Menu全日文，好彩老闆英文都溝通到。咖啡500yen一杯，Breakfast set包咖啡先750yen，抵好多！早餐有toast 同bagel 選擇，各自都有唔同嘅餡料選擇，兩款都配有沙律。我哋就揀咗牛油果蝦bagel及牛油多士。我自己就覺得bagel都幾好食，唔會好硬，入面好多牛油果，都幾足料。牛油多士烤得香脆微焦，塗上牛油，簡單美味。而咖啡都會係老闆手沖，我嗰杯係Mocha，男友則揀咗一隻深煎咖啡。我唔係好識飲咖啡，但係個人就好鍾意，非常順喉平均，完全唔酸，反而飲到咖啡豆香氣！