min
我是min。 我是一名......。 我最喜愛到日本,葡萄牙,加拿大旅遊 , 最鍾意遊覽自然景觀,城市風貌,展覽館/博物館,戶外活動, 住宿通常會揀3星酒店。
留言  留言給此旅遊家
  遊記數目 42
  上載相片 256
  上載影片 0
最近分享過的旅程
地震翌日京都大阪之旅
國家/地點: 日本
旅程日期: 2011-03-12 至 2011-03-18
為食之旅@台北台中
國家/地點: 台灣
旅程日期: 2010-03-31 至 2010-04-05
德國+瑞士之freezing trip 1
國家/地點: 德國
旅程日期: 2008-12-27 至 2009-01-05
德國+瑞士之freezing trip
國家/地點: 瑞士
旅程日期: 2008-12-28 至 2009-01-05
東京箱根忙look 5 日遊~
國家/地點: 日本
旅程日期: 2009-04-25 至 2009-04-29
為食之旅@台北台中 (台灣)
(旅程日期: 2010-03-31 至 2010-04-05 ,  旅程性質: 飲食購物, 消閒度假)
發表日期: 2010-04-13

為左避免復活節既人潮, 我同男友31號就出發, 乘塔長榮航空11:10班機由香港去桃園機場啦~

12:35就到達, 比原定既12:50要早, 機上既午餐同大部份既一樣 – 一點都入唔到口呢!

我地乘坐乘國光客運(NT125), 約50分鐘就到台北車站了!

酒店外面
酒店外面

不過酒店真係幾細, 有點似日本既酒店, 除左床之外就係洗手間, 只可打開一個行李, 打開2個都唔得! 另外佢冇上網, 有點唔方便! 而且亦沒有早餐提供, 要自己出去食呢~

整體酒店都算衛生, 不過最後一晚發現洗手間沖唔到水,但酒店話房間己滿, 唔可以幫我地換, 又要第日先搵到人幫我地整….好彩第日我地都走, 不過service唔算十分好啦~

下次再去我唔會住呢間, 雖然真係好方便同平, 不過真係細左d呢!

每晚價錢: 2200新台幣 (雙人房)
其他消費: -
評分: 設備3   服務2   環境3   衛生3   抵住4
  0 個留言    |  加入你的留言
發表日期: 2010-04-13

Check in 完已經係2點半, 原本打算食既意大利餐已經做緊tea set冇得食lunch, 原來台灣有好多店下午係做cake set, 冇lunch食既呢

問左2-3間都係敢…

唯有去三越food court 食啦, 行左一個圈都冇特別吸引既野食, 就選左一間好似有台式風味既試試~

差
蝦仁肉圓
蝦仁肉圓
唔好食...
唔好食...

叫左一個set, 有招牌蝦仁肉圓, 芋頭果, 排骨湯, 不一會就整好了, 相信係一早整好的呢

芋頭果 – 原來係好多芋頭整成, 好似蒸既芋絲糕呢, 佢淋左d汁上去, 好傑的, 唔係太好味…

蝦仁肉圓 – 我未食過蝦仁肉圓, 唔知應該係點既呢~ 佢個皮好似粉果既皮, 都幾煙”un”既, 不過d汁又係芋頭果既汁, 所以個味好似一樣呢~

排骨湯 – 見到油油的湯已經唔係好想飲, 一飲, 好多味精呢! No way…
每人消費: 約120新台幣 (下午茶)
評分: 味道2   服務3   環境3   衛生2   抵食4
  0 個留言    |  加入你的留言
發表日期: 2010-04-13

食完就由台北車站出發去淡水啦! 捷運35分鐘度就到了~好方便呢~

日落好靚啊
日落好靚啊
由情人橋望上橋頂
由情人橋望上橋頂
好多人買手信呢
好多人買手信呢

見到一幢的starbucks行入去就係淡水老街, 沿途2旁都係唔同既小食同手信呢! 而且有好多香港人去, 四圍都係講廣東話啊!! 我地慢慢行, 都行左成個鍾呢~ 我地一路一路好多人叫賣, 都有買到d南瓜酥做手信呢! 

出面對岸既另一條街望住個海, 可以望到日落呢! 景觀唔錯! 我地等左20分鐘船塔去情人橋, 不過船上好大風, 吹到要入室內呢! 情人橋只係普通一條行人橋, 過情人橋只要約5分鐘呢! 情人橋兩旁係餐廳, 如果有時間一路食野一路欣賞景色都唔錯呀! 

