黑雨
我是黑雨。 我是一名學生。 我最喜愛到日本,台灣,韓國旅遊 , 最鍾意遊覽動物園/植物園/水族館,公園/遊樂場/渡假區, 住宿通常會揀3星酒店,4星酒店。
留言  留言給此旅遊家
  遊記數目 13
  上載相片 98
  上載影片 0
最近分享過的旅程
首爾食
國家/地點: 韓國
旅程日期: 2015-08-30 至 2015-08-31
台北四天HEA遊
國家/地點: 台灣
共找到 13 篇遊記, 正顯示第 1 至 10 篇遊記
首爾食 (韓國)
(旅程日期: 2015-08-30 至 2015-08-31 ,  旅程性質: 消閒度假)
 整個旅程  (共3篇遊記)
 分享至Facebook 
發表日期: 2015-09-18
飯捲天國
綜合飯卷 哭臉2015-09-18
店內似家庭式
店內似家庭式
牆上的餐牌
牆上的餐牌
牆上的餐牌
牆上的餐牌
阿朱媽做緊飯卷
阿朱媽做緊飯卷
不好味的飯卷
不好味的飯卷
外觀差,味重差
外觀差,味重差

今次去旅行,食咗三條飯卷,其中一條是自己在跟團的一個景點自己試製的。但原來自己製的比這間連鎖式的飯捲天國還好食,真的好好笑。話說跟這個團,所有晚餐都是自己出去食的。其實都幾好的,因為我食量少,跟團都食不到太多嘢。自己食反而可以乜都試吓,或食自己想食的食店,而這間飯捲天國就是其中一間我想去食的食店。佢好近,就在我酒店對面,不過環境就不是太好。門面差,裡面的枱面都是油油地的。只得二個人做嘢,個男主人就負責落單、樓面和送外賣。而位阿朱媽就負責烹煮食物,和樓面等等。我坐下後,已即時落單要了一個綜合飯卷。這款飯卷是飯卷類最貴那種,因為應該是乜料都有的(我諗)。點知都要等十分鐘,點解,因為個男人走了,只得阿朱媽一個囉。而店內,有三位人叫咗嘢等食。其中二位的麵要煮,飯卷是一早包起的,所以只是攞過去。而我都算好彩了,我叫的飯卷是即造的,所以要等佢攪完那二位食客後才到我。飯卷一放上枱,已經切好在碟內。個樣不太好,闊度又大又細。唉中伏,原來有泡菜的,我唔食的,慘。但好在佢D料是不平均的,泡菜只在頭三塊,後面是沒有的。而其它料都只得少少,味道真的太差。唉,只能一淡水,送一塊飯卷,好辛苦才食完。

 

順帶一提,千萬不要好似我咁,不想浪費附送的那碟泡菜。叫佢不用送上枱,點知佢地就連那碗附送的清湯都不給我呢。

 

下次想食飯卷,都是返首爾站樂天超級市場好過。那邊好味好多。。。。

推介菜式: 冇
每人消費: 約4000韓圓 (晚餐)
評分: 味道1   服務1   環境1   衛生1   抵食1
  0 個留言    |  加入你的留言
首爾食 (韓國)
(旅程日期: 2015-08-30 至 2015-08-31 ,  旅程性質: 消閒度假)
 整個旅程  (共3篇遊記)
 分享至Facebook 
發表日期: 2015-09-18
超市內的即製飯卷
食物的介紹
食物的介紹
好想試這個超平的松子飯卷
好想試這個超平的松子飯卷
網上話好好味的餃子
網上話好好味的餃子
等燈著
等燈著
好好味的芝士飯卷
好好味的芝士飯卷
只需Won4,500
只需Won4,500
