人工少少食多多
我是人工少少食多多。 我最喜愛到牙買加,埃塞俄比亞,皮特凱恩群島(英國)旅遊 , 最鍾意遊覽自然景觀,主要地標,動物園/植物園/水族館,公園/遊樂場/渡假區, 住宿通常會揀4星酒店,民宿。
留言  留言給此旅遊家
  遊記數目 2
  上載相片 19
  上載影片 0
最近分享過的旅程
台北婚紗照之旅
國家/地點: 台灣
旅程日期: 2009-05-13 至 2009-05-18
台北婚紗照之旅 (台灣)
(旅程日期: 2009-05-13 至 2009-05-18)
發表日期: 2009-06-03
台北之旅第一日(揀衫,士林夜市) 13/5/2009 (二)

7 點幾出發去機場, 諗住早d 搞埋個台證..點知佢話我地打錯左個名..結果浪費左大半個鐘,都係要落地簽證..

搞掂仲有少少時間,去大家樂食左個魚柳早餐.雞蛋又滑又香,好好味ar. 飛機餐我地係網上訂左生果餐同低脂餐..生果唔太新鮮,低脂餐好似係微波爐叮左好耐,又唸又咸,好難食..下次都係食返d正常野好d~

11點機係香港出發,遲左15分鐘先到婚紗店.用左一個鐘揀好女裝. 因為只有四個櫃既晚裝同兩個櫃既婚紗可以揀,而且我既膚色唔襯黃,綠,藍果d,所以好快就揀好衫

之後去附近既店揀男禮, 因為唔打算upgrade, 所以一度完身就搞掂. 果邊既禮服小姐有禮貌好多,仲一邊度身,一邊同我地頃計

揀完衫,諗住去土林行下,食少少野就瞓. 點知土林夜市好大,行下行下仲蕩失路..結果十點幾先返到酒店.返到去仲要塗指甲,修眉..搞到十二點幾先瞓..好累ar
價廉物美 笑臉2009-06-03
酒店外觀
酒店外觀
洗衣房
洗衣房
自助早餐
自助早餐
房間較小,但需要的都有.包每天早餐,有免費上網,自助洗衣及NT30乾衣服務,另服務員友善,房間亦十分清潔
每晚價錢: 1480新台幣 (雙人房)
評分: 設備3   服務4   環境3   衛生4   抵住5
蚵仔花枝煎
蚵仔花枝煎
台式臭豆腐
台式臭豆腐
長龍面線
長龍面線
胡椒餅
胡椒餅
茶味香濃
茶味香濃

第一日晚餐揀左士林夜市,六點幾去到,好肚餓ar.先食NT40既臭豆腐. 豆腐炸得好脆,淡淡既臭豆腐味,甜甜地既豉油再加酸酸味味既醃菜.好好味AR~

朋友唔鐘意食臭豆腐,就試左隔離果間,長龍面線.味道比香港清淡好多,面線亦較粗,唔錯.

之後走返入觀光夜市"阿婆之家"食NT50蚵仔花枝煎,(因為太多間賣同款既野,於是就去左間多人既) 蚵仔煎既餡,原黎除左蚵仔,蛋,菜,仲有d類似蕃薯粉既野,黏黏的,一開始覺得好怪..食多兩啖,又無咩野喎..

再試埋褔州世袓胡椒餅同原上海生煎包..胡椒餅唔夠香辣, 仲好多肥肉.. 反而面包甜甜地黏黏地,皮又夠脆..有d似牛利酥.都幾好食~ 不過食三分一已經好飽..

最後飲埋杯好香茶味既一奉茶,就揾路返酒店啦.

推介菜式: 蚵仔花枝煎
每人消費: 約200新台幣 (晚餐)
評分: 味道4   服務4   環境3   衛生4   抵食5
  0 個留言    |  加入你的留言
發表日期: 2009-06-10

尋日影完相,超累,結果咩野都無食,卸完妝,整完頭己經點幾..今朝瞓到十點,落酒店食完早餐就出發啦.~ 雖然酒店既早餐無咩好食,但佢杯 Cappuccino 唔錯.住左兩日,先知上網既地方原黎係餐廳隔離.

出發前去睇一睇洗衣房,因為大Monkey影相果幾套衫濕晒,所以要過黎洗,百利洗衫係免費架,連洗衣粉都包埋, 乾衣收費NT30,三十分鐘,焗完d衫超熱.好勁ar

差唔多十二點先出發去淡水,四點半要返去揀相,好似太趕呢~

淡水車站
淡水車站
淡水老街的一間廟
淡水老街的一間廟
童玩店
童玩店
老街海邊
老街海邊

老街好多手信店AR,一間一間咁試食已經好飽..仲有好多小時候既物件買,有好多細個成日食既零食.仲有香港禁售既拍拍子.

參觀時段: 下午
入場價錢: 每人0新台幣
評分: 值得去4  
失望 哭臉2009-06-10
阿給外觀
阿給外觀
阿給粉絲內餡
阿給粉絲內餡
幾彈既魚丸
幾彈既魚丸
去到淡水,先去老街食阿給.其實到阿給之前已經係手信街試食左好多餅,仲飲左杯濃濃的酸梅湯..不過去到淡水,一定要試下阿給老店..NT30一碗,好抵.

記得上一次黎食覺得唔錯..今次係覺得魚丸同阿給都無咩特別..魚丸都幾彈牙,甜甜地仲有豬肉餡. 至於阿給,就係厚身既腐皮包住粉絲..個醬辣辣甜甜咁..粉絲好杰,淨用黎吸醬食,可惜個醬唔太岩口味~.

推介菜式: 阿給,魚丸
每人消費: 約45新台幣 (午餐)
評分: 味道3   服務3   環境3   衛生3   抵食4
海鮮面
海鮮面
海鮮面
海鮮面
鴨肉冬粉
鴨肉冬粉
鹽酥雞,墨魚咀
鹽酥雞,墨魚咀
揀相揀到差唔多十點半...諗住去青靖介紹既燒烤自助餐試食,不過我同朋友都唔太餓.係自助餐附近竟然有夜市"雙城美食一條街"

叫左蚵仔魚片面,鴨肉冬粉同鹽酥雞,鹽酥墨魚咀.返酒店食.

蚵仔魚片面, NT110, 湯底同海鮮都好鮮甜AR,超正
鴨肉冬粉加肉丸,NT90, 又係好正,鴨湯好鮮甜..好好味AR
鹽酥雞同墨魚咀..味道無咩特別..而且可能放得耐,唔係好脆..墨魚咀仲要超UN..
唔得

呢兩日發現一樣奇怪野,就係台灣係無咩垃圾筒架..我地成日飲完野既杯都要返捷運先有得拋棄..好煩~
每人消費: 約150新台幣 (晚餐)
評分: 味道4   服務4   環境3   衛生3   抵食4
  0 個留言    |  加入你的留言