馬爾代夫係實行一島一酒店嘅形式
    睇下我哋住嘅地方lar~~
我覺得除咗個島細咗啲之外，其他嘢我都好滿意
我選島嘅要求係浮潛好d,一定要有水屋,風格係古樸風,我預算係4w搞掂機票酒店三餐
咁啱嗰陣vadoo島搞優惠,幾抵玩,又fit曬我要求.so決定,vadoo go go go
呢個島係全水屋島
房型分日式同法式裝修
日式嘅房型我唔啱key,加上日落朝向嘅房間海景係最好嘅（啫係嗰個分佈圖入面出面嗰排，全部都係海景冇遮冇攔正!!）所以e咗我嘅要求畀酒店，儘量幫我安排法式日落水屋。

我哋住嘅係810號，日落法式水屋，法式水屋最好就係度門係開屏式嘅玻璃門，開大曬無敵海景盡收眼底，試霖下每日一瞓醒就可以見到個大海，陣陣海風吹送~~~~~soft!!


床後面就係浴室，sofa前面個檯下面係一塊玻璃下面係海，特別係夜晚，開著燈可以見到下面好多魚係下面游來遊去。有一日我仲見到個大海星tim~

浴室仲有個大型嘅露天雙人按摩浴缸，不過我哋靜係用過一次，事先都用消毒紙巾抹過曬，but都係覺得有D唔衛生lor

水屋嘅陽臺有個mini泳池。真係同個浴缸差唔多size...唔知整嚟有咩用

我哋申請咗蜜月。酒店送咗2張spa coupon。一支champagne仲有一碟水果。每日都有唔同嘅小食送。雖然細細件但係好覺得佢哋服務好sweet。(結婚6個月內都可以申請蜜月套餐，要事先同酒店溝通，記得要影印好結婚證帶過去，酒店有時候會check)