台北之旅第一日(揀衫,士林夜市) 13/5/2009 (二)

7 點幾出發去機場, 諗住早d 搞埋個台證..點知佢話我地打錯左個名..結果浪費左大半個鐘,都係要落地簽證..

搞掂仲有少少時間,去大家樂食左個魚柳早餐.雞蛋又滑又香,好好味ar. 飛機餐我地係網上訂左生果餐同低脂餐..生果唔太新鮮,低脂餐好似係微波爐叮左好耐,又唸又咸,好難食..下次都係食返d正常野好d~

11點機係香港出發,遲左15分鐘先到婚紗店.用左一個鐘揀好女裝. 因為只有四個櫃既晚裝同兩個櫃既婚紗可以揀,而且我既膚色唔襯黃,綠,藍果d,所以好快就揀好衫

之後去附近既店揀男禮, 因為唔打算upgrade, 所以一度完身就搞掂. 果邊既禮服小姐有禮貌好多,仲一邊度身,一邊同我地頃計

揀完衫,諗住去土林行下,食少少野就瞓. 點知土林夜市好大,行下行下仲蕩失路..結果十點幾先返到酒店.返到去仲要塗指甲,修眉..搞到十二點幾先瞓..好累ar