行到MBK我地就去左Mont食多士， 18-20 Baht一件，本來我地只係叫左2件多士、一杯凍朱咕力和咖啡，但D多士真係超好味，我覺得D麵包好軟身，D醬汁微暖，所以同香港的唔同，而今次去仲多左粟米湯味添，不過我都係鍾意綠色個隻咖吔醬多D，所以最後又叫多2件。

Shopping完一輪，返酒店換件衫，就想去Silom的Zanotti食晚飯，由於當晚D位full晒，個waitress就介紹我地去對面個間Vino，佢話係佢地的分店，D食物都是一樣，我地都覺得ok，到左後發現室內又係full左，唯有坐室外，其實坐出面真係唔好，D貓行來行去，又有蚊。我地點左Zanotti pizza、凱撒沙律、羊腿，再加2杯果汁， pizza很脆口，D羊肉好淋唔羶，非常好味，份量多到食唔晒，盛惠1600Baht。