每次去旅行前都會上網搵資料,自從冇咗雅虎BLOG(自已的BLOG都冇咗了)後。好多時都只睇到台灣人去完旅行寫的網誌,香港人寫的就好難搵到了。今次明知會去首爾站,所以又上去搵料。見到有幾個話樂天超級市場內有一間好出名的餃子飯卷店,所以就去試下。我當日十點幾去到,好好彩,不用排隊。因為太早,肚不是太餓,所以只要一條飯卷。見人人都話這裡的芝士飯卷好好味,所以就要了這款。附了錢,攞著個燈和收條,就搵位坐。這裡只有六個單排的座位,好好彩,我坐第三個位。因為即製,而我前面原來有幾個人買咗外賣,所以都等咗幾分鐘。燈著了,到我攞了。佢地用一個木盤裝著一碟已經切好的飯卷和附送一碗清湯比我。我攞到後就坐回自己個位,其實只是企起身攞。每塊飯卷大細差不多,好在我個口夠大,都塞到入口。入口後好怪,有芝士、有甜核桃、有紅蘿蔔絲、有青瓜絲和白蘿蔔絲,再配上有芝麻油的飯。但食食吓,又覺得好好味,芝士味好濃好軟,甜核桃有咬口,蘿蔔絲又夠爽,真的幾配合的。碗湯就麻麻,只能當熱茶飲。食完後好飽好滿足,但真係好後悔,我應該食餃子,外賣這個返酒店做午餐。現在只能行過後面個座位時望著台灣人食餃子,冇錯,我後面坐的正正是三位台灣少女。
推介菜式: 芝士飯卷
每人消費: 約4500韓圓 (早餐)
評分: 味道4   服務3   環境2   衛生3   抵食3
  0 個留言    |  加入你的留言
首爾食 (韓國)
(旅程日期: 2015-08-30 至 2015-08-31 ,  旅程性質: 消閒度假)
 整個旅程  (共3篇遊記)
 分享至Facebook 
發表日期: 2015-09-08
不知是否不同店有不同優惠.
好味的雪糕
好味的雪糕
要叫才有人理會
要叫才有人理會
都叫乾淨
都叫乾淨
等佢著燈
等佢著燈
不過不失的Waffle
不過不失的Waffle
要等佢溶
要等佢溶
單據
單據
優惠詳情
優惠詳情
話說今次是跟團去旅行,其實應該冇乜嘢好寫的。但有一日是自由行,所以都食咗兩三間想食的食店。其中一間就是這間了,其實兩年前食過一次。今次去咗另一間分店食,我重專登去咗某網站印咗張八折券去用。自由活動當日的下午,專程去明洞這間分店食。去到門口,要行一層樓才上到去。(不知有沒有電梯的,我就見不到了)入到去先拍下想食的食物,之後去付款。係落單前先交出打印的優惠券,點知收錢時見到有問題,因為Waffle沒有八折。問收銀點解,佢話有雪糕的Waffle是沒有折扣的。佢問我還要不要,我緊係要啦,冇雪糕的Waffle不好食的。好在韓幣跌咗好多,所以食了兩樣食品都只是一百港幣咋。今次個Waffle好怪,咸咸地的,好在配咗個士多啤梨雪糕食。如果只靠幾件生果和好似水的忌廉,咁就不好味了。而那杯沙冰,真的麻麻。好在我食完個Waffle才食,所以那些冰已溶咗一半,同芒果汁混在一起。食落都OK。但如果好似其他人咁食法,可能食到一半就只剩下那些冇味冰沙,咁就好難食到尾了。

**如果想食好味的Waffle都係去台北的咖啡店食,真的好味好多。
推介菜式: 有雪糕的Waffle。
每人消費: 約100港元 (下午茶)
評分: 味道3   服務2   環境3   衛生2   抵食3
  0 個留言    |  加入你的留言
台北四天HEA遊 (台灣)
旅程性質: 畢業旅行
 整個旅程  (共10篇遊記)
