到步後嘅第一餐，金百萬新派烤鴨宴，呢間餐廳刀功簡直絕，看似一片片嘅烤鴨，夾起才知是烤鴨絲，勁﹗其他菜式一般啦，不過味道偏濃。

由於住宿嘅酒店餐廳未裝修好，早餐安排喺隔離五星級酒店進食，發達囉﹗

早餐非常豐富，種類繁多，是特價團難得一見，有蒸點心、即煮湯麵、熱葷、沙律、粥、油條、甜品、各式麵包（不過包底味道都是一樣）、Yogurt、水果、飲品、當然還有我至愛嘅腸仔煎蛋啦。

食飽飽出發到第一個境點~挪用軍費修建嘅私人享樂空間。頤和園規模宏大，主要由萬壽山和昆明湖兩部分組成。大致可分爲行政、生活、游覽三個部分。今次行程集中遊覽慈禧太后優閒享樂游覽區，園內山明水秀，湖光山色，小橋流水，慈禧太后真識嘆﹗

進入天安門廣場需要經過安檢，從午門進入故宮，由於時間關係，無緣進入故宮博物院，只是走馬看花式的參觀幾個宮殿，一道道的紅牆，跟外界隔絕，眼前褪色的宮殿，見證皇朝沒落，昔日光輝湮沒在時代巨輪之下。

行完故宮，跟住上車去世貿天階購物中心，參觀導遊聲稱世界第二大嘅天幕，但廿分鐘要上番車，落車望下影幅相算數，天幕好一般，可能我見識過世界第一大嘅天幕啦﹗

今次遊定陵沒有經過明十三陵神道，旅遊巴直接駛到定陵博物館入口處，無緣跟神獸們見見面，打個招呼；導遊話地宮有六層樓高，是萬曆帝后靈寢，經文革一役，遭到嚴重破壞，萬曆帝、后的遺骸被批鬥並焚毀，而眼前所見的只是複製棺槨，和一堆堆的人民幣。

吃過中午飯，乖坐旅遊巴向位在北京西北方，距離約60公里的居庸關進發。甫下車，望見居庸關城樓上方"天下第一雄關"牌匾，攀登居庸關長城有東西兩條路，一條是從城樓往西邊走，地勢非常險要，階梯也相當陡峭，而往東邊走，地勢雖然較緩和，但對我來說，光看已感到腳軟，經衡量過之後，決定兩邊都不走。只登上城樓向遠眺，拍拍照，城樓內還有毛澤東所提的"不登長城非好漢"石碑；哈哈﹗今次又做不成好漢了﹗

古客棧外觀真係好有古代feel，但門前好似棉胎嘅擋風布簾，一撻撻漬，髒得有點不敢恭維；臨走時喺停車場見倒哈利波特雲

回程順路去埋鳥巢及水立方，行程包嘅，看似有官方活動，暫停開放，司機載我們到附近天橋下車，只好登上天橋離遠拍張照片，今次連到此一遊也談不上，無奈﹗

天壇公園佔地很大，是故宮面積四倍，明清兩朝皇祭天地方，團隊只安排參觀祈年殿範圍（但殿內就沒對外開放）和部份柏樹林，而其他附屬建築，如回音壁、神庫、宰牲亭和祭器庫等地，就無緣得見了。

進入大江胡同第一眼見到嘅係A貨阿里山神木及小火車，條大街幾乾淨，兩旁有好多連鎖商店。

行完鮮魚口，過對面大柵欄搵間餃子店，點咗一斤水餃嚟試食，今餐真係好滿足。

咔咔三D奇幻藝術體騐館，呢個項目團費包嘅，可惜3D效果不大理想，但入場費一百大元人民幣，不去也罷。

晚上行程有南鑼鼓巷和自費嘅夜遊什剎海酒吧街和荷花市場，去到什剎海，導遊話淨係可以落車影幅相即刻要上車﹗吓﹗咁叫做到此一遊嚟﹖嚟到酒吧街，就算由於時關係冇得入去酒吧飲番杯，至少都畀時間我哋落車打個round，至於荷花市場，我問領隊幾時去，領隊話喺什剎海隔離，唉﹗咁就當去咗，似乎有點兒欺客。

今個午餐團唔包，要食自己，導遊帶我地到鮮魚口解散，自行入去揾食，嚟到北京，本想試試正宗賽螃蟹，可惜搵唔到，只好試試其他北京地道食品。行勻成隻街，間間食肆都係得小貓三四隻，淨係得永澧特色小吃店有尐人氣，就入去試試，呢間店係快餐形式，我點咗幾款小食，有炸醬麵、羊雜湯、狗不理包子同埋羊肉串。價錢唔貴，狗不理包子幾好味，可惜唔夠熱，炸醬麵唔辣，醬汁略甜，最正係羊肉串，好香孜然味。

是一個荒置的舊工廠區活化而成，由於當時租金低廉，來自北京周邊和北京以外的藝術家和當代藝術機構開始在此聚集，逐漸形成了一個藝術族群，自北京奧運會後，因過度商業化，租金上漲，許多有志創作的藝術家反而被迫遷離798。該園區面積相當大，但只得30分鐘遊覽，行唔夠十分之一，又係影幅相就要趕上車出機場。

全程得見藍天，真係要多謝APEC