今次已經係第二次去台北了,上次係跟美麗華團,玩過一次之後,都係覺得自遊行適合年青人多d
今次旅行打算用盡一分一秒去玩去食,所以所有時間都係好趕

首先,係3點30分去到酒店,真係差d搵死我地,又講係西門,點知好鬼遠,行左二十分鐘先到
之後就拿拿臨出發去鼎泰豐食野,仲去左冰館,前者非常好食又抵食,平過hk好多,不過冰館就麻麻地
好普通,得個樣靚,唔值得去食.另外,仲去左附近的永康街牛肉面,係我人生中食過最好的牛肉面,好淋,又唔痴牙,又好入味,不過都幾貴...不過去永康街如果坐捷運會好唔方便,要行好遠,坐巴士好d,係鼎泰豐前面下車.

之後,去左新光三越賣雞蛋布丁食,仲去食左冬甩,因為係永康街順路

晚上,我地就去左士林夜市,食左好多野,最普通就有豪大大雞排,牛肉面,棺材板
特別的就有超好食雪花冰,好食過hk好好好好好多
仲有羊肉串,依個係小販檔,係一條橫街,後面有一個戲"彭",依檔野做事非常用心,而且真係好好食架

第二天,訓到差唔多11點先起身
拿拿臨出發前往豚屋,之前一個月已經在網上見過此店
因為係hk都食過吉列同豚組,上網又見到個價錢平過hk好多,所以想食下
去到果時因為仲未到食中午的時間,所以得小貓三四隻,d野果然係好好食

之後去左bigtom,係國父紀念館附近,d雪糕好特別,好似食牛排咁,有得玩下
食完野就去左書店買書,仲係果度賣左胡椒餅...原來依間店好食過饒河街,又熱,胡椒味好辛,但唔太辣,正正正,不過我一個女仔食唔晒一個...35元好抵

之後去左饒河街掃街當晚餐,旅遊書介紹的果檔炸排骨好好食,仲有印度拉茶都唔錯,當然仲唔少得米粉湯同大腸面線啦!!!好好食丫,大佬(唔知點解台灣人好鍾意用廣東話講依句野)!!!
最後買左蟹肉返酒店食,點知......好難食,d人好梅...

今日比起琴日起身起得仲遲...
所以求其食左個魯肉飯就出發去深"行"豆腐街
之後再去坐小火車
沿路風景好靚,不過可惜落雨,有d唔方便
台灣真係成日落雨...

晚上又去左廟口夜市掃街,依個夜市係基隆,仲特別多海鮮食
同食摩斯漢堡,d漢堡又平又好食,仲長期有hk期間限定的蝦堡食

最後一日,得半日時間都去唔到邊度
首先去左老天綠買最愛鴨舌
之後就去多次鼎泰豐,加買外賣回hk