 分享至Facebook 
發表日期: 2014-06-16
超多人
超多人
正
如果屋企係附近就好,火鍋料幾平。
如果屋企係附近就好,火鍋料幾平。
蟹腳
蟹腳
好似幾新鮮
好似幾新鮮
如果我家姐係度,就一定買囉。好肥,好新鮮呀,價錢合理。
如果我家姐係度,就一定買囉。好肥,好新鮮呀,價錢合理。
乾貨都有。
乾貨都有。
上引水產,這個地方,每次去台北都想去。但又不想專登去,因為附近冇乜其它景點今次因為住的酒店好近這裡,所以才會去,重想係度食午飯。係酒店跟著地圖行,沿著高速公路天橋底行。沿途都有d細細間食店,但過咗橋底後,就只剩維修汽車等等店舖。去到門口一望,嘩,原來好細咋。重要超多人,有好多都是香港人添。d人食嘢,不是企係門口,就是坐係門口d梯級上。我地見到後,真係想立即走,但是一場來到,冇理由唔到此一遊啫。所以就行去入口處,係入口處到,有兩個護衛會叫妳張開雙手,之後係上面噴消毒藥水。噴完妳才可以入去裡面,一入到去,第一眼就望到十幾個藍色的大缸。不是透明的,只能從上面望入去。這裡十幾缸,差不多有幾個是蟹,幾個是象拔蚌,其它的就是帶子、魚等等。d海鮮好新鮮,不過價錢都幾貴,所以我地冇諗過買和食。之後行咗去立食,和超級市場那邊,這裡都係超多人的。我地見好多人係度立食,但我地又係唔想食。點解,因為一來要排隊等才有得食,二來如果食壽司套餐,套餐那十件壽司不是自己選的。所以未必合胃口,合胃口的,又可能唔夠新鮮。所以我地最終都係冇食,亦冇買其它嘢就走了。點解,因為我地已經決定去欣葉食自助下午茶,亦諗著要買其它嘢,不如係新光三越買好過。係呀,順帶一提,佢對面是台北濱江果菜批發市場。裡面有好多生果買的,雖然好靚好新鮮,但都幾貴囉,不過都可以行吓的。
推介菜式: 超市三文魚
每人消費: 約0新台幣 (午餐)
  0 個留言    |  加入你的留言
台北四天HEA遊 (台灣)
旅程性質: 畢業旅行
 整個旅程  (共10篇遊記)
 分享至Facebook 
發表日期: 2014-06-13
差
個盒好細,剛剛好。
個盒好細,剛剛好。
西門店,好多款式選擇。
西門店,好多款式選擇。
正,樣靚,味道都好好味的。
正,樣靚,味道都好好味的。
件件都好靚的。
件件都好靚的。
重有店舖推薦。
重有店舖推薦。
件件都好好味。
件件都好好味。
芝士最好,正。
芝士最好,正。
85度C是我和仔仔每次去台北都會食的蛋糕店,特別是我們每次去西門時,都會專登去食。點解,因為佢地蛋糕外觀好靚,款式又多,味道都好好,價錢都叫平。但佢地d飲品就不好了,朱古力冇乜味的,特別是沙冰,熱飲叫好少少。但今次我地諗著幫襯離酒店十至十五分鐘路程的24小時店,所以冇係西門食。但今次捉蟲了,這間24小時,座位好少。我地當日晚上九點前到,只得好少款式,只剩得大路的芝士蛋糕和朱古力蛋糕款。而且外觀重好差,好似不新鮮的。所以我地只買咗四件外賣就走了,佢附近有好多細細間的台式小食店,有興趣可以一試的。返到酒店,打開一睇,d蛋糕好似溶溶地,不是話。之後我地已經立即食,但味道同係西門食差好多。芝士蛋糕冇乜芝士味,而朱古力蛋糕都冇之前咁濃。都唔知是個廠有問題,定我地偏見囉。下次都係返西門食好些了,重要是堂食添。除咗頭兩張相片是今次外賣的蛋糕相,其餘的都是上年係西門店影的。
