叫左一碗出名既三蝦面~
首先成碗麵好足料, 亦好夠份量,
蝦好甜好鮮! 再加麵食!一流!
我地住左係對住街的bar台位置,
望住出面凍冰冰, 再食一碗熱騰騰的三蝦麵係人生一大享受!

之後叫左個三絲炒面,
雖然好油, 但係炒得好香!
不過就濃味左少少~

出發前, 好多朋友也介紹這間餐廳,
第二日晚上去完朱家角回到上海市時立即去品嚐一下,
叫左一個蟹粉湯包同鮮肉湯包!

入口第一下一定要吹凍一下, 皮很薄!
係湯包頭頂咬一小口, 先飲湯汁, 好鮮甜好好味!
再整個湯包放入口中(緊記先吹凍一下)!

因為太好味, 所以係走個日朝早專登再去食多兩龍,
之後問老闆娘可唔可以拎返香港,
老闆娘好好人咁幫我地pack好晒一包包急凍既,
再用一個冰袋入住, 仲教我地點樣蒸先好食。

返到香港係屋企蒸完肉汁雖然無咁多,
但依然好鮮味!

係上海必試既美食之一!

先係門口買票之後再去隔離等待拎包
拎左四個生煎包上樓上食,
起初唔知入面有肉汁, 大大啖咬落去, 好熱呀!!!

先知原來呢到生煎包同平日食開個d好唔同,
唔單只個表面好脆, 入面仲好多肉汁,
好食到最後一日臨走都食多4個!

一到門口發現勁多人！
我地就上左二樓少人ｄ～

見到個灌湯包幾得意，就叫左黎食！
入面都唔係好多湯，可能太多人關係，
所以質素比較參差

之後叫左個小龍包，
比起佳家湯包，佢既皮比較厚，
肉汁亦沒有太濃既鮮味，
價錢亦較旅客價，但亦不妨一試！

入到湯團店好凍所以住左係左手邊的房內,
叫左兩碗湯團,

第一碗係甜的,
芝麻餡料, in in un un,好好味!

第二碗係咸的蟹粉湯團,
雖然無芝麻咁好味, 但好特別!
蟹味都好濃, 無諗過可以用黎做湯圓餡料!

落樓梯入到去, 店內既環境都設計都不錯,
一個一個包廂分開, 可以有客人的空間,

點左一個蟹粉面, 味道好濃,
雖然貴左少少, 但係難得一食的麵。

之後仕應介紹左個排骨麵, 甜甜的!
排骨也很入味, 好"林"。

至於麵條, 好長好有口感, 好爽口!