第一站係果園, 所謂包一份水果, 其實咪只係得兩件橙同三粒車厘茄...本來個團話唔會去一D SELL你買野既景點, 但呢度...都係有少少呢D成份呢~! 之後食LUNCH, 呢餐午餐都唔錯, 幾好味...食飽就返酒店, 只係下晏四點幾, 六點多先食飯, 所以我地五點左右先去浸一次溫泉先~~

不過好唔小心咁ｏ係溫泉度跣親喔. 成個人瞓左係地...個下真係幾痛架...Honey見我跣到, 即刻過黎叫我唔好郁, 驚我整親條尾龍骨, 見我OK先扶我起身囉..不過返到酒店先開始痛呢...但唔理喇, 返到酒店沖埋涼, 我地之前叫既乞兒雞就到喇...乜都唔理, 食左先講....真係超好味!!! 又熱又香, 仲好夠味呢!! 好想食多隻喔~~~HOHOHO~~~食完又睇電視...好RELAX既一日呢~~

今日無去浸溫泉呢, 一早八點多起身, 之後就去食早餐喇. 食完見有時間, 周圍影下相. 到左集合時間, 又有團友遲到, 又係半個鐘...個三個團友仲要覺得自己好岩, 話跟行程時間喎...唉, 佢睇住張行程話十一點離開酒店, 所以十一點先出現, 但岩日明明導遊講左成十次話十點半集合囉...猛咁話自己無錯, 之前跟美食之旅都係咁...大家更係唔高興啦, 而家唔係美食之旅嘛, 何況, 跟團更係聽導遊講架嘛!! 加上大家都無問題, 連有兩三個外國人唔多識中文都無問題喎!咁係咪佢地既問題呢!?!? 之後大家都算啦, 無謂阻時間, 出發去古城..沿途見到好多雕樓, 原來中山都有世界遺蹟架~!好勁呀!

一路上導遊都介紹古城同影視城..一頭霧水既我以為影視城=古城, 古城=影視城....因為團費己包入場, 所以我一直都無理...