今次新加坡之旅, 其實都是一個尋找最好食的海南雞飯之旅, 因為太多朋友或網友推介好多間話好食的海南雞飯, 所以我們今次去新加坡, 基本上日日都只少有一餐是叫海南雞飯的..說實話本人對雞無特別考究及要求, 對於我而言, 我只會考慮食物質素跟服務態度同價錢是否成正比, 文東記算是今次新加坡之旅中價錢合理得來食物質素跟服務態度中上的, 所以下次去新加坡都會再食的..不過我朋友只強烈建議我去這間同另外一間分店食, 對於其他分店的文東記的質素如何就不得而知了。

由於我們是嘆完咖啡就去食, 根本上未落格..所以只叫了2杯野飲, 1碟菜, 半隻海南雞加1碗飯。

雞算是今次旅行之中食到最滑同最平的, 我們外買一個海南雞飯給母親大人, 1/4雞左右, 4.5坡紙, 有飯有菜, 仲要外賣兜是可以叮得嗰隻...同出面無冷氣熟食差不多價, 最多貴1坡紙, 但就精緻很多了!

還有, 不可以不提他們自製的海南雞的辣椒醬汁, 食海南雞除左雞本身滑唔滑外, 醬汁都是很重要的一環, 我去過另外一間食, 他們的辣汁好似螢光橙咁, 唔係唔好味, 但見到都唔想點啦, 但這間辣得來正常樣, 所以我們都二話不說買了幾樽返來自己慢慢嘆..