Day 1 Auckland 奧克蘭
我們於香港乘坐下午 3 時 25 分的機，經過約九小時的航程，到達奧克蘭約是當地上午 7 時，我們出發前已在香港透過網上租車，取得行李及入境後，第一件要做的事就是致電給租車公司。等了約五分鐘，租車公司的人員就在微雨中到達，接我們到取車點。在取車點跟工作人員聊了一會我們的行程，他更向我推介了由 Taupo 到 Rotorua 時，可取道公路 1 > 30，比取道 5 會更漂亮及更好玩。
取車後，我們就直接前往 Auckland Domain，去參觀 Auckland War Memorial Museum。
參觀完就回到 Hostel 洗個澡並小睡一會。
醒後，我們没有開車，在微雨中由 Hostel 出發，在以 Queen Street 為中心一直走到碼頭，最初打算到 The Occidental Belgian Beer Cafe 去吃 Mussel Pot 及生蠔等當地美食，可惜到達後發現太多人在等，而我們仍有點累及接著要早起，結果去了快餐店吃了漢堡，然後再到超市 (Foodtown) 選購早餐、行山當日的午餐和一些用品，就回 hostel 休息，第一日的新西蘭之旅就此完結。
*** 奧克蘭小介紹 ***
Auckland 奧克蘭，別稱 City of Sails，她並不是新西蘭的首都，是新西蘭最大的現代化城市，面積與香港相約，可能您會問，香港是一個大城市，去另一個大城市，吸引嗎？
當然，前往 Auckland 其實因為落機外，她其實有十分多地方值得一去，例如滑浪愛好者可以駕約一小時車前往 Piha Beach，一家大細想親近大自然也有 Shakespear Regional Park。
時間不夠也可以由市中心用約十五分鐘出發到死火山 Mt. Eden，或參觀 Kelly Tarlton's SEA LIFE Aquarium。
*** 奧克蘭小介紹完 ***
*** 小貼士 ***
旅遊小貼士：
天氣及住宿：
處於南半球的新西蘭季節與香港相反，即香港冬季時，新西蘭為夏季，但要留意由新西蘭位於較南端，即使夏季也不會太熱，而且日夜溫差較大（例如一月晚間可以低至十幾度），怕冷的人在夏季亦可以預備一件薄外套。
新西蘭旅遊業十分發達成熟，酒店、汽車旅館、青年旅舍等都十分普遍，可按個人需要選擇。
新西蘭氣候宜人，大部份住宿也不會有冷氣，而在冷天氣，酒店或旅館普遍也會有電熱毯提供，亦可親自先確認一下。
部份汽車旅館及青年旅舍會提供煮食用具，而新西蘭海資源豐富，貝殼類海產在海邊十分多，到超市購入亦不貴，有興趣就地取材做一個海鮮餐可考慮一下。不過留意每人能取得多少海產是有數量限制，請留意當地告示，即使没有，亦要愛惜資源不要取得過量。
新西蘭絕大部份地區之食水可直接飲用，不要相信哪些”水要煲過才能飲的廣告”，哪是因為香港的水不夠乾淨，如對自己没有信心可以向旅店人員查詢。
旅遊資訊：
有甚麼問題可以找一個 i 標記的 i-SITE，是當地旅客資訊中心，基本上所有有遊客設施的地區也會有一個 i-SITE，駕車也會找到 i-SITE 路標。
電器：
新西蘭電壓與香港相同，但插頭是跟國內一樣（可參考以下連結）http://www.quackit.com/travel/new_zealand/new_zealand_power_plug.cfm
自駕遊：
新西蘭是英聯邦國家之一，右軚駕駛，大部份路標跟香港相似，路道系統清晰，每個大城市及城鎮中以快速公路連接，每條公路有編有號碼，穿梭城鎮之間，基本上依照地圖，分清東南西北，看清走哪一條公路及出口，不用 GPS 也可以到達目的地，當然現今科技發達，有一個 GPS 輔助令你更安心也是一件好事。
部份快速公路是雙線雙程，如要超車可以越線，但要留意車速及迎面而來之車輛。
大部份連接城鎮之公路也没有街燈，前方没車或没對頭車應以大燈行駛，有前車及對頭車應暫時關掉大燈。
在城市內部份轉彎道，即使是紅燈也能左轉，需要留意燈下路牌。
留意個人需要，可在補給點休息及用餐。
車速限制：
如無標示之道路，應以 50 KM / h 或以下行駛，一般快速公路之車速限制為 100 KM / h，如有標示請依照標示之車速。
租車：