推介菜式: 芝士蛋糕
每人消費: 約84新台幣 (晚餐)
評分: 味道2   服務2   環境2   衛生2   抵食3
  0 個留言    |  加入你的留言
台北四天HEA遊 (台灣)
旅程性質: 畢業旅行
 整個旅程  (共10篇遊記)
 分享至Facebook 
發表日期: 2014-05-29
越做越差 ok喇2014-05-29
好一般的炸豬扒飯
好一般的炸豬扒飯
不似炭烤的豬肉定食
不似炭烤的豬肉定食
又細又少汁的豬肉飯
又細又少汁的豬肉飯
不彈牙的凍烏冬
不彈牙的凍烏冬
法式豆奶凍聖代
法式豆奶凍聖代
法式豆奶凍聖代
法式豆奶凍聖代
要收10%服務費的
要收10%服務費的
冇乜人的食品店
冇乜人的食品店
大戶屋,我又係每次去台北都食的店舖。但今次食完後,應該冇下次了。點解,因為服務生態度個個不同。話說我今次假期,去咗二日台北車站那邊搵食。第一日晚,我去這裡搵位,佢話我冇訂位,而又太多人等緊walk-in。所以佢叫我不用等喎,連登記都唔比。不是話,現在只是八點咋。而且佢網站寫明星期五至日是沒有訂位服務的,咁點解話我冇訂位就不比我排隊。唔通因為我不識講普通話,所以就唔比我食。所以我係走個日又來了,不過今次是下午14:00後。今次好好了,不用排隊直入,個服務生重比我自己搵座位坐,真好人。坐下後,就睇下今次食乜好。我個仔,不用問了,佢只會食大戶屋招牌定食或炸豬里肌肉排定食的。上次食咗招牌定食,所以今次佢食炸豬里肌肉排定食。而我重衰次次都只食雞排醬蓋飯+木盒烏龍麵,點解,咪因為我想食烏冬囉。但今日好開心,點解,咪因為有另一個新款代替囉。係乜,咪係炭烤豬肉蓋飯+木盒烏龍麵囉。另外我地加咗台幣70元,換咗個法式豆奶凍聖代。坐咗一陣,食物就送上來了。今次的食物質數差咗,阿仔話塊豬扒好多肥膏,好油,唔好食。而我個烏冬都差咗,可能前幾日係丸亀食完。所以有比較啦,這裡好似冇咁彈牙同滑囉。而碗飯就細咗,肉就少咗些,燒汁亦沒有太多,所以不太好食。而個聖代裡面個抹茶雪糕,好濃抹茶味,好苦囉,可能我地唔慣食茶味重的嘢。而個雲尼拿雪糕就好好味,d紅豆都好ok,但d豆奶凍幾硬,又不爽,又不滑,不好味的。如果有特價都可以一試,但比原價就不用了,不值囉。
每人消費: 約351新台幣 (午餐)
評分: 味道2   服務2   環境2   衛生2   抵食2
  0 個留言    |  加入你的留言
台北四天HEA遊 (台灣)
旅程性質: 畢業旅行
 整個旅程  (共10篇遊記)
 分享至Facebook 
發表日期: 2014-05-27
鹽燒魚鮫好正
鹽燒魚鮫好正
三文魚好味
三文魚好味
自家製雪糕
自家製雪糕
好多甜品款
好多甜品款
好多甜品款
好多甜品款
好多甜品款
好多甜品款
好多甜品款
好多甜品款
價錢屬平了
價錢屬平了
