是夜FA Cup十六強對著"虎"頭蛇尾的"老虎"侯城,但是在首循環的主場賽事,侯城曾經爆出大冷門,二比一反勝呢.

本土杯賽吸引力不及聯賽,或歐聯,早前說過,如果對著實力次一級的球會,一張門票並不是天方夜談.是夜我坐在龍門後面低座,入場費三十二鎊五十便士.這個價錢等同在香港看一場演唱會.假若一些非球迷,對於球迷們能夠用千幾二鎊鎊,買下全季的季票,會覺得有點不可思議.

假若在香港,可能真係痴人說夢,英格蘭人視足球為生活一部份,季票的錢是必然支出.而且還未計球衣錢呢?一家四口當到新球季就即刻"換季",條數都幾襟計.之所以好幾隊的英超大球會,季票唔係你話買就話買.好像曼聯同利物浦,要排期數年呢.

好,回到酋長球場,我坐的位置,正是與作客球迷為鄰,不時見到主客球迷,隔住球場守衛來互x.甚麼{you cxxt,you twxt!}等等,此起彼落.

當晚阿仙奴以半力出擊,龍門是在歐聯對波圖大出洋相的法比安斯基,桑治,迪佐奴,吉斯統統不是必然正選,是夜的焦點,正落在初次為阿仙奴上陣的"沙皇"艾沙雲.

上半場阿仙奴先落後一球,下半場尾段連入兩球,最後二比一反勝.完場後沒有出場的法比加斯,向侯城的助教吐口水,是此役茶杯裏的風波.

早晚的溫差太大,只穿薄薄外套的我,離場之時要用九秒九速度跑去tube,否則真係凍薑都似.

二度"趁墟"之後,下一次再來阿仙奴主場,身份希望是作客愛華頓球迷身份來.