去到台北，都想食呢間。呢間野都算幾多人，可能係星期六既關係啦，而我地三個就
叫左兩個餐同一個小食。

炸雞沙律:呢個就無乜特別既，只係炸雞好香脆可口，多汁又juicy。而沙律都幾新鮮
架。
泰式雞扒蛋包飯:個汁好好味，酸酸地幾好食。而雞扒都唔錯，好juicy。而蛋包飯既
蛋就好滑好好味。
漢堡扒鐵板餐:漢堡扒好有牛味，juicy可口。而伴菜既薯條雖然無乜特別，但新鮮炸
起，好辣口呀。而個芝士通粉又幾正，有幾粒小蝦同芝士味好濃。
綠茶latte:；完全唔似飲latte，好似只係飲緊綠茶鮮奶。
緣茶紅豆新地:無乜特別既。都幾好食，紅豆夠淋同個新地幾好食。

好想有下次，服務唔錯。野食又幾好食。想彈既係，上菜速度太快，都唔知食得邊樣
好。

行101大樓，唔知食乜好，就美食廣場解決啦。唔知點解好想食
叻沙，就黎呢間試下啦。

雞肉叻沙:個湯底都唔算太濃，不過都算幾多料既。有豆腐卜、大大
塊既雞肉。而雞肉都算幾新鮮，米粉既份量算幾多，真係食到好飽
呀。

唔知仲有無下次啦。

除左食叻沙之外，都有食其他野既。順便食埋個牛肉麵，不過
我覺得個味道唔太好食。始終個麵都唔夠淋，同牛肉唔夠新
鮮。真係唔算太好食呀。

呢間本來想第一日入去食，點知佢地話要六點等到八點。無法啦，就唯有第
二日先黎啦。不過就要五點黎到，可見呢間火鍋店既人氣。

呢間火鍋點可以任選三種極品牛肉、半肉。仲有好多好多既自助配料，湯底
就有兩個選擇。我地要左麻辣湯同膠原蛋白鍋，麻辣鍋就唔錯既，香得黎又
唔會剩係得個辣字。好正，而膠原蛋白鍋就無乜特別既。而牛肉就好新鮮，
味道當然唔錯啦。

最吸引我既都係Haagen-Dazs同Movenpick雪糕任食。每隻牌子有八種
口味。可能打邊爐唔係食得太多野，我居然一次過食到十六隻味既雪糕，真
係好神奇。

呢間實有下次，因為太好食同太抵食。香港都唔知邊度搵到。

上完101之後，有小小肚餓就黎呢度食下午茶。呢間個環境都唔錯既
，感覺好舒服。

千層雪糕蛋糕:味道都唔錯，好大舊架。而且好香草莓味，而舊雪糕
都算幾好食既。我覺得個雲呢拿味重左小小，不過好我口味。

行過呢頭，唔知點解比呢間野吸引左。呢間又係食炸雞，呢個時刻又唔
算太多人等既。

炸雞:都算唔錯既，肉質鮮嫩，相當juicy。

到台北點都會去呢度，呢度除左好多野食之外。仲有好多商舖比你行
，真係行足一日都唔完呀。最好睇既係上89層既觀光台，真係好正，
可以睇哂整個台北既景致。