第一天

行到MBK我地就去左Mont食多士， 18-20 Baht一件，本來我地只係叫左2件多士、一杯凍朱咕力和咖啡，但D多士真係超好味，我覺得D麵包好軟身，D醬汁微暖，所以同香港的唔同，而今次去仲多左粟米湯味添，不過我都係鍾意綠色個隻咖吔醬多D，所以最後又叫多2件。

Shopping完一輪，返酒店換件衫，就想去Silom的Zanotti食晚飯，由於當晚D位full晒，個waitress就介紹我地去對面個間Vino，佢話係佢地的分店，D食物都是一樣，我地都覺得ok，到左後發現室內又係full左，唯有坐室外，其實坐出面真係唔好，D貓行來行去，又有蚊。我地點左Zanotti pizza、凱撒沙律、羊腿，再加2杯果汁， pizza很脆口，D羊肉好淋唔羶，非常好味，份量多到食唔晒，盛惠1600Baht。

第二天

回到酒店成個人都好精神，仲想搵地方去下，於是上左酒店頂樓的露天餐廳Red Sky，氣氛浪漫，好適合談心，但夜景始終唔及香港，每人飲左一杯cocktail，睇睇下覺得悶悶地就走，加埋唔使$100。

在林珍香老舖買完食野同手信，搭tuk tuk 回酒店(因為的士拒載) ，講價後80Baht，放底戰利品便到Central world，因為逢星期五Central World門外有青年攤檔，不過梗係要tea 一tea先啦！最後在Isetan內發現Jim Thompson cafe，價錢和Starbucks差不多，但環境、服務、賣相都比Starbucks好得多。

星期六當然不二之選是去翟道翟，真係熱到飛起，亞妹話以後都唔去，離開翟道翟，到了對面街市行了一圈，都幾有特式，非常乾淨整齊，也有很多新鮮水果可以買。

最後一天，只想到附近走走，之前都有想過去文華或半島high tea，不過都無去到，經過Siam Paragon的supermarket，竟然見到文華的cake shop，即刻入去試試，我order左個promotion，一杯咖啡+一件blueberry cheese cake，160 Baht超抵，亞妹order一杯咖啡 & 一件 cake， 210 Baht，非常好味！！

食完就回酒店搭的士到機場，司機好好，只收我25 Baht highway fee，total 300Baht，佢問我「20 Baht tips?」，我見佢咁老實，就比多20 Baht做tips。在機場最後還買了兩個芒果糯米飯，每個150 Baht，才施施然上機。