第一次搭夜機, 上到飛機基本上都係瞓, 瞓同瞓.....第二朝當地時間十點多到達adelaide機場, 見未夠鐘再上機所以周圍行...但原來只得一兩間鋪頭行...大約下午兩點就到melbourne, 搭skybus去市中心等Honey阿妹去pickup我地. 之後返到apartment, 換件衫洗個面就出去食飯

去了crown賭場下面的西餐廳食牛扒...唔錯唔錯!!! 之後同Honey再周圍行下, 十點多返去休息...

可惜...雖然時間只有三個鐘, 但我就係瞓唔著....結果差唔多兩點先瞓....haha.....

第二日好早起身呢!!! 因為係Honey妹妹結婚既大日子....只瞓左五個鐘既我, 當然唔夠瞓, 但平時有足夠唔夠瞓既訓練, 所以都ok呢!!

大約十點, 新郎到左留下, 但新娘仲未化好妝, 姊妹們唯有去拖廷時間.. 十一點左右就正式接新娘喇....好登對既一對couple!! 完成儀式後就出發影相.

下午去左colin street既church行禮... 成個過程唔算好感動, 但好登一對新人開心... ^^

夜晚去左 Brighton, 一個西式既婚宴.... 咁多道菜都好好味呢!!

第三日一早起身整裝待發, 先yering紅酒區...算係第一個正正式式melbourne既景點...雖然我對飲酒無乜興趣, 但個度既環境真係好正呢...o係香港無乜機會見到一塊咁大咁多牛既草原呢!!

食過lunch後, 再出發到動物園...本來仲諗住可以抱樹熊, 實現我我樹熊攬樹熊攬樹既願望...但最後都係無得抱..>< 好彩可以摸下袋鼠做補償囉!!

由於係最後一日我同Honey留o係melbourne, 所以我地爭取時間食完飯揸車周圍行下...

沿途風景真係好靚, 真係好大自然呢!!!我地既第一站係port aruthur (亞瑟港), 呢個景點係tasmania一個必到地方, 真係勁勁勁勁勁靚!!! 我地join左個tour(其實入場費已包), 介紹下呢個監獄既歷史由來...大約一個鐘左右就自由喇..haha..更係勁影相啦~!!

以我呢個咁鍾意影相既人黎講, 呢度真係可以影足一張2gb sd card!! 不過我地都要留返d memory之後個幾日啦~haha~

食過quick lunch後都已經兩三點lu, 之後就周圍遊下, 唔覺意經過tasman arch, 雖然只係一個拱門, 但加埋好藍既海水, 真係幾靚下!!! 留左一陣再唔覺意經過tasman national park既其中一部份, 當然又係落車影相啦~!! haha!!

夜晚大約七點, 去左elizabeth pier 旁邊既餐廳食晚飯...Honey叫左半打生蠔, 我本來唔食蠔的, 但俾佢極力推介下, 試左一隻...都唔試特別反感....但佢就話超正囉.haha~ 之後仲叫左flathead, 同埋炸帶子.... 食飽飽honey係度餵海鷗但俾人串...所以..下次唔好喇^^

大約八點幾太陽先落山, 我地就去woolworth買少少野返酒店lu~

今日行程豐富!! 起身後先到huon valley坐jet boat! 坐完船, 之後我地去行tahune airwalk..途中經過好多農場, 有好多好多牛牛同羊羊...經過其中一個農場時, 我地落車影相, 有四隻牛就望住我地同架車望到實..haha~~因為...我地架車係紅色架~!!!!

之後繼續向tahune airwalk出發... 其實呢個係一個森林公園, 公園裡面有條係半空既橋...行到盡頭就會睇到huon river既風景...當然又係好靚啦~^^

行完本來今日既行程都差唔多, 但見太陽未落山, 我地當然去一d唔會閂門既景點啦. 所以去左mt. wellington.

返落山後去左salamana st一間叫smolt既餐廳食dinner, 呢間餐廳Honey話出名食三文魚喎, 所以我更係叫三文魚啦^^ 又真係勁好味喎!!!! 食完飯太陽仲未落山..

第一站係cascade brewery啤酒廠... 不過最吸引我既竟然唔係呢個景點, 而係裡面既一隻貓貓.....隻貓貓真係好得意, 又唔驚人, 仲鍾意同人玩tim! 尤其摸佢下巴仔, 佢會好冧咁樣瞓覺....真係超鍾意佢呢!!