我地睇完日落就塔返26巴士去返淡水捷運站, 大約15分鐘就到了~

推介項目: 睇日落
參觀時段: 下午
評分: 值得去3  
出名既可口魚丸, nt30有4大粒
出名既可口魚丸, nt30有4大粒

淡水老街大約行20分鐘就見到出名既可口魚丸, nt30有4大粒, 不過我覺得唔係好彈牙呢! 我覺得香港d魚蛋有魚味d啊! 魚丸其實係包心既, 入面有d肉+汁, 食既時候要小心啊~

每人消費: 約30新台幣 (下午茶)
評分: 味道2   服務2   環境2   衛生3   抵食3
  0 個留言    |  加入你的留言
發表日期: 2010-04-14

上次去台灣冇去度小月, 好似差左d野敢, 今次專程去返呢! 果然好味啊! 我地去民權西路分店, 一出捷運民權西路站, 經過臨臨總總既婚紗店, 行大約10分鐘就到了!!

好味滷水豬手
好味滷水豬手
一入去有個位係有個人坐著整緊麵線呢
一入去有個位係有個人坐著整緊麵線呢

今次係第一次食度小月, 一入去有個位係有個人坐著整緊麵線, 好有舊式既風味呢! 餐牌上好多食物都想試, 奈何我地得2個人, 唯有只試下招牌菜啦! 擔仔麵係招牌, 不過我鐘意食米粉多點, 所以叫左擔仔米粉呢~ 加左一隻滷水蛋呢! 另外叫了滷水豬手, 肉燥飯, 蕩青菜, 最好味係米粉, 佢加左肉碎及芽菜, 配上幼幼的新竹米粉, 真的很香啊! 而滷蛋亦十分入味! 滷水豬手也不錯, 滷水味濃豬手淋, 推介!!

最後因為太好味要加多隻粽試試, 粽細細隻已經有哂栗子, 蛋黃, 冬菇同肥肉, 比香港吃到的要豐富呢~

好開心的一餐, 可能因為之前2餐都唔悏意吧!

推介菜式: 擔仔米粉, 滷水蛋
每人消費: 約200新台幣 (晚餐)
評分: 味道4   服務3   環境3   衛生3   抵食3
  0 個留言    |  加入你的留言
發表日期: 2010-04-14

由於酒店沒有早餐供應, 第2日朝早就去行下睇下有冇早餐食啦

幾好hea既cafe 笑臉2010-04-14
厚多士好厚呀
厚多士好厚呀
肉鬆蛋袋餅
肉鬆蛋袋餅

行左2條街都冇乜好靚既coffee shop, 就入去左周圍都有既丹提咖啡試試啦!

叫左2份早餐, 各包一杯野飲, 早餐套餐均附50元飲料, 叫latte都得呢, 真係抵!

1) 鮮奶厚片早餐nt60, 個toast好厚呀! 不過我掛住映相食時已經凍左少少呢~ 不過整體都ok既!

2) 肉鬆蛋袋餅nt80, 好似係wrap, 入面有肉鬆, 呢個幾特別, 香港冇食過呢! 好味呀!
配上latte及朱古力各一杯, 不過不失, 不過呢度環境舒服, 唔太多人又唔貴, 係早餐好選擇呢!

(題外話: 我地同另一對旅行既新加坡夫婦傾左陣, 佢地住華華既, 有得派呢度既早餐卷呢)

推介菜式: 肉鬆蛋袋餅
每人消費: 約70新台幣 (早餐)
評分: 味道3   服務3   環境4   衛生3   抵食4
  0 個留言    |  加入你的留言
發表日期: 2010-04-21

食過早餐就出發去信義區既市政府啦! 呢個站有很多景點 - 不同的新光三越館、誠品書店、仲有neo19同101呢~ 

出2號出口行去車站後面就係誠品旗艦店書店,出面有很多幾米的擺設呢!

誠品旗艦書店是一整座的,好像有6層,十分大呢!

地下是售賣傢俱的,擺放暮不同精品傢俱,好布設計風氣啊~

之後每層都行一行,真係好多書,仲有分開唔同的主題,好像是日本館、電影館、藝術館等等,而且擺放得十分疏落,比香港的書店要好行好多呢~

最後買左本香港未見過既旅遊書,相信如果有時間,可以o向呢度消磨一整天呢!

行完之後去新光三越, 分開A4, A11, A8 同A9館,不過賣既野差不多,我地主要去b1睇食物買手信,買左小林煎餅同新東陽呢! 反而上面既化妝品比香港要貴,可以唔駛去了...

參觀時段: 早上
入場價錢: 每人0新台幣
評分: