第二次跟團去台灣, 其實第一次公司搞團去, 覺得唔太好玩, 今次都係一般. 都係自由行較好...
第一日到埗先到深坑豆腐街. 再到九份. 下午去完九份再到附近既碧砂魚港食刺身. 幾抵呢!! 食過晚飯, 就返酒店漏溫泉了....
見時間仲早, 到附近行下...台灣都有間疑似惠康wellcome超級市場, 不過中文叫頂...^^
我地仲試左一間唔錯既日本料理...
話明深坑豆腐街, 當然係整條街都係賣一d同豆類產品相關既店鋪呢! 見到好多好地道既炸榴槤, 地瓜, 芋頭, 豆腐, 真係乜都有... 成條街都係賣一d地道既小食, 好多買黎做手信都唔錯喔!! 上次黎過台灣後, 媽咪鍾意左土豆齋既小食, 所以今次必買返去考敬下佢啦~~
參觀時段: 早上
評分:
值得去3
其實黎台北我覺得必需要到九份。因為呢度一來有多野行,二來景色都唔錯,三來買手信必到!
行老街最好預個半至兩個小時較。今次我地時間不足,所以較遠的地方都唔夠時行呢。唯有寄望下次有多少少時間再黎啦。
結果呢度掉了很多錢買手信。。。
參觀時段: 下午
評分:
值得去4
以前一直唔知台灣有平刺身食。今次導遊介紹下,去左一個漁市場食刺身。幾十蚊港紙,食到五款刺身。真係幾抵!仲試左一啲香港無既刺身。不過只能外賣無得堂食。
參觀時段: 下午
入場價錢: 每人100新台幣
評分:
值得去3
水美都係北投區, 但佢比起春天較好就係比較就腳. 酒店外面已經有超級市場, 屈臣氏, 餐廳等等. 至少夜晚浸過溫泉後仍然可以出黎搵食. 如果做春天就比較麻煩少少了..
酒店入面都唔錯. 房間幾整潔, 最欣賞房內有一個少少的品茶位置, 幾舒服.
於北投區黎講, 我較鍾意呢間!
評分:
設備4
服務4
環境4
衛生4
抵住4