在奧克蘭落機，你可以找到國際連鎖租車公司或本地租車公司，連鎖租車公司就在機場取車，較方便。而是次我們找了一家本地名為 ace rental cars 的公司，價格相宜一點，但到達後就要先致電給他們，他們會安排車來機場接送到取車點。
到達取車點辦好手續，檢查好車就可以出發。
加油：
新西蘭的油站是自助式，建議先留意所租的車油加油在車身左或右邊，然後把車停在油泵，打開加油蓋，此時你可能會見到油泵上顯示上次加油的人要附的費用，不要理會，拿起油槍就會變回零，加油，完成後放好油槍，關好油蓋，記下自己用的油泵號碼及價錢，到便利點告訴收銀員用哪號油泵就可以（記下價錢是以防大家有錯），附錢後就可離開。
最後新西蘭是一個島國，物種如其它國家大為不同，例如大家熟悉的羊和牛其實是外來引進的，如有興趣到新西蘭郊遊的人，出發前請把鞋子或其它有泥濘的物清理一下，一起去保會這個純淨的國家。
*** 小貼士完 ***
YHA Auckland International，是有名的"五星級 Hostel"，當年我去新西蘭 working holiday 也是在這裡落腳。
今次蜜月遊就決定帶太太體驗一下 hostel 生活。
不過當然我地兩個新婚唔會分房分 share room，就豪一次住雙一套房！2011 年價錢只係 111 NZD 一晚（非會員價）。十分經濟。
套房有私家廁所同浴室，唔駛出去同人 share！
當然亦可用佢既廚房同 common room，我地第二朝既早餐就係自己煮架啦！
唔好意思當日太眼訓唔記得影相！
每晚價錢: 111新西蘭元 (雙人房)
評分:
設備4
服務4
環境4
衛生5
抵住5
Auckland War Memorial Museum 原來是一個十分值得去的博物館，當中除了展示有關紐國在世界大戰及二戰的事跡外，還介紹了當地地貌、生態、火山形成及對新西蘭的影響、毛利文化及太平洋島國文化等等，十分有價值。
我個人最難忘就係介紹火山既館同入邊一間介紹火山活動既屋仔，大家記住入去睇！
可惜係喺接近九個小時的機程，我們未能好好一睡，所以兩口子都不是十分清醒下去逛這個博物館，我地經已有去 Cafe 充電，但係逛咗約兩小時，我們實在太攰，所以就返 Hostel 沖涼抖抖。
推介項目: 火山區介紹
參觀時段: 早上
入場價錢: 每人25新西蘭元
其他消費: Cafe（個人喜好）
評分:
值得去5
Day 2 Auckland > Waitomo Cave > Tongariro National Park
第二日，一早起床，Hostel 没有早餐，而為了接著的行程做足準備，所以我一早起身煮意式雲吞作早餐（超市現成的，買差雲吞買些醬就可以），check out 就向我們第二個目的地﹣Waitomo 出發。
經過約 2 小時 15 分的車程，到達了 Aranui Cave，我地去 reception 拎咗飛之後就跟住指示去 cave 門口排隊～
入到洞入邊好涼，好似開了冷氣，洞內有著不同的鐘乳石！大約四十五分鐘就參觀完畢～
參觀完後是午餐時間，我們早鳥預訂兩個點的參觀套票及午餐，吃飽飽就再出發！
午餐後就乘船遊覽 Glowworm Cave，Glowworm Cave 內也有少量鐘乳石，但主要觀賞的是當地特有的螢火蟲，在漆黑的洞內抬頭一看，感覺就像滿天星星，好靚好特別。
遊覽完兩個不同的洞後，就駕車前往第二天的落腳點－Tongariro National Park Village 的 Mountain Heights Lodge。由 Waitomo 出發需要約 2 小時車程，中間我們到了一些不知名的觀光點看過風景。
安置好行裝，我們去了 Park Village 內的 Schnapps Bar 食晚餐，之後就返 lodge 休息，準備第三日既全日遠足！
推介項目: Waitomo Glowworm Cave
參觀時段: 早上
入場價錢: 每人75新西蘭元
其他消費: 無，150 兩人包參觀兩個洞及午餐
評分:
值得去4
Chicken Burger
Beef Burger
參觀完第一個洞，就返去 cafe 食 lunch~
因為套票包埋，其實都無咩好選擇，我太太點了一個 Beef burger，我點了一個 Chicken burger，佢o個個 Juicy 啲，我嗰個雖不算頂級美味，但即叫即做，誠意可嘉。
