由池袋去上野只要12mins, 車$ 190yen, 一出jr過一條好大既馬路入去行一陣就見ame橫架嘞!馬路對面有間好大既玩具鋪呢~

本來我地想去"蟹道樂"食lunch, 不過因為4點要去到博物館, 而出到上野已經1點多, 為左爭取時間行街街, 唯有放棄啦~ 行行下ame橫見到書上介紹既魚生飯"魚河岸", 仲有幾個人排隊呢! 我地就衝入去食個quick lunch啦~
食完先正式開始行, ame橫2邊有多野食賣, 賣既野有d似上環既海味店呢~ 有好多蝦乾同紫菜, 另外好多大包小包既燒米餅~ 行下行下又見到一串串既生果, 以為係書上介紹既百果園, 又即刻買左2串黎食呢~ 買完先知原來隔離先係百果園 不過都幾好食...菠蘿好甜呢! 推介呀!

書上話"二木の菓子" (營業時間約 10:00~19:00) d零食比出面平, 我地就搵呢間店啦! 點知行左去下一個jr站- 御徒町站都唔見, 原來已經行過左呢~ 二和果子店o向橫街度, 我覺得有少少難搵呀~ 好彩一問就識去呢! 佢店舖好大呀! 入到去真係有好多野食呢~ 除左零食外仲有各款罐頭呀, 麵呀, 一樽樽既汁料呀...總之就成個吉之島敢啦!! 不過好迫...又多人~ 入面聽到有香港人買野tim! 呢間店都有燒米餅呀! 好似仲平過出面2邊既街邊當tim! 好多野都想買呀!!!! 不過因為之後仲要去行街...所以唔敢買太多, 2人都係買左2千幾yen就走嘞 ~