去咗三次台北,除咗早餐外,都未食過自助型式的午餐、下午茶、晚餐或宵夜等。今次終於破例了,點解,咪因為那日原來諗著去上引水產食午餐的。點知去到後,見到個環境和嘢食後。仔仔話點都不會係度食,所以就去咗這裡食下午茶自助餐了。(上引水產那裡,等我寫完今餐和下餐後,才寫)點解會選這裡,因為曾見過人家網誌話這裡幾好食,所以咪試吓囉。15:00去到,門口位服務生問我地有沒有訂位,我地話冇。但好好彩,重有大把位,不過佢還問咗另一樣嘢。因為下午茶是14:30至16:30,我地遲咗35分鐘,佢問我地趕不趕得切食。我地緊係冇問題啦,重有差不多一小時二十分鐘,我地夠時間食了。阿仔一坐下,就叫我出去攞嘢食,因為我知佢食乜嘢,唉同做阿四冇乜分別。。。之後攞咗幾款食物回來比佢食,佢食完後,跟著就差不多只叫我攞那款食物。其它的就只食甜品了。那樣係乜嘢,咪係鹽燒魚鮫囉。佢話超好味,肉又多,又香又滑,好正。佢差不多食咗十件,佢重話,下次再來台北,一定要再來這裡食喎。這裡其實好多冷熱嘢食的,甜品超多款式,同係香港食自助午餐份量和款式差不多。但價錢就好OK囉。這裡食個下午茶自助餐都只係台幣540一位,再加10%附加費,即是台幣六百一位。計回港幣都只是一百六十,係香港下午茶要有三文魚任食的話,最少都二百啦。
推介菜式: 鹽燒魚鮫
每人消費: 約600新台幣 (下午茶)
評分: 味道5   服務3   環境4   衛生3   抵食4
  0 個留言    |  加入你的留言
台北四天HEA遊 (台灣)
旅程性質: 畢業旅行
 整個旅程  (共10篇遊記)
 分享至Facebook 
發表日期: 2014-05-27
丸亀製麵 笑臉2014-05-27
烏冬位
烏冬位
烏冬過凍水
烏冬過凍水
每份一樣重,因為量過的。
每份一樣重,因為量過的。
炸物位
炸物位
好味烏冬炸物
好味烏冬炸物
好多選擇
好多選擇
配料有....
配料有....
美味吃法指導
美味吃法指導
自助烏冬,第一次食的時候是十年前係涉谷食過,當年我個仔都只係八歲。之後都係新宿食過一、二次,今次去台北,係冇選擇下,食了。而香港的,一次都冇食過,點解,咪因為我好少去九龍那邊囉。點解今次會係台北食,都是因為那天台北車站有示威。超多人係那邊搵食,所以差不多好食的店舖都排長龍,冇位。而仔仔又想食湯麵等食物,最後,我地才係新光三越Food Court搵到這間烏冬食。這裡雖然人多,但都搵到兩個座位。之後我就去買嘢食了,好似日本咁,先要咗想食的烏冬,再選食什麼炸物。原想食木筒的,但又不想食豉油,所以都係叫返湯烏冬好過。見仔仔冇乜點食過嘢,所以叫咗碗大牛肉湯烏冬比佢,自己就要咗個細湯烏冬。見下午才食完MOS Burger的炸薯條,所以就只要咗三件炸蝦、一件炸鯛魚和一件炸蕃薯。買完後,就乜配料都冇加,只攞多二杯水就返位食。這裡的讚岐烏冬都ok彈牙,個湯幾清,味道都可以接受。而炸天婦羅方面,炸蝦好ok,好彈牙又爽。塊炸鯛魚最正,魚好新鮮好滑,好好味。塊蕃薯都幾好,夠甜夠粉。下次再來時,一定再食,食完後好飽,之後就坐車返飯店了。
推介菜式: 炸蝦天婦羅、炸鯛魚等炸物
每人消費: 約200新台幣 (晚餐)
評分: 味道4   服務2   環境2   衛生2   抵食3
  0 個留言    |  加入你的留言
台北四天HEA遊 (台灣)
旅程性質: 畢業旅行
 整個旅程  (共10篇遊記)
 分享至Facebook 
發表日期: 2014-05-27
正
大大包粗薯條
大大包粗薯條
正
正
足料的可樂餅
足料的可樂餅
