離開野宮神社後，在商店街閒逛了一會
走進了京都最出名的面油紙專門店よーじゃ
買了點手信，還有些紅葉期間限定貨品@@"

走了很多路，肚子也餓翻了
路邊的抹茶軟雪糕雖然吸引...
但此時此刻我更需要熱食！！

就在此時，被我發現了一條人龍...香味為之撲鼻
是即時點即時製的可樂餅
熱騰騰的太吸引了，即時點了一個溫暖一下肚子!!
現炸的可樂餅外層鬆脆，入口時有點熱燙...
揮發著濃郁的薯仔香味~~~~幸せね >3<
(期後發現其他店家的可樂餅賣得比較貴)

咬著可樂餅慢慢走到河邊看小朋友垂釣...
不知不覺已入黑了，係時間向嵐山說聲bye bye
嵐山．真是太美了 T.T

因為餐廳位於酒店附近關係, 所以經過了呢間餐廳幾次, 今次終於決定一試.

坐低後, 侍應先遞上menu, 雖然不懂日文, 但睇圖都明白, 大致知道呢間係一間食炸豬扒的專門店. 我倆點了一份炸豬扒定食同一份炸豬扒/炸蠔定食. 之後侍應送上一個碗, 裡面有些芝麻另外有一條支木條. 大鄉理的我倆跟本不知有什麼用途, 唯有偷偷觀察旁邊的日本人點做! 最後發現原來大家會將芝麻磨爛, 之後淋上豉油再點豬扒一齊食的. 當然我倆都有樣學樣啦~

炸豬扒定食先送上, 眼前的炸豬扒真的很吸引. 炸得金黃色而且香氣十足! 豬扒沒多餘肥膏, 咬落非

日本人真的好有禮貌, 雖然溝通上有點障礙, 但他們都落力表逹! 真的佩服!

沿路上聽著神社演奏著的音樂~~慢慢行進料理旅館街
係時間醫醫肚，街上的店多的是...花多眼亂
最後就入左位於貴船川旁的栃喜久用膳！

在夏天的時間，貴船一樣熱鬧
川床料理往往受到追捧，可以在河川上席地而食幾咁寫意
可惜冬天並沒有這種享受，但京都的料理依然吸引！
我點了一個鞍馬御膳....御膳的意思不太清楚
總之也是日本料理的一種吧

店員穿著正式的和服為客人服務，奉上一壺熱茶~~正合我心意
上餐了....御膳好似幅圖畫一樣，裝飾得好別緻
放上一片片新鮮的紅葉，可見廚師的用心 ^^
味道較淡，全因日本人不想食物的本味被蓋過...
看似份量不多的一餐，吃完還真撐得上心口了...haha

到東京, 一般我選 Keio Plaza, Premier 那邊, 地點周圍熟悉, 房間又番新過.
但今次買 package, 唔知點解貴多成仟銀付加費, 比較過決定花多幾舊, 試下 four seasons.
這間 four seasons 是在叫椿山莊的地方旁邊, 不是東京JR旁較high個間.
去website睇過, 有相當古典氣氛, 我鍾意.

最初, 交通接駁是我唯一擔心地方. 因為不是在車站旁.
後來知道機場巴士有點對點服務, 來回6000日元, 送兩日地鐵 1day pass.
單程兩小時車程, 唔趕時間睇下風景亦不錯.

到達後發覺交通並不是問題. 酒店門口 / 車站回程, 一定有的士等你.
步行落山到地鐵站10分鐘.
710yen 不跳表三分鐘就去到江戶川穚地鐵站, +10分鐘車程到池袋.
890yen 五分鐘到目白JR, 去東京全部旅遊點都幾方便.
唔介意花一點的士錢, 其實還比住新宿行少D路.

酒店環境, 影左D相大家睇睇.
SPA裏面有小温泉浴, 有室內泳池, 免費.
旁邊是花園, 話有紅葉睇.
包早餐在酒店內日本或意大利餐廳, 食物及環境很不錯.
但見頗多人是叫room service 早餐, 賣相雅緻.

溫馨提示, 酒店出入人仕衣著都幾formal, 與拖鞋短褲有點格格不入.
兩晚都有日本人結婚party.

Package 價自已覺得ok, 但未必會再來.
從今開始想每次試不同靚酒店, 人總是多心的.

10月26日，星期一晚上，是今次日本美食遊的高潮，訂好了往米芝蓮三星的和食店銀座小十。

 這間小店，老板兼大廚奧田透，看來頗年青，會說簡單英語介紹食物。店內一排 counter 可坐六名客人，另有二間個室每間各可坐四人。他們每晚有兩輪分別為6點和8點半，我訂到的是8點半。除了我，另外四人都是日本人，有一座位空着。

坐下後，奧田師傅先送上他的名片，親自打點安排飲品等。

第一道冷前菜是用蟹肉加點海帶和用肉汁做的啫哩，畧帶酸甜，奧田師傅用英語解釋個肉汁但可惜我聽唔明。

 跟著另一冷菜是鮑魚條下面是豆容，鮑魚味不濃，個D豆容撈咗D嘢幾好味。

 跟著來一碗熱湯，裏面有一個用蝦肉和魚肉打成的球，最特別係上面放了兩條檸檬皮切的絲，食一啖蝦球食小小檸檬皮，好正的配合。

 跟著係魚生 : 有D 白魚 (佢話係 seabeam)、toro、魚皮等。佢地介紹吃白魚刺身時點小小鹽而吃toro 才點豉油和 wasabi。味道普通，只是觀看奧田師傅表現刀功在魚片上切紋。

 然後係主菜：燒 Hamo (應該係鱔)和燒日本鰻魚。在師傅工作台的一邊是一個炭火燒烤爐，但一直看不到聞不到煙，犀利，如果不是這個菜跟本沒有注意到有個正在燒烤的炭爐。個鱔卷成一球中間包了菇，最初以為是燒洋葱，真係大鄉里。奧田師傅切好，把鱔放在左邊鰻魚放在右邊，並在上面放上各種伴碟包掂兩片頁，一紅一綠。個鱔比較乾味道一般。個鰻魚就正囉，攞出嚟己經香氣滿室，好好味。

 跟著係鱔球湯和鱔球粥，奧田師傅說 hamo在夏天到秋天是「當造」。

 甜品係提子和梨粒造的啫哩，普普通通。

 這次首次吃日本三星店，印象深刻：

 (一)全餐都係海鮮，主要係時令的魚。奧田師傅說每晚的menu都不同！

(二)有無其他三星店，大廚就在你面前親手做每道菜、詳細講解？

(三)他很有心思用好各種伴碟材料，而不會係咁淋醬汁。