今次去台北，第三次了，之前兩次都是住Just Sleep西門同森林店。服務好好的，只是間房太細，特別是森林店那間。今次本著HEA的心態同仔仔去畢業旅行（考完DSE)，所以係網上搵下有邊間又大又正房間的飯店，又要不是太過出名，因為怕太多有錢人入住。終於搵咗這間標榜COZZI 24保證套房房客住房24小時時長，但原來這個優惠只適用於住一日的住客。住多一日都冇著數，好似我咁十二點到，要等到三點才有房。退房那日要十二點，不能遲，如遲咗要給附加費。但我之前住的JS雖然沒有標明，但只要佢有房，就立即比我房我，不會斤斤計較囉。
我住十二樓最高那層，所以不太嘈，但係個冷氣就非常嘈，特別是剛開的時間。房間比飯店網站的相片細，如帶大行李箱，在收拾時會阻到同房的人走動。生果只限入住第一日有，而飲品就日日三罐。房內的設施足夠，亦夠光亮，清潔度亦OK。但有一樣是非常不滿的，是入住當日要簽一張VISA收據，大約台幣NTD3,000。佢話用來做保證金用，但到我走當日做Check Out時，佢地冇交回給我。到我問時，才話不會交回成套收款給我。會在當晚做Cancel pre-paid，我即時覺得好過份。因為我去咁多次旅行都未試過簽guarantee會變咗pre-paid囉，重要係問佢，佢地才解釋這件事。唉...真係一定冇下次，何妨台北咁多飯店，我會住回西門那邊或試吓八方好過。

我是浩浩媽, 因為沒有了雅虎BLOG, 所以要在這裡寫了。因為不會忽然乜網誌都冇清。

今次講返酒店早餐先，上一篇介紹了酒店住宿的好與壞後。就緊係到早餐啦，佢同大多數台北酒店一樣，是提供自助早餐的。除咗早餐外，還有10:00至23:00的汽水、橙汁、咖啡機和餅餅任飲和任食添。不過種類就少咗些和有些問題的，我會下個遊記寫的。
早餐方面，平日佢由06:30至10:00供應，而星期六或日就供應到12:00。質數方面，我都係喜歡捷絲那邊，一來自由些（這間和逸，每日都係門口見到妳就會問妳房間號碼，但我住過二間Just Sleep，我去咁多日都未比人問過，我通常一早去兩次，一次自己食，一次陪仔仔食）。另這裡種類少，又幾不衛生的。佢Ｄ鮮奶和橙汁，從未見過有蓋的，又沒有放入雪櫃，真的好不衛生的。 
款少之外，重要日日都係那幾款。味道好一般，Ｄ腸好硬的，而那日日都見的肉燥更是油得緊要。攪到我日日都是食多士加蛋等等，其它盡量少食。 

上篇寫到，這裡除咗早餐外，還會在10:00至23:00提供免費小食和飲品（酒款要另外付款）。雖然只是汽水、咖啡和餅食等。但對有小朋友的住客來講，都是幾好的。而佢係19:00至20:00，還有小食提供，雖則只得幾款，晚晚差不多。但對這間酒店附近，除咗地下的餐廳外，要行幾分鐘至十幾分鐘才有餐廳食店的地方來講，叫做好好了。不過記得不要飲橙汁，因為冇蓋的。還有，這間酒店不是太多人住，所以有一晚的19:00至20:00，只得我和仔仔包場食。另一晚就多咗些台灣人住，但係，都只是二十幾人食。

上年去台北食過咖啡弄的草莓鬆餅後，好想再食。但是香港分店要排隊等個幾兩個鐘都未必有位，所以今次去台北，又想食咖啡弄了。但偏偏係未去到咖啡弄時，係SOGO見到米朗琪，重要係冇人排隊。所以就緊係食咗先啦，因為我冇記錯，上年我係咖啡弄門口排咗半小時隊才有位。其實他們賣的鬆餅同咖啡弄差不多一樣，只是少咗個草莓雪糕球（唉，仔仔話早知冇就唔食喎），其它嘢差不多。一坐下就睇Menu，都幾多嘢選擇。最後要咗兩個鬆餅，同兩杯冰沙飲品。其實我地係酒店食完早餐都冇兩小時，所以我有問過仔仔，兩個鬆餅會不會太多。但佢話唔會，一定食得到，所以....叫了。嘩，Ｄ食物和飲品，逐一逐一送上來時，真是見到都開心。點解咁講，因為同相片上的相，差不多全部一樣的。比香港Ｄ餐廳好好多，香港那些真的是貨不對辦的。食到大半，仔仔已經食不到，我還好，重食得哂。最後要包走一件和一粒草莓，佢地連包走都用好靚的透明膠盒包好放入紙袋比妳帶走，真是好細心的。今餐真是食得好滿足，好味道...正。