雖然食物唔係頂級，但係環境都唔錯，以木為主題既裝修帶到大自然既感覺，咁同山洞就好夾啦～
每人消費: 約0新西蘭元 (午餐)
評分:
味道4
服務3
環境4
衛生4
抵食4
Mountain Heights Lodge 是一間位於 state highway 邊的 B&B，相比 Park Village 內的住宿較難找到（我 miss 咗兩次要掉兩次頭）
但她吸引我的地方是她是一間兩層小木屋，地下是飯廳與客廳，客房則在二樓。我們的房外有露台，可以經露台去屋後的大草原，草原內還有兩隻馬呢！
入黑之後仲可以同太太係露台欣賞滿天星星！
呢啲環境，香港邊會搵到！
雖然價錢唔算特別平，但係佢有包埋早餐，有個手做麵包都幾好味。 每晚價錢: 145新西蘭元 (雙人房)
評分:
設備4
服務4
環境5
衛生4
抵住4
Welcome to SPEIGHT's Country!
Garlic Bread!
Vege Pasta and Ribs
推介菜式: Garlic Bread, Razor Back Rips
每人消費: 約22.5新西蘭元
評分:
味道4
服務4
環境5
衛生4
抵食4
Day 3 Tongariro Alpine Crossing
其實究竟有冇人蜜月旅行係去行山呢？不過呢個唔係重點，我地都依計劃出發！
我們約六時多起身（好凍），B&B 屋主亦因應我們需要早點出門而提早準備早餐給我們
，用餐後及檢查一次裝備，就乘坐預約好的巴士前往起點。到達起點約八點多。
因為這是一條單向路，我們預約的巴士會在下午四時三十分在終點接我們，所我們二話不說就立即出發。
為了是次行程，我們準備了防水行山鞋，防風防雨外套，手套及行山手仗，好彩天公做美，我地成日都無落雨，而且好好天！有當地行山客告訴我們，因為地形影響，天氣可能十分鐘內就會起變化，所以叫我們要小心留意。
行了約三份一有多，也在預計時間內，我們在 South Cater 吃掉我們在 Auckland 買了的 cold cut 及麵包作午餐。
當我以為整個 crossing 的難度不是太高的時候，挑戰出現了！要上很斜的山，遇著真的很大風，落火山灰的路
，真的有想過被吹落山，但幸好我們也安全回來。
過了困難的一段，在最後一部份我們拍多了照及放鬆腳步，最後用了約兩小時完成最後的 。結果要趕下午四時半的車，我們最後一段行得相對較急。
結果我們四時十分左右到了停車場，等待巴士來臨接我們回 Lodge。
回 Lodge 後的一晚，我們步出露台，十分多星，十分亮麗。
回想這天，其實我太太十分厲害，没有很多行山經驗，她亦告訴我其實最斜一段很驚，但她也能十分順利完成這次路程，天公亦做美，没有給我們變化的天氣，好讓我倆可以欣賞風景。
Tongariro Alpine Crossing 位於 Tongariro National Park 內，除了是當年魔戒拍攝場之一，她亦被譽為新西蘭最佳的一日遠足路徑，為一條單向路徑（起點與終點不同），全長 19.4 公里，最低點到最高點有約一千一百米的落差，當中會經過火山，湖泊及平地。而因位於山谷及高落差，天氣變化多端，可能在山腳是晴天，到山頂會下大雨。一般來說 8 小時內能完成全程。
而 National Park 內亦有新西蘭 9 大行山路徑－Tongariro Northern Circuit (全長 43.1 公里)，一般來說大部份人需要三至四日才能完成全程，而徑內有有小棚屋可預約作休息之用。詳情可到官網查詢。
http://www.doc.govt.nz/parks-and-recreation/tracks-and-walks/central-north-island/turangi-taupo/tongariro-northern-circuit/
如果喜愛更激的活動，在 Tongariro National Park 的 Mt Ruapehu 兩有個新西蘭最大規模的滑雪場，一年四季到達該區也會找到合適的活動。
推介項目: Tongariro Alpine Crossing
參觀時段: 全日
入場價錢: 每人0新西蘭元
其他消費: 租接送巴士
評分:
值得去5
Coffee or Tea?
