商場,行到十點幾就返酒店休息

Day 6之前網上BOOK左一個LOCAL TOUR去Damnoen Saduak Floating Market, 早上6:30AM 到酒店PICK UP7:00AM到KAO ＳＨＡＮ　ＲＯＡＤ　ＪＯＩＮ埋其他人向Damnoen Saduak Floating Market出發，車程大約個半鐘，係間屋既前面突然停車叫我地全部人落車，原來穿過暑屋出面已經係條河，Ｄ河水重好污濁添，無幾耐有條船泊埋嚟，於是個司機叫我地上船，落船個吓唔可以咁大力，如果唔係成架船反轉都有份，好驚！！！
遊船河大約１個鐘，坐船有９９％係遊客，不停有船係你傍邊售價食品及各類精品，之後有１個鐘頭自由活動，於是我地就去左食碗湯粉同飲左個椰青，個椰青好新鮮，好味到不得了，於是再嚟多個，勁滿足！！跟住行吓行吓見到有梆子雪糕，嘩！！不知幾好味，ＶＥＲＹ　ＧＯＯＤ！！
之後個司機就車我地返去ＫＡＯ  SHAN ROAD解散.跟住再去Chatuchak Weekend Market不過個日係星期五,無咩野睇,行左一陣再返去SIAM 逛商場

Day 7 好唔捨得又要BACK TO HK啦

Bangkok Marriott Resort & Spa 酒店內的知名品牌的日式鐵板燒連鎖店BENIHANA