自助烏冬，第一次食的時候是十年前係涉谷食過，當年我個仔都只係八歲。之後都係新宿食過一、二次，今次去台北，係冇選擇下，食了。而香港的，一次都冇食過，點解，咪因為我好少去九龍那邊囉。點解今次會係台北食，都是因為那天台北車站有示威。超多人係那邊搵食，所以差不多好食的店舖都排長龍，冇位。而仔仔又想食湯麵等食物，最後，我地才係新光三越Food Court搵到這間烏冬食。這裡雖然人多，但都搵到兩個座位。之後我就去買嘢食了，好似日本咁，先要咗想食的烏冬，再選食什麼炸物。原想食木筒的，但又不想食豉油，所以都係叫返湯烏冬好過。見仔仔冇乜點食過嘢，所以叫咗碗大牛肉湯烏冬比佢，自己就要咗個細湯烏冬。見下午才食完MOS Burger的炸薯條，所以就只要咗三件炸蝦、一件炸鯛魚和一件炸蕃薯。買完後，就乜配料都冇加，只攞多二杯水就返位食。這裡的讚岐烏冬都ok彈牙，個湯幾清，味道都可以接受。而炸天婦羅方面，炸蝦好ok，好彈牙又爽。塊炸鯛魚最正，魚好新鮮好滑，好好味。塊蕃薯都幾好，夠甜夠粉。下次再來時，一定再食，食完後好飽，之後就坐車返飯店了。

去咗三次台北，除咗早餐外，都未食過自助型式的午餐、下午茶、晚餐或宵夜等。今次終於破例了，點解，咪因為那日原來諗著去上引水產食午餐的。點知去到後，見到個環境和嘢食後。仔仔話點都不會係度食，所以就去咗這裡食下午茶自助餐了。（上引水產那裡，等我寫完今餐和下餐後，才寫）點解會選這裡，因為曾見過人家網誌話這裡幾好食，所以咪試吓囉。15:00去到，門口位服務生問我地有沒有訂位，我地話冇。但好好彩，重有大把位，不過佢還問咗另一樣嘢。因為下午茶是14:30至16:30，我地遲咗35分鐘，佢問我地趕不趕得切食。我地緊係冇問題啦，重有差不多一小時二十分鐘，我地夠時間食了。阿仔一坐下，就叫我出去攞嘢食，因為我知佢食乜嘢，唉同做阿四冇乜分別。。。之後攞咗幾款食物回來比佢食，佢食完後，跟著就差不多只叫我攞那款食物。其它的就只食甜品了。那樣係乜嘢，咪係鹽燒魚鮫囉。佢話超好味，肉又多，又香又滑，好正。佢差不多食咗十件，佢重話，下次再來台北，一定要再來這裡食喎。這裡其實好多冷熱嘢食的，甜品超多款式，同係香港食自助午餐份量和款式差不多。但價錢就好OK囉。這裡食個下午茶自助餐都只係台幣540一位，再加10%附加費，即是台幣六百一位。計回港幣都只是一百六十，係香港下午茶要有三文魚任食的話，最少都二百啦。

