我哋喺長隆酒店門口，咁啱問咗個酒店經理，有無的士去祈福食街？

佢介紹個酒店私家車司機俾我哋，去祈福食街只需人民幣$40。最緊要安全可靠！
期間，我哋仲問司機有咩好介紹？佢建議中山小炒或對面果間食廣東菜都唔錯！

大約15分鐘車程，到達祈福食街。入到條食街，各式其式！每間餐廳係唔同菜色！
有中山小炒、廣東菜、上海菜、北京菜、拉麵、火鍋、韓國菜、蒙古菜、.........

中山小炒
我哋叫咗幾樣小菜，包括可石岐BB鴿、藕片炒絲瓜、山水蒸豆腐、燻魚。
BB鴿 - 皮包骨，無啖好食！
藕片炒絲瓜 - 藕片夠爽，絲瓜唔靚係苦嘅！
山水蒸豆腐 - 豆腐真係好滑，豆腐上面釀咗豬肉！
燻魚 - 硬不在話下，又咸咗啲！

由於，大陸食肆尚未禁煙，我哋食嘢時依然聞到煙味。