穀類早餐
芝士~
好好味既麵包
好味既牛奶及燈汁～
雖然早餐係一般 B&B 有既麵包，穀類早餐，牛奶，燈汁，但個 home made bread 同提供多種芝士誠意十足！
推介菜式: 麵包
每人消費: 約0新西蘭元 (早餐)
評分:
味道4
服務4
環境4
衛生4
抵食4
新西蘭唔少跳飛機 ( Sky Dive, 跳降傘）的地點，包括 Queenstown, Franz Josef Glacier, Able Tasma, Rotorua 及 Auckland 等，我們選擇了 Taupo 是因為我想有機會從高處看看有行過 Tongario National Park 的風景。
Taupo Sky Dive 有兩個高度可以選擇，12000 呎同 15000 呎，因為工作人員話 12000 呎時間好短，同埋價錢其實大約多 70 NZD，所以我地選擇 15000 呎
！而我地就選擇咗一個包相同 Video 嘅 package (相同片係另外一位攝影師拍，咁可以睇晒成個自己！）報好名，當然要簽一份有咩意外自己負既同意書
！不過其實都好安全，因為有個教練會揹住，唔係自己跳，而教練亦都有一個後備傘，同埋我諗，就算有咩意外咁高跌落嚟都唔會好痛苦
，所以好快就簽咗！
簽好之後就換上跳傘衫，基本上都係喺我著既衫外邊再著一套，所以好快可以搞掂！上機前會見到被安排既教練，佢當然會同你傾兩句，不過由於係機到係前後咁座，所以都係欣賞機外風景為主，都差唔多跳，佢就會開始揹住你（你係前佢係後），然後打開機門，風呀⋯⋯真係開始驚
，影埋張 exit photo，1，2，3，跳⋯⋯長時間 feel fall 既感覺同玩跳樓機完全唔同⋯⋯！絕對非筆墨可形容，大家都係要自己試下。
要提提大家，上機前大家可能諗定會做咩有型 post 影相，但係我同我大大都因為跌落去大快，好快既風撞入鼻到令我地諗緊點樣呼吸最好都用咗唔少時間（好明顯係救生要緊）
到呼吸到時又好 high 咩都唔記得晒⋯⋯我可以話用細細個口去呼吸係最好，但係大家到時都要試過先知。
開傘後，就可以慢慢咁欣賞西周既風景，呢個時間你可以同教練傾兩句～落地後，大約等 50 分鐘就可以攞碟，整個過程大約用兩小時。
推介項目: SkyDive Silver
參觀時段: 早上
入場價錢: 每人499新西蘭元
評分:
值得去5
中間啲水撞擊得好勁，唔知玩 Jetboat 會日點
離開 Taupo，我地原本諗住去 Rotorua，見到有個叫 Huka Fall Scenic Lookout 既牌，我地就跟住個牌入去睇，去到見到水留就係好利害，睇返介紹原來呢個瀑布水流可達每秒超過 200,000 公升！
跟住再睇原來先知呢區有得玩 Jetboat，我諗係呢到玩一定好激激，可惜我同太太無計劃到！
個瀑布水流量真係好勁，基本上我同太太都係呆咗係到感受同影相⋯⋯
如果大家去開 Taupo，或者 Rotorua，過嚟一睇甚至玩埋 Jetboat 都好呀！
推介項目: 欣賞呢個大 100% 純淨既大自然奇境！
入場價錢: 每人0新西蘭元
評分:
值得去5
午餐，兩批一雞
個牛批真係好味，入邊啲牛大大粒好焾好好味！對比起返全餐相隻叉同呢件牛就可以想像一下有幾大！
雖然你都好味，但係同大哥比免牛批立即給比下去⋯⋯
