朋友知我鐘意食辣，所以提議晚餐食泰菜，我話得唔得架？佢話厨師都係泰國人，應該可以掛。好就試一試吧！

泰式裝修，木枱木椅，有點巴堤雅 Feel。老闆知我係香港人，先問問我鐘意食咩泰國菜，摸底之後，我諗佢心裡有數。

- 泰式沙律：
味道對辦，酸酸辣辣，帶泰式香草味，對我朋友黎講一半英國人，當然唔習慣呢種味道啦！

- 雞翼：
完全係港式生抄骨既翻版，揾唔到任何泰式既影子，啱曬鬼佬同我朋友口味！

- 冬陰功湯：
湯底顯然唔夠濃，只有酸辣味，香料味亦不足。

- 魚餅：
味道一般，ok 啦！

- 青咖喱：
只有甜味，食唔到咖喱香味，真無計！

食到一半，老闆都有問我味道如何？我回應一句好啱英國人呀！大家心照啦！

雖然食物未達到要求，但有時去到外地，抱著試玩既開心心態去面對係必需既。