大戶屋，我又係每次去台北都食的店舖。但今次食完後，應該冇下次了。點解，因為服務生態度個個不同。話說我今次假期，去咗二日台北車站那邊搵食。第一日晚，我去這裡搵位，佢話我冇訂位，而又太多人等緊walk-in。所以佢叫我不用等喎，連登記都唔比。不是話，現在只是八點咋。而且佢網站寫明星期五至日是沒有訂位服務的，咁點解話我冇訂位就不比我排隊。唔通因為我不識講普通話，所以就唔比我食。所以我係走個日又來了，不過今次是下午14:00後。今次好好了，不用排隊直入，個服務生重比我自己搵座位坐，真好人。坐下後，就睇下今次食乜好。我個仔，不用問了，佢只會食大戶屋招牌定食或炸豬里肌肉排定食的。上次食咗招牌定食，所以今次佢食炸豬里肌肉排定食。而我重衰次次都只食雞排醬蓋飯+木盒烏龍麵，點解，咪因為我想食烏冬囉。但今日好開心，點解，咪因為有另一個新款代替囉。係乜，咪係炭烤豬肉蓋飯+木盒烏龍麵囉。另外我地加咗台幣70元，換咗個法式豆奶凍聖代。坐咗一陣，食物就送上來了。今次的食物質數差咗，阿仔話塊豬扒好多肥膏，好油，唔好食。而我個烏冬都差咗，可能前幾日係丸亀食完。所以有比較啦，這裡好似冇咁彈牙同滑囉。而碗飯就細咗，肉就少咗些，燒汁亦沒有太多，所以不太好食。而個聖代裡面個抹茶雪糕，好濃抹茶味，好苦囉，可能我地唔慣食茶味重的嘢。而個雲尼拿雪糕就好好味，ｄ紅豆都好ok，但ｄ豆奶凍幾硬，又不爽，又不滑，不好味的。如果有特價都可以一試，但比原價就不用了，不值囉。

85度C是我和仔仔每次去台北都會食的蛋糕店，特別是我們每次去西門時，都會專登去食。點解，因為佢地蛋糕外觀好靚，款式又多，味道都好好，價錢都叫平。但佢地ｄ飲品就不好了，朱古力冇乜味的，特別是沙冰，熱飲叫好少少。但今次我地諗著幫襯離酒店十至十五分鐘路程的24小時店，所以冇係西門食。但今次捉蟲了，這間24小時，座位好少。我地當日晚上九點前到，只得好少款式，只剩得大路的芝士蛋糕和朱古力蛋糕款。而且外觀重好差，好似不新鮮的。所以我地只買咗四件外賣就走了，佢附近有好多細細間的台式小食店，有興趣可以一試的。返到酒店，打開一睇，ｄ蛋糕好似溶溶地，不是話。之後我地已經立即食，但味道同係西門食差好多。芝士蛋糕冇乜芝士味，而朱古力蛋糕都冇之前咁濃。都唔知是個廠有問題，定我地偏見囉。下次都係返西門食好些了，重要是堂食添。除咗頭兩張相片是今次外賣的蛋糕相，其餘的都是上年係西門店影的。

上引水產，這個地方，每次去台北都想去。但又不想專登去，因為附近冇乜其它景點今次因為住的酒店好近這裡，所以才會去，重想係度食午飯。係酒店跟著地圖行，沿著高速公路天橋底行。沿途都有ｄ細細間食店，但過咗橋底後，就只剩維修汽車等等店舖。去到門口一望，嘩，原來好細咋。重要超多人，有好多都是香港人添。ｄ人食嘢，不是企係門口，就是坐係門口ｄ梯級上。我地見到後，真係想立即走，但是一場來到，冇理由唔到此一遊啫。所以就行去入口處，係入口處到，有兩個護衛會叫妳張開雙手，之後係上面噴消毒藥水。噴完妳才可以入去裡面，一入到去，第一眼就望到十幾個藍色的大缸。不是透明的，只能從上面望入去。這裡十幾缸，差不多有幾個是蟹，幾個是象拔蚌，其它的就是帶子、魚等等。ｄ海鮮好新鮮，不過價錢都幾貴，所以我地冇諗過買和食。之後行咗去立食，和超級市場那邊，這裡都係超多人的。我地見好多人係度立食，但我地又係唔想食。點解，因為一來要排隊等才有得食，二來如果食壽司套餐，套餐那十件壽司不是自己選的。所以未必合胃口，合胃口的，又可能唔夠新鮮。所以我地最終都係冇食，亦冇買其它嘢就走了。點解，因為我地已經決定去欣葉食自助下午茶，亦諗著要買其它嘢，不如係新光三越買好過。係呀，順帶一提，佢對面是台北市濱江果菜批發市場。裡面有好多生果買的，雖然好靚好新鮮，但都幾貴囉，不過都可以行吓的。