推介菜式: 牛批
每人消費: 約5新西蘭元
評分:
味道5
服務4
環境3
衛生4
抵食5
推介菜式: 生蠔，雪糕
每人消費: 約59新西蘭元
評分:
味道4
服務4
環境4
衛生4
抵食3
Skyline 算係一個集遊樂場、短步行徑及自助餐一身既景店，遊樂區以陸地雪橇為主，仲有其它機動遊戲，不過入場費係唔包，每個 game 都要比錢。入場費係 NZD 59 包吊車同自助餐，咁低唔低就見仁見智。
如果一家大細嚟一個下午我覺得都啱玩。
不過由於我地之前一日行完
Tongariro Alpine Crossing，我同太太對腳都有啲痛，所以就無特別去玩啲機動遊戲，兩個係 Skyline 入邊行咗個圈（佢有條小型徑）
另外係 Skyline 有個好處就係佢位於山上，可以係高處欣賞 Rotorua 面貌。
推介項目: 因無玩過，不便評論
參觀時段: 晚間
入場價錢: 每人59新西蘭元
評分:
值得去4
Day 5 Hea 遊硫磺城
蜜月遊頭幾日都要趕路同玩啲好激既活動，去到第五日我地決定 hea 啲，只係計劃咗一個境點。就係 Wai-O-Tapu 地熱公園。
係 Motel 食完早餐就出發，只係需要大約二十分鐘車程就到地熱公園，到咗當然要買飛，然後我地先睇佢有名既 Lady Knox Geyser （噴泉），噴泉示範每朝 10:15 分開始，工作人員講解後就有得睇，噴到好高
，相機都濕埋～雖然我覺得佢有少少出貓，不過要”控制”佢幾時噴唯有係咁做。
睇完噴泉就入地熱公園開始行，入邊有唔同礦物，好多時都聞到好似屁既味道，仲有層次 tim ～
行晒個公園，我地搵咗個無咁多"味"既地方，食自己預備既三文治作午餐
，咁個地熱公園遊就完結。
由於我地無計劃，所以就去咗 city center，點知行行下有個牛仔裝既妙齡少女就埋嚟
，問我係唔係遊客，原來佢係當地旅遊局人員，見我地一臉迷茫就問吓我地有冇計劃～
我地都係想睇下自然風景，佢推介咗我地去 Redwoods，去到見到有啲差唔多一百歲既樹，好高呀佢地
大約行咗一個鐘，我地就返 motel 抖下，點知原來 motel 有得借碟，我地兩個就係到睇戲啦～幾寫意
睇完一套戲，差唔多日落，我睇地圖，搵咗個地係 Rotorua Lake 東邊既地方，希望可以影到靚日落，揸到去發覺係住宅居，我無理有路就入，搵到個空地，都影到幾張相。
影完相我地去咗食 burger，好大個好好味~ 食完就返 motel，再次享受個半露天 spa，休閒既一日就咁過咗～
*** Rotorua 小介紹 ***
Rotorua 又名 Sulphur City 硫磺城，是北島其中一個最受歡迎的旅遊區，位於 Auckland 以南二百多公里，以地熱聞名，一到該區就會聞到硫磺味。由 Auckland 前往只需約三小時的車程，所以不少 Auckland 居民假日也會到 Rotorua 渡假。
Rotorua 有很多不同類型的活動，由陸地到水上，甚至空中飄浮或在球中滾動，由傳統毛利文化到大自然風光，又或享受一個 Spa，看看不同表演也應有盡有。一家大細玩三五天絕對没有問題。
*** Rotorua 小介紹完 ***
其實我一直都好想試下住 Motel，試吓揸架車泊係門口就入屋，嚟到 Rotorua 終於有機會一試!
