最後一日啦～
我地座下午 14:20 機，所以得一個朝早，同太太 check out 後就去咗 Victoria Park Market 行下同食個 brunch，之後就要出發去機場同還車～
成個新西蘭蜜月遊就係咁結束咗～ 

(因為時差關係，其實第一日到達後經已是新西蘭第二日） 

Day 4 Taupo Sky Dive and Rotorua
尋日行咗全日，原本想訓晏啲，不過為咗行程，我地六點幾就要起身！
食完早餐就要出發前往 Taupo 玩跳飛機 (Sky Dive)！
經過一個鐘多少少既車程，我地到咗 Taupo 機場（跳飛機梗係要去機場！），我地睇咗唔同 package，為咗保留記憶，我地選擇咗一個 15000 呎包拍片同影相既 package。
工作人員講緊一輪後我地就換衫準備，由準備到上機我們也不太緊張，令我們開始緊張既係，見到一個學習 Skydive 既人，分別同導師由 12000 呎跳下⋯⋯睇見佢跌落去既速度，我地開始緊張⋯⋯
 
同行有四位參加者，唔知係唔係知我太太緊張，佢係最先跳，而我就最後，當我係機尾睇見佢跳出飛機，其實我真係有啲擔心，不過佢之後同我講其實個腦都係一片空白，因為跌落去好快，啲空氣撞埋嚟要諗下點呼吸先舒服啲，都用咗唔小時間，約一分鐘後開降傘，就回返魂，然後就可以係高空欣賞靚絕既風景。
落地後，等埋新鮮制作既 DVD 我地就要同 Taupo Airport 講 bye bye，去搵野食醫肚。
因為原先唔知會跳到幾點，所地我地無特別去搵地方食野，問問 Sky Dive 職員邊到有野食，(其實係 Taopo 市中心）我地就揸車出發。點知唔覺意比我地食到一個好好味既牛肉批！
醫好肚我地就出發去 Rotorua，途中見到有個 Huka Fall Scenic Lookout 的牌，因為仲有時間，我地就順路去睇下，嗰到真係好多水好壯觀呀～～，仲有得玩 jetboat，可惜我地唔夠時間。
離開 Huka Fall，多一個鐘車程就去到 Rotorua，我地會喺 Rotorua 逗留兩晚，呢次我地住我想試好耐既 Motel
原本打算食之係 Skyline 玩吓個斜道陸地雪橇，可惜行完山對腳太痛，我地怕控制唔到部車，所以都係無玩。
不過我地都可以一邊食自助餐一邊欣賞 magic hour，可惜個 magic hour 好似短咗啲。
 最後梗係返去 Motel ，我地享受埋個半露天溫泉就大覺訓 lu ~~

Day 2 Auckland > Waitomo Cave > Tongariro National Park
 第二日，一早起床，Hostel 没有早餐，而為了接著的行程做足準備，所以我一早起身煮意式雲吞作早餐（超市現成的，買差雲吞買些醬就可以），check out 就向我們第二個目的地﹣Waitomo 出發。
經過約 2 小時 15 分的車程，到達了 Aranui Cave，我地去 reception 拎咗飛之後就跟住指示去 cave 門口排隊～
入到洞入邊好涼，好似開了冷氣，洞內有著不同的鐘乳石！大約四十五分鐘就參觀完畢～
參觀完後是午餐時間，我們早鳥預訂兩個點的參觀套票及午餐，吃飽飽就再出發！
午餐後就乘船遊覽 Glowworm Cave，Glowworm Cave 內也有少量鐘乳石，但主要觀賞的是當地特有的螢火蟲，在漆黑的洞內抬頭一看，感覺就像滿天星星，好靚好特別。
 遊覽完兩個不同的洞後，就駕車前往第二天的落腳點－Tongariro National Park Village 的 Mountain Heights Lodge。由 Waitomo 出發需要約 2 小時車程，中間我們到了一些不知名的觀光點看過風景。
安置好行裝，我們去了 Park Village 內的 Schnapps Bar 食晚餐，之後就返 lodge 休息，準備第三日既全日遠足！