咁多嘢食,都只係台幣160,對回港幣都只是43元咋
咁多嘢食,都只係台幣160,對回港幣都只是43元咋

話說每次去台北,都會去幫襯MOS Burger的。就算是買包薯條都好,點解,冇他,因為佢地真係即買即做。重要是貨真價實,非常好味,比我係香港或日本食都好好多。特別是中山區這邊,我上次係林森那邊,差不多晚晚都買的。點解,因為佢地成日有優惠做的,上次就是晚上09:00後,買一包大薯條就送多一包大薯條。真係好抵...好抵,而且台灣這邊的價錢真是好平的。同樣食物係香港或日本,都起碼貴多10-30%,所以我近幾年都冇係香港食了。今次我們就係第一日的第一餐食咗了,冇辦法啦。因為我地12:00到酒店,要等到三點才有房。阿仔又不想咁早去西門那邊,所以咪係附近行吓,睇定附近一帶有什麼好嘢食。行到這裡,腳倦了,所以咪入來食吓嘢、坐吓囉。我地只買咗一個海洋珍珠堡加大餐,再加台幣25元要多一個可樂餅,就算了。比完錢,就攞著杯汽水和牌,搵位坐了。大約等咗八分鐘到,就有服務生攞著份餐的其它食物送去你到,真係好招呼。全部嘢食都好熱、好脆,好足料,真係好味、好正。我地係度坐到14:15才走,完全冇人會吹妳走囉。下次再來台灣,我都會繼續食的。。。

推介菜式: 海洋珍珠堡、薯條
每人消費: 約80新台幣 (午餐)
評分: 味道4   服務4   環境3   衛生3   抵食4
  0 個留言    |  加入你的留言
台北四天HEA遊 (台灣)
旅程性質: 畢業旅行
 整個旅程  (共10篇遊記)
 分享至Facebook 
發表日期: 2014-05-26
好味的鬆餅 笑臉2014-05-26
靚靚餐單
靚靚餐單
食物相片
食物相片
飲品相片
飲品相片
又靚又好味的草莓鬆餅
又靚又好味的草莓鬆餅
季節水果鬆餅,真係好多生果的。
季節水果鬆餅,真係好多生果的。
仔仔話OK的草莓蘇打
仔仔話OK的草莓蘇打
有得飲又有得食的拿鐵啫喱冰沙
有得飲又有得食的拿鐵啫喱冰沙
要收10%服務費的
要收10%服務費的
上年去台北食過咖啡弄的草莓鬆餅後,好想再食。但是香港分店要排隊等個幾兩個鐘都未必有位,所以今次去台北,又想食咖啡弄了。但偏偏係未去到咖啡弄時,係SOGO見到米朗琪,重要係冇人排隊。所以就緊係食咗先啦,因為我冇記錯,上年我係咖啡弄門口排咗半小時隊才有位。其實他們賣的鬆餅同咖啡弄差不多一樣,只是少咗個草莓雪糕球(唉,仔仔話早知冇就唔食喎),其它嘢差不多。一坐下就睇Menu,都幾多嘢選擇。最後要咗兩個鬆餅,同兩杯冰沙飲品。其實我地係酒店食完早餐都冇兩小時,所以我有問過仔仔,兩個鬆餅會不會太多。但佢話唔會,一定食得到,所以....叫了。嘩,D食物和飲品,逐一逐一送上來時,真是見到都開心。點解咁講,因為同相片上的相,差不多全部一樣的。比香港D餐廳好好多,香港那些真的是貨不對辦的。食到大半,仔仔已經食不到,我還好,重食得哂。最後要包走一件和一粒草莓,佢地連包走都用好靚的透明膠盒包好放入紙袋比妳帶走,真是好細心的。今餐真是食得好滿足,好味道...正。
推介菜式: 草莓鬆餅、拿鐵沙冰
每人消費: 約350新台幣 (午餐)
評分: 味道4   服務4   環境4   衛生4   抵食3
  0 個留言    |  加入你的留言