雖然 Rotorua 有兩個香港咁大，但呢間 Motel 鄰近 SH 5 同 30，所以由邊個方向過嚟都方便，而雖然近 SH，但係一啲都唔會嘈！
我地係網上搵到一個 special offer, 330 NZD，就可以入往雙人房連戶外溫泉，仲包早餐 tim，我覺得真係好低～
Motel check-in 手續同一般酒店差唔多，不過唔會有人幫你搬行李。我地 check-in 後入方，嘩～真係大鄉里出城！
間房其實可以話係一間單房 house，有客廳、飯廳、廚房、沖涼房、睡房同戶外 spa！如果我香港住既地方係咁就好⋯⋯
而我地發覺枱上邊有張紙，原來係填要咩早餐，雖然都係蛋同包，但係你可以要烚蛋定煎蛋，多士定麵包，同埋咩果汁。
至於佢個戶外 spa，其實係一個大浸缸，水就係引入 Rotorua 既溫泉水（不過會加熱），你鐘意仲可以加啲香薰油。
雖然係半露天，但係有啲好密既樹，同外邊無路，所以都應該無問題～
仲有呢到係有免費 WiFi提供，係一個遊 Rotorua 唔錯既選擇～
每晚價錢: 165新西蘭元 (雙人房)
評分:
設備4
服務4
環境4
衛生4
抵住5
Wai-O-Tapu Thermal Wonderland，離 Rotorua 約 27 公里，Taupo 約 53 公里。
由 Rotorua 駕車前往約需 20 分鐘。
雖然公園開放時間由上午 8:30 至下午 5 時，但
Lady Knox Geyser 只在每天 10:15 示範噴水，所以都係早啲去好啲～
到達泊車後，可以先去售票處買入場券，亦可順便問職員 Lady Knox Geyser 的前往方法（揸車要約三分鐘），由於不設劃位先到先得，所以大家唔好太遲，但係早咗都唔好座太前⋯⋯
睇完 Geyser 就可以入園區，園區分咗三條參觀路線，分別需時 30 分鐘，40 分鐘及 75 分鐘，三條路線參觀唔同地段，可按自己時間安排，基本上 75 分鐘都十分容易完成。
每一個點佢地都起咗個名，似唔似就睇你自己想像力啦～
由於唔同礦物會化成唔同顏色，所以成個園都好色彩繽紛
，仲會不時見到啲熱氣係地底滲出嚟，不過亦由於熱氣會帶埋啲礦物，所以不時都會聞到臭屁味，有啲仲係勁臭⋯⋯
行完揸車離開前記得搵下個 Mud Pool，pool 如其名，全部都係 Mud，但係係不停滾滾下既 mud，都幾搞笑。
推介項目: Lady Knox Geyser 及主園區
參觀時段: 早上
入場價錢: 每人32.5新西蘭元
評分:
值得去4
叫餐仲有薯條～
真係又大又好味～
Burger Fuel 係新西蘭品牌既連鎖漢堡店～所以其實係 Auckland 都會搵到佢
，不過既然我同我太太都鐘意食漢堡包～所以咁啱見到佢就食佢啦～
佢地有唔同漢堡種類選擇，由牛肉（100 % NZ 草飼牛肉），雞肉到素食漢堡都有～
我地點咗個 C N CHEES (芝士漢堡） 同一個限時推廣漢堡 （芝士漢堡再加一啲烤
Nachos）～
漢堡即叫即整，個包仲有烘過，我仲記得上邊啲芝麻係有香味～
兩個 buger 都好味，肉唔會煎得太乾身，當食到咁上下，啲肉汁係會滴出嚟（一路打一路流緊口水）所以大家食記住要小心啲～
我同我太太叫咗兩個包，一份叫餐，都令到我地兩個滿足到差啲食唔晒～
(我太太平時可以食一碟飯既）
所以如果細食既女士又想試，可以 share 或者叫佢啲輕型包～
推介菜式: C N CHEES
每人消費: 約12新西蘭元
評分:
味道5
服務4
環境4
衛生4
抵食4
Day 6 - 迷失 Waitomo?