去完啤酒廠, 我地去返市中心食big breakfast, 呢一餐係咁多日最好食既早餐呢!! 食飽飽出發去cadbury factory... 好開心呀~因為我鍾意食朱古力架嘛..haha,見到咁多朱古力, 真係流晒口水..但唯一失望既係, 原來無得參觀朱古力製造過程既 >< 我地買左兩大袋朱古力返黎諗住做手信, 因為實在大部份朱古力香港都無架呢!!

臨離開hobart去launceston之前, 我地去左入油, 我第一次親手同架車入油咋...原來...係好簡單...我可以去油站做喇..haha~

到左launceston, 原來已經用左兩個多小時..我就瞓足咁耐, haha..錯過左好多靚景呢...^^"

行下市中心, 感覺上, 都係hobart正d囉~~之後到酒店check in再去basin chairlift..不過因為已經五點多, 所以無得坐纜車, 但都唔緊要, 本來都無諗住坐既~ 行下公園仔, 影下相, 就係我地行行下既時候, 有個鬼佬同我地講側邊有隻袋鼠仔(walbit)..好得意呢, 第一次見到野生既袋鼠, 同係melbourne見的有少少唔同..

玩左一輪, 係時候食dinner囉...去左jail house, 呢間d扒真係超級好食!!! 簡直食到唔捨得食完....haha

夜晚揸車周圍兜下之後就返酒店lu~

話咁快最後一日o係tasmania喇...今日起身先去Low head, 其實無咩特別. 呢個地方如果夜晚黎既話會見到企鵝仔呢...睇下風景影左少少相...

之後去左市中心買飽當早餐...再去richmond...其實launceston去richmond都幾遠, 差唔多兩三個鐘呢...當然, 我一直咁瞓啦~~去到richmond, 同hobart & launceston都唔一樣, 因為呢度真係好鄉村呢...之後去左richmond bridge, 其實d人話去richmond一定要去呢條橋...但其實呢條橋只係一條澳洲最舊既橋..無乜特別...可能特別在...好多鴨仔走圍行囉...haha~~

逗留左一陣就返hobart了....成個trip第一次食kfc..因為Honey話澳洲既kfc d薯條好好食..好薯..所以滿心期待黎食呢~~~

食飽飽, 係市中心周圍行下, 五點幾我地又返到elizabeth pier 食生蠔...食完就同tasmania講byebye lu~搭夜晚去sydney...

原來, sydney比tasmania暖呢~~~

話咁快就已經o係Sydney... 同Honey先去食個big breakfast, 不過呢個早餐唔及hobart o個個好味呢 ^^ 食完早餐o係opera house出面周圍行下, 影下相...

之後去左QVB, 行左一陣就去左market city買手信再搭tram 去fish market....

食左好新鮮既三文魚刺身加一打生蠔...本來我都想試下d生蠔..但俾我唔覺意見到有一隻有虫....=.=""" 所以用左黎餵海鷗.....

食完野, 拿拿聲行去join左Honey d朋友仔..本來諗住去食一間日本野(任食), 但係我地岩岩食飽, 食唔落, 所以轉左去另一間鱄屋...聽佢地講, 呢間日本餐廳係sydney top10 食店...果然無令我地失望, 所有野都勁好味!!!

之後我同Honey先返佢個朋友仔屋企, 執晒行李再車去另一個朋友仔屋企, 方便聽日同佢食早餐後再去機場...我地見仲有時間, 再去opera house影相, 睇下夜晚既sydney 呢~!

今次我地影左好多相, 補返下午既數^^ 今晚係成個trip最夜瞓既一晚, 兩點幾先瞓呢

最後一日了,真係十萬個唔捨得!! 估唔到九日既旅行話咁快就完結.....

今日無咩行程, 因為我地三點九機返香港..不過我地最後一日都約左衰佬既朋友仔食早/午餐...今次去左北京拉麵店度食...Honey話佢以前好鍾意呢度既牛肉拉麵~~

三個人叫左四樣野..食飽飽出發去機場了...估唔到, 我地竟然o係澳洲買電子產品呢..haha~~因為實在太平了...Honey買左部panasonic 810萬像既相機..而我就買左samsung 4gb mp3 player...haha...兩部都係係aud99.9..大約港紙500多少少...真係好平呢...我部mp3機係香港要賣成8xx架~~~haha~~~真係好. 估唔到最大既手信係呢樣呢...!!

上到飛機, 因為係下午既關係, 完全瞓唔著..所以同Honey不斷睇戲.....睇左三套, 已經好攰了..所以恰左一陣....夜晚十點幾到香港lu~~其實都有少少掛住香港既.^^

返到屋企都已經十二點了.....好攰.....

但真係好懷念成個旅程!!