去倫敦買野其中一個理由,就係有Topshop.

早幾年去倫敦,花時間最多的是在H&M,同Topshop.當今天H&M同大家沒有存在距離感之後,即刻覺得"唔馨香".時至今日,Topshop已開到去馬來西亞,新加坡,曼谷,係都未進軍香港.

當香港一日未有Topshop,一日都仲有理由來買野.最強力的理由:{香港無!}想在香港買Topshop,唔係無,天后的蘋果商場有間小店,會幫客人代訂Topshop的衫,連卡佛引入了Kate Moss系列,銅鑼灣名店坊的"Shine",有少量Topman Design作品出售,証明到甚麼是"人離鄉貴".

男人老狗自然去Topman,難道要去女裝部同班來自世界各地的姐姐仔逼?上到去Topman,總是流連忘返.好多好多野你係想買,但最大顧慮的不是價錢,而是如果買得過多,點拿回來香港?行李超重過多,航空公司的地勤係不會同你講情的.

由最基本的Topman,到Topman旗下的品牌,Topman design等等.琳瑯滿目.由其是當季的彩色鈕棒球T-Shirt,10鎊兩件,雖然早前已托友人買了幾件,但是又忍不住買多幾件.彩色鈕的淨色Cardigan,又是平平地執得過之物.起碼在香港,一定無人同你撞衫.

總之,無論你係咩人,入到去Topshop,一定買到野.信我.