不經不覺，蜜月遊差不多到了尾聲
，原本呢日係無計劃
，我地見時間充足，之前一日商量後決定放棄 Rotorua 的景點，改道返回 Waitomo 區，一試迷失世界（Lost World）！
喺 Motel 吃過早餐，我們就出發去 Waitomo 區－Lost World，一個 Waitomo 地下洞穴的旅程。經過約兩小時車程就到達 Lost World 接待處。可能唔係旺季，呢段時間只有我地兩個玩～
跟住
嚮導會車我地去預備場地，去到換上裝備，就要行去起點，成個 Lost World 地下之旅大約要兩個鐘，完成之後我地就返去接待處，點知中間出現小插區，
嚮導同事突然急 call 佢話要借裝備
，佢要返起點拎，點知拎完行到一半打嚟話又搵得齊
，我地結果陪佢遊車河遊咗差唔多一個鐘～
佢地即刻好好人，將原本要錢的照片全都變了免費送比我地～
拎埋相，我地打道回 Auckland－成個旅程既起點同終點。呢兩晚我地會住係 Auckland City Hotel - Hobson St. , Check-In 後，我帶了太太去咗一間我覺得好好味既連鎖店食燒雞，我地兩個都覺得好好味～
而咁又完成咗一日既旅程。
Waitomo 除咗 Waitomo Cave，Lost World 亦係一個有名境點
，而o個間公司除咗有 Lost World，仲有山洞激流等唔同活動，想濕身同乾身都有選擇。
基於唔想濕身同時間所限，我地選擇咗 Lost World 4 小時。（佢有濕身 7 小時版
）
Lost World 4 小時係一個包括咗游繩，全黑山洞游，同睇螢火蟲既歷險旅程（不過好安全），唔好比佢 4 小時嚇親，其實大約只係行兩小時。
到達接待處報名後，會有嚮導揸車帶我地去起點換衫，由於我地係山洞下基本上要手腳並用
，所以拎唔到相機，不過佢都會幫你影相。（當然要計錢）
換好裝備，行大約十分鐘到起點，起點係一個在百米高崖邊的平台
，我地目的就係落去下邊個山洞，咁可以點落去呢？答案就係游繩
，我地兩個要游繩游到底，感覺自己好似做咗飛虎隊～
係落去之前嚮導會教我地點控制，基本上我地無咩經驗，但好快都掌握到技巧，係未熟習時，其實最初係有啲驚自已會往下跌，不過熟習咗，向下游既快慢其實自已決定
，我們可以邊欣賞四周環境變化邊向下游，係一個成百米深既洞由上到下慢慢落，真真實實感受到人係大自然入邊其實好細小⋯⋯
唔覺唔覺就到底，跟往成個行程有爬石，有捐山洞，有瑩火蟲睇（唔太詳細，留返比各位自己感受）嚮導亦會介紹我地見到咩，對比起係 Waitomo Cave 眼看手物動，呢到可以第一身同啲洞接觸，感受完全唔同，亦都係十份值得一去。
一路又行又爬，唔覺唔覺自己原來來咗返起點，真係好神奇，跟住換返好衫，嚮導就會車你返接待處，睇下有咩相要買咁～
推介項目: Lost World
參觀時段: 早上
入場價錢: 每人272新西蘭元
評分:
值得去5
由於 Auckland CBD 泊車不方便也不便宜（一個個鐘計，有啲要 2 - 4 NZD，而且有限泊），所以我地搵咗間係正市中心既酒店，方便唔駛揸車都可以四圍行下，亦唔需要擔心泊車。而佢亦有車位提供（話 25 NZD per night，但係最尾無收我錢）。
服務就好似一般三四星酒店咁，無咩特別差同特別好，而我地個 package 係無包早餐。
由於真係無咩特別，所以無乜影相同無咩介紹啦～
每晚價錢: 130新西蘭元 (雙人房)
評分:
設備3
服務4
環境4
衛生4
抵住3
推介菜式: 燒雞
每人消費: 約11.5新西蘭元 (晚餐)
評分:
味道5
服務3
環境3
衛生4
抵食4
蜜月遊最後兩日
，返到 Auckland，一早起身我地決定以生蠔做早餐！
上網搵過 Auckland 有間生蠔廠係 Clevedon Coast，鐘意食生蠔既我地就決定一試！
雖然佢地網站有地圖提供，但係我覺得寫得一般
，所以都搵咗 GPS 幫手，揸咗約 40 分鐘車，應該差唔多到，GPS 都顯示話到咗，但係我地唔多覺佢既存在，搵咗陣都唔見佢，好彩最後發現 "Oyster here“ 的指示牌
，我們成功去到蠔廠！
梗係即刻買返打嚟食～ Yummy～
