呢間酒店有好有壞啦...首先講下好處...

好處:
1.因為08年開..所有設備都好新..包括裝修都係較in..房間好乾淨..
2.員工都可以用英文溝通..比起其他酒店算不錯喇~~
3.酒店下面就有lawson同埋對面有間supermarket..
   超方便..肚餓就可以落去買個宵夜...而且supermarket買o既零食比出面平..
4.酒店隔離就係副都心線..所以去池袋/原宿/涉谷係超方便..
   特別去完池袋/原宿/涉谷shopping..行到累/買左好多野..
   因為一定會有位坐...而且仲可以一個人坐曬成排位tim呢..

壞處:
1. 因為有醫院o係酒店附近...所以如果住近街o既房..每晚有機會聽到"bi bu bi bu"聲
2. 房間不算太小..但係可以放個旅行箱o既位有限..只係走廊位剛剛好放到...
3. 雖然隔離就係地鐵..但係行去shinjuku JR站要13-15mins...

不過一分錢一分貨...如果唔介意行去JR站要15mins..
其實都冇乜太大問題..因為至少呢間酒店係好乾淨..
試過住其他同級但較舊的..真係有點唔舒服..becoz俾人o既感覺好污糟..

蟹道樂係去到日本一定必食..因為唔食一定會後悔...
兩個人嗌了一個set..再加幾款蟹小食..total 9000yen..
不過真係物超所值...好味到不能有文字形容...
所以第一日食完..決定臨走o個日都要再食...
因為返到香港就食唔到嫁喇~~
一個set入面有:
蟹肉湯+前菜+熟松葉蟹蟹腳+蟹腳Sashimi+蟹飯煲+芝士焗蟹肉+炸蟹腳+蟹肉蒸旦+甜品
然後我地再嗌左個燒蟹蚶+雪糕形的蟹膏
每道菜都好好食...

一set入面:
[熟松葉蟹蟹腳] 刮d蟹肉出黎..好多汁..好有肉味
[蟹腳Sashimi]最好食係呢個..肉超甜..好味到唔識形容..而且好易就起曬整條蟹肉出黎...真係香港食不到的新鮮...I LOVE IT!!!
[蟹飯煲] d飯索曬d蟹汁&蟹味..而且有d蟹肉碎o係飯度..淨係食d飯已經好足夠..唔駛加任何野黎送飯..而且一粒粒o既珍珠米好煙甄..
[芝士焗蟹肉] 白汁芝士焗蟹肉..不過芝士蓋左蟹肉味..但係都ok...因為芝士係扯住咁唔斷的
[炸蟹腳]原隻去炸..好多肉汁..啖啖肉..不過會覺得sashimi仲好食=]
[蟹肉蒸旦]好足料...不過比起其他就冇乜特別
[甜品]有雪糕/糯米磁選擇..

另外再嗌o既:
[燒蟹蚶]用燒o既整法好香...蟹蚶啖啖肉..好味!
[雪糕形的蟹膏] 好濃味...食完一啖d甘香仲留o係口入面..雖然膽固醇gum高..但係我都願意短幾年命...