食完我地都仲未夠，但係一次食咁多好似唔係咁好，查詢之下，原來拎走佢地會放入冰盒，可以保存 24 小時，咁我地又買多打走啦～
食完生蠔，我地去咗附近的小鎮食 fish and chips，即炸的，及格，食完返酒店放低盒生蠔
, 然後去左 Kelly Tarlton's 睇企鵝~~
我地係第一次見真企鵝咋, 好得意呀佢地～～
係 Kelly Tarlton's 遊左個大約兩個鐘，再去埋死火山 Mt Eden－好多草既死火山。
最後去左 Fish Market，買左D 蝦同 Seafood Salad 返酒店開餐，連同朝早買既生蠔，就係我地呢個 trip 係新西蘭既最後晚餐
一打大生蠔
雖然新西蘭郊區係有機會搵到免費野生生蠔，但係我地唔知去邊搵，想食新鮮生蠔既途徑就係去生蠔廠。
係 Auckland 大約經過 40 分鐘車程就到，入到佢間 shop 其實都無咩做，就係買
，除咗生蠔其實佢仲有青口，帶子同鮑魚
，不過要睇季節，生蠔仲有分大中細，不過我地去到o個日得大，但係好低， NZD 18 蚊一打
，仲開埋，可以即食。想再新鮮啲佢有啲未開，都係 NZD 18。
想要檸檬佢都有得賣，不過我同太太就唔駛～
買咗即食，見到佢仲係有反應的～ 新鮮～
佢食個位係露天，我同太太就係陽光下食咗打生蠔～
感覺真爽！
無問佢係咩品種，不過海水味就唔算超重，無咩金屬味，食得到鮮甜味，正！
食完唔夠佢地有打包服務，生蠔會放係個冰盒入邊，可以 24 小時內食咗佢～
每人消費: 約18新西蘭元 (早餐)
評分:
味道5
服務4
環境4
衛生4
抵食5
Fish and Chips
Ginger Beer
食完生蠔未夠飽，我同太太揸車去生蠔廠附近一個小鎮 Clevedon 搵野食，近海食海所以試下 fish and chips。
入到 fish and chips 舖可以選擇咩魚，問咗店員咩魚新鮮就點o個樣（唔記得咗係咩
）
等一陣就有得食，無咩驚喜，合格之作，唔會有太油同油味，但係都唔見係特別新鮮好味。
無咩必要唔駛特別嚟試～
推介菜式: NA
每人消費: 約8新西蘭元
評分:
味道3
服務3
環境3
衛生3
抵食3
唔講你未必知，講咗你都未必覺，Kelly Tarlton’s Sea Life Aquarium （原名 Kelly Tarlton's Underwater World） 選址原本係一個污水存儲池，當無用咗好多年之後，當地海洋學家 Kelly Tarlton 就建議將佢改做成一個水族館，經過約一年既工程就搞掂啦。
館內分咗幾個主要區域，包括企鵝區，有關新西蘭於南極探險營地 Scott Base 展區，鯊魚區同海洋生態介紹區等，水族館係 2012 年做過提升，加多咗展覽。不過其實同香港個海馬公園比都仲細唔少。
我個人覺得佢企鵝館好多企鵝
，不過都係得兩個品種，就係國王企鵝同
巴布亞企鵝。
反而我覺得有關南極探險營地 Scott Base 既展館十分值得睇，係 195幾年，人為咗一探呢個地方，用咗幾多血汗去完成呢件事⋯⋯
其它區都 ok，如果時間充足既話都可以去，如果去記住早啲 online book 或者搵當地啲旅遊推廣書，多數有 cupon 架～推介項目: 參觀 Scott Base 展館
參觀時段: 下午
入場價錢: 每人36新西蘭元
評分:
值得去4
Mt Eden 係其中一個離市中心十分近既死火山，係 Auckland 第二高"山" (196 M)，上到去除咗可以睇到死火山之外，仲可以睇到 Auckland 風景包括 Sky Tower
可惜我地上去無耐發覺天色有變，啱啱上車仲落雨～
如果大家有時間唔好錯過呢個免費景點呀～
參觀時段: 下午
入場價錢: 每人0新西蘭元
評分:
值得去4
最後一日啦～
我地座下午 14:20 機，所以得一個朝早，同太太 check out 後就去咗 Victoria Park Market 行下同食個 brunch，之後就要出發去機場同還車～
成個新西蘭蜜月遊就係咁結束咗～
(因為時差關係，其實第一日到達後經已是新西蘭第二日）
遊記數目 
上載相片 
上載影片 
2014-01-08
0 個留言
| 加入你的留言
2014